no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Qualcomm ត្រូវគេនិយាយថា កំពុងតែធ្វើការតេស្ត៍ទៅលើបន្ទះឈីបស្មាតវ៉ចថ្មីដែលមានកម្លាំងខ្លាំងក្លាជាងមុន

ថ្មីៗនេះ យោងតាមការបញ្ជាក់ចេញពី WinFuture (តាមរយៈ Android Police) ក្រុមហ៊ុនប Qualcomm កំពុងតែត្រៀមរៀបចំនួវបន្ទះឈីបថ្មីសម្រាបនាឡិកាស្មាតវ៉ចជាច្រើនម៉ូដែល។ សម្រាប់ Wear 3100 បច្ចុប្បន្នរបស់ក្រុមហ៊ុនផលិតបន្ទះឈីបនេះនឹងធ្វើការជំនួសទៅលើបន្ទះឈីប "Snapdragon Wear 429" ឬ "Snapdragon Wear 2700" ។ បន្ទះឈីបថ្មីនេះនឹងធ្វើការផលិតដោយប្រើប្រាស់នូវដំណើរការ 12nm ហើយវានឹងមានអង្គគណនា Cortex-A53 CPU cores ជាមួយនឹងការទ្រទ្រង់នូវ 64-bit។ 

 

no-alternative title

បើធៀបជាមួយនឹងលក្ខណៈសម្បត្តិជាច្រើនទៀតដែលប្រើប្រាស់នូវ Wear 3100 ដែលប្រើប្រាស់នូវដំណើរការ 28nm និងភ្ជាប់ជាមួយនឹងអង្គគណនា Cortex-A7 cores ចំនួន 4 គ្រាប់។ សម្រាប់ 3100 នេះទ្រទ្រង់ទៅលើ 32-bit។ សម្រាប់ Node ដែលមានទំហំតូចជាងនេះគួរតែអនុញ្ញាតអោយក្រុមហ៊ុន Qualcomm បន្ថែមនូវត្រង់ស៊ីស្ទ័រជាច្រើនទៀតនៅក្នុង Wear 429/Wear 2700 នេះ។ វានឹងធ្វើអោយថាមពលនៅលើបន្ទះឈីបនេះកាន់តែខ្លាំងក្លាបំផុតក្នុងការប្រើប្រាស់។

 

Wear 3100 ត្រូវគេចាត់ទុកថាជាបន្ទះឈីបដែលមានថាមពលនៅទាបនៅឡើយដោយសារតែវាអាចធ្វើការងារជាច្រើនក្នុងកម្រិតធម្មតាហើយវាមិនអាចប្រើប្រាស់ពេញលេញបានទៅលើអង្គគណនា Cortex-A7 cores របស់វាបាននោះទេ។ នេះធ្វើអោយវាមានការសន្សំសំចៃទៅលើថាមពលប្រើប្រាស់ និងធ្វើការគ្រប់គ្រងទៅលើកម្រិតពន្លឺនៅពេលដែលអ្នកប្រើប្រាស់មិនប្រើថែមទៀត។ សម្រាប់ថាមពលនៅលើ Wear 3100 គឺមានចន្លោះប្រើប្រាស់បានពី 36 ម៉ោងទៅ 60 ម៉ោង។ ទោះជាយ៉ាងណាក៏ដោយនោះ សម្រាប់នាឡិកា Wear OS ជាច្រើនក៏នៅតែបន្តប្រើប្រាស់នូវបន្ទះឈីបចាស់ Wear 2100 ដែលបង្ហាញខ្លួនតាំងពីឆ្នាំ 2016 មកម្ល៉េះ។ សម្រាប់ Wear 3100 នេះគឺបង្ហាញខ្លួននៅក្នុងឆ្នាំ 2018 ។

របាយការណ៍មួយនិយាយថា ក្រុមហ៊ុន Qualcomm កំពុងធ្វើការតេស្តទៅលើបន្ទះឈីប Wear 429/Wear2700 នៅលើ platform មួយដែលមាន 1GB LPDDR3 RAM និង 8GB eMMC Storage។ បន្ទះឈីបនេះ ត្រូវបានគេនិយាយថា នឹងមានមុខងារនៃការសន្សំសំចៃថាមពលថ្មដែលនឹងដំណើរការនូវមុខងារជាច្រើនក្នុងការសន្សំសំចៃទៅលើថាមពលថ្មនោះ។ សម្រាប់ឈ្មោះ Wear 429 នេះ គឺស្នើរថា បន្ទះឈីបថ្មីនេះ គឺផ្អែកទៅលើ Snapdragon 429 Mobile Platform ដែលប្រើប្រាស់នូវ 12nm mode និងដំណើរការនូវ Cortex-A53 cores។ 

ស្មាតហ្វូន Nokia 3.2 និងស្មាតហ្វូនជាច្រើនទៀតក៏ប្រើប្រាស់នូវបន្ទះឈីប Snapdragon 429 SoC ផងដែរ។ ផ្អែកទៅលើបន្ទះឈីបពីរនេះ Wear 429 អាចដំណើរការនូវ clock speed ខ្ពស់បំផុត 2GHz បើធៀបជាមួយនឹង Wear 3100 មានល្បឿន 1.2GHz ។ នៅថ្ងៃនេះ ក្រុមហ៊ុនផលិតបន្ទះឈីបនេះ ក៏ប្រកាសចេញនូវបន្ទះឈីប Snapdragon 215 Mobile Platform ថ្មីសម្រាប់ស្មាតហ្វូនថ្នាក់ទាបជាច្រើនផងដែរ៕

 

no-alternative title
no-alternative title

no-alternative title
ព័ត៌មានពាណិជ្ជកម្ម