ថ្មីៗនេះ ក្រុមហ៊ុនបច្ចេកវិទ្យាយក្ស Samsung នឹងធ្វើការពង្រីកទៅលើបណ្តាញ SmartThings របស់ខ្លួននៅក្នុងសហរដ្ឋអាមេរិក តាមរយៈការបង្ហាញនូវកាមេរ៉ាថ្មី ដុយដោត WiFi ឆ្លាតវៃ (Smart Plug) និងអំពូលឆ្លាតវៃ Smart Bulb ។ សម្រាប់ផលិតផលថ្មីទាំងនេះ អាចរកទិញបាននៅទូទាំងប្រទេសចាប់ពីថ្ងៃនេះ។ វាអាចធ្វើការជាមួយនឹងប្រព័ន្ធ SmartThings ecosystem ហើយក៏អាចរកទិញបានតាមរយៈ Samsung e-Store, Best Buy និងហាងលក់រាយជាច្រើនទៀត។ សម្រាប់ឧបករណ៍ផលិតផលទាំង ៣ នេះអាចដំណើរការបានជាមួយនឹង Alexa, Google Assistant និង Bixby voice assistants របស់ក្រុមហ៊ុនបច្ចេកវិទ្យា Samsung តែម្តង។
SmartThings Cam ស៊េរីថ្មីនេះគឺជាកាមេរ៉ា Full HD (1080p) 145-degree, wide-angle ដែលភ្ជាប់ជាមួយនឹងមុខងារ night vision និង HDR ថែមទៀត។វាក៏ភ្ជាប់ជាមួយនឹងមុខងារ object detection ដែលក្រុមហ៊ុនបច្ចេកវិទ្យា Samsung និយាយថាវាអាចធ្វើការបែងចែកនូវភាពខុសគ្នារវាងមនុស្ស និងចលនារបស់សត្វ ឬរថយន្តដែលបើកឆ្លងកាត់ផងដែរ។ សម្រាប់តំបន់ដែលធ្វើការគ្រប់គ្រងនេះ អាចធ្វើការរៀបចំដើម្បីធ្វើការទទួលនូវសារជូនដំណឹង Notifications នៅពេលដែលអ្វីមួយធ្វើការបម្លាស់ទីនៅក្នុងទីតាំងជាក់លាក់នេះផងដែរ។ សម្រាប់ប្រព័ន្ធសំឡេង ២ ផ្លូវរបស់វាអនុញ្ញាតអោយអ្នកនិយាយទៅកាន់អ្នកនៅផ្ទះ អ្នកមកលេង ឬសត្វចិញ្ចឹមរបស់អ្នកថែមទៀតនៅពេលដែលអ្នកនៅឆ្ងាយពីផ្ទះនោះ។
SmartThings Cam ភ្ជាប់មកជាមួយនឹង Cloud Storage ឥតគិតថ្លៃសម្រាប់ការប្រើប្រាស់ 24 ម៉ោង នៅលើកាមេរ៉ាបានចំនួន 4 ថែមទៀត។ អ្នកអាចធ្វើការពង្រីកនូវទំហំ Storage របស់វាបានរហូតដល់ទៅ 30 ថ្ងៃទៀតជាមួយនឹង Premium subscription ដោយចំណាយតម្លៃ $7.99 ក្នុងមួយខែ ឬ $79.99 ក្នុងមួយឆ្នាំ ហើយអ្នកអាចធ្វើការភ្ជាប់ជាមួយនឹង SmartThings Cams ចំនួន 8 ថែមទៀត។ ជាមួយនឹងការប្រើប្រាស់វា គឺអ្នកគ្រាន់តែដោតវា ហើយធ្វើការតភ្ជាប់ទៅនឹង Home WiFi របស់អ្នក ហើយវានឹងធ្វើការភ្ជាប់ទៅកាន់ Hub ដែលអ្នកអាចធ្វើការ Link ទៅកាន់ Smart Devices ជាច្រើនទៀតនៅក្នុងផ្ទះរបស់អ្នកគឺជាការស្រេច។ ផលិតផលនេះ គឺមិនមានភ្ជាប់ជាមួយនឹងថាមពលថ្មនោះទេ ហើយវាត្រូវការខ្សែសម្រាប់ធ្វើការតភ្ជាប់ ហើយវាក៏មិនមានមុខងារការពារធន់ទៅនឹងធាតុអាកាសអាក្រក់ដែរ មានន័យថា វាសម្រាប់ប្រើប្រាស់នៅក្នុងផ្ទះប៉ុណ្ណោះ។ ឧបករណ៍មានរូបរាងតូច និងអ្វីដែលសំខាន់នោះ តម្លៃរបស់វាគឺត្រឹមតែ $89.99។
សម្រាប់ដុយដោត SmartThings WiFi Smart Plug អាចធ្វើការជាមួយនឹងអំពូល ឧបករណ៍ប្រើប្រាស់នៅក្នុងផ្ទះ និងឧបករណ៍អេឡិចត្រូនិចជាច្រើនទៀតនៅក្នុង Smart Home របស់អ្នក។ វាអាចធ្វើការតាមរយៈការបញ្ជាជាសំឡេងដើម្បីដំណើរការ ហើយវាមិនមានភ្ជាប់ជាមួយនឹង Hub ដើម្បីដំណើរការនោះទេ។ អ្នកអាចធ្វើការបើក ឬបិទវា កំណត់ពេលវេលាក្នុងការដំណើរការតាមរយៈការបញ្ជាជាសំឡេងតាមរយៈ Bixby, Google Assistant និង Alexa ។ សម្រាប់ដុយដោតនេះមានតម្លៃ $17.99 ។ អំពូលឆ្លាតវៃ SmartThings Smart Bulb ទាមទារអោយមានប្រើប្រាស់ជាមួយនឹង SmartThings Hub ដើម្បីដំណើរការបាន។ វាគឺអាចធ្វើការបញ្ជាជាសំឡេងដែលអនុញ្ញាតអោយអ្នកធ្វើការគ្រប់គ្រងវាបានតាមរយៈសំលេង ឬកំណត់នូវទម្លាប់អ្វីមួយក្នុងការបើក ឬបិទដោយស្វ័យប្រវត្តិនោះ។ សម្រាប់អំពូលនេះគឺមានតម្លៃ $9.99 ៕