នៅក្នុងព្រឹត្តិការណ៍នៃការបង្ហាញវត្តមានរបស់ស្មាតហ្វូនស៊េរីថ្មី Huawei nova 5 កាលពីថ្ងៃទី 12 ខែមិថុនាកន្លងទៅនេះ ថេប្លេតស៊េរីថ្មី Huawei MediaPad M6 ក៏បង្ហាញខ្លួនជាផ្លូវការផងដែរ។ ថេប្លេតស៊េរីថ្មីនេះ គឺមានទំហំ 8.4 អ៊ីង ភ្ជាប់ជាមួយថ្មទំហំ 6100mAh និងទំហំ 10.8 អ៊ីង ភ្ជាប់ជាមួយនឹងថ្មទំហំ 7500mAh ដែលនេះ គឺជាថេប្លេតដំបូងបំផុតរបស់ក្រុមហ៊ុន Huawei ដែលប្រើប្រាស់នូវបន្ទះឈីប Kirin 980 SoC។ ថេប្លេតស៊េរីថ្មី Huawei MediaPad M6 8.4 អ៊ីង មានតម្លៃ 1999 yuan ($291)
សម្រាប់ថេប្លេតដែលមានអេក្រង់ទំហំ 10.8 អ៊ីង គឺបានបង្ហាញខ្លួនហើយនៅលើទីផ្សារនៅក្នុងថ្ងៃនេះ និងមានការលក់ជាលើកដំបូងផងដែរ។ ថេប្លេតស៊េរីថ្មី Huawei MediaPad M6 ដែលមានទំហំ 10.8 អ៊ីង គឺមានអេក្រង់កម្រិត 2K ជាមួយនឹងកម្រិតភាពច្បាស់ 2560x1600px និងមានភ្ជាប់ជាមួយនឹងបន្ទះឈីប Kirin 980, GPU Turbo 3.0, 18W fast charge, split screen និងការប្រើប្រាស់បានរយៈពេល 12.5 ម៉ោង។ បន្ថែមពីនេះទៀតថេប្លេតនេះ ក៏មានភ្ជាប់ជាមួយនឹង 4-Channel & 4-Speakers Audio System ខណៈពេលដែលតម្លៃចាប់ផ្តើមរបស់វាគឺ 2199 yuan ($320) ។
ថេប្លេតស៊េរីថ្មី Huawei M6 10.8 អ៊ីងនេះ ក៏មានភ្ជាប់ជាមួយនឹងមុខងារ “Parallel View” ផងដែរ។ ជាមួយនឹងមុខងារនេះ នៅពេលដែលថេប្លេតនេះផ្តេកអេក្រង់នេះ នឹងទ្រទ្រង់ទៅលើ Dual-Displays នៅលើកម្មវិធី App តែមួយបាន។ ឧទាហរណ៍ ប្រសិនបើអ្នកបើកកម្មវិធី WeChat, Taobao, headlines និងកម្មវិធី software ជាច្រើនទៀតនៅលើថេប្លេត M6 នេះនោះ អ្នកអាចធ្វើការបង្ហាញនូវកម្មវិធីដូចគ្នានៅក្នុង Windows ចំនួន 2នៅលើអេក្រង់ផ្តេកនេះបាន។
សូមជំរាបផងដែរថា ថេប្លេតស៊េរីថ្មី Huawei MediaPad M6 10.8 អ៊ីងនេះ ក៏មានទ្រទ្រង់ទៅលើក្តារចុចម៉ាញេទិចឆ្លាតវៃ Smart Magnetic Keyboard ដែលមិនត្រូវការនូវការបញ្ចូលថាមពលថ្មដូចក្តារចុចដទៃនោះទេ អ្នកគ្រាន់តែដោតចូល និងដំណើរការបានតែម្តង។ បន្ថែមពីនេះទៀតនោះ ថេប្លេតនេះ ក៏ទ្រទ្រង់ទៅលើប៊ិច M-Pen lite stylus (រកទិញផ្សេង) ផងដែរ៕