បន្ទាប់ពីមានការរំពឹងទុកអស់រយៈពេលជាច្រើនខែ រួមជាមួយនិងការបែកធ្លាយជាច្រើន ក៏ដូចជាពាក្យចចាមអារ៉ាមជាច្រើន ដែលបាននិយាយអំពីស្មាតហ្វូនស៊េរីថ្មី Samsung Galaxy A90 នោះ ឥលូវនេះ មានតំរុយ និងព័ត៌មានច្បាស់ការខ្លះៗហើយយើងនឹងឃើញស្មាតហ្វូនស៊េរីថ្មីនេះ នៅក្នុងពេលឆាប់ៗនេះផងដែរ។ នៅថ្ងៃានេះ មានពាក្យចចាមអារ៉ាមជាច្រើន បានបញ្ជាក់សារជាថ្មីថា ស្មាតហ្វូនជំនាន់ថ្មីរបស់ Samsung មួយនេះ នឹងមានប្រភេទ 4G និង 5G ។
ស្មាតហ្វូនស៊េរីថ្មី Samsung Galaxy A90 5G បានបែកធ្លាយហើយជាមួយនឹងលេខកូដ SM-A908N។ ស្មាតហ្វូននេះ នឹងមានបន្ទះឈីប Snapdragon 855 SoC ភ្ជាប់ជាមួយ RAM ទំហំ 6GB និងដំណើរការដោយប្រព័ន្ធប្រតិបត្តិការ Android Pie ។ ព័ត៌មាននេះ ត្រូវបានបានបង្ហាញចេញនៅលើបញ្ជីរបស់ Geekbench ជាមួយនឹងរបាយការណ៍ជាច្រើនបញ្ជាក់ថា ស្មាតហ្វូននេះ នឹងមានភ្ជាប់ជាមួយនឹងលក្ខណៈសម្បត្តិពិសេសមួយចំនួនផងដែរ។
ទិន្នន័យខាងលើនេះ បានបញ្ជាក់ថា ស្មាតហ្វូន Samsung Galaxy A90 4G នឹងមានអេក្រង់ 6.7-inch display ប្រព័ន្ធស្កេនក្រយ៉ៅដៃក្រោមអេក្រង់ និងកាមេរ៉ាខាងក្រោយ 3 គ្រាប់។ សម្រាប់កាមេរ៉ាគោលរបស់ស្មាតហ្វូននេះ គឺមានទំហំ 48MP ជាមួយនឹង 12MP+5MP ហើយវាក៏មានមុខងារអាថ៌កំបាំងមួយដែលមានឈ្មោះហៅថា “Tilt OIS”។ សម្រាប់ស្មាតហ្វូនប្រភេទ 5G នេះ នឹងមានអេក្រង់ដូចគ្នាជាមួយនឹងប្រព័ន្ធស្កេនក្រយ៉ៅដៃដូចគ្នា កាមេរ៉ាគោលខាងក្រោយដូចគ្នា ប៉ុន្តែវាមានកាមេរ៉ាទំហំ 8MP ជាកាមេរ៉ាទី 2 របស់ 12MP sensor ខណៈពេលដែលសេនស័រ 5MP sensor គឺជាកាមេរ៉ាទី 3 របស់វា។ ស្មាតហ្វូន Galaxy A90 នឹងក្លាយជាស្មាតហ្វូនដំបូងបំផុត ដែលនឹងប្រើប្រាស់នូវបន្ទះឈីប Snapdragon 855 របស់ក្រុមហ៊ុន Qualcomm នេះ៕
