ក្រុមហ៊ុនផលិតស្មាតហ្វូនដែលមានមូលដ្ឋាននៅក្នុងប្រទេសចិន នៅពេលថ្មីៗនេះ គឺបាននឹងកំពុងតែធ្វើការផ្តោតទៅលើការពង្រីកទីផ្សាររបស់ខ្លួន និងការគ្រប់គ្រងដើម្បីពង្រីកអាជីវកម្មរបស់ខ្លួនអោយរីកចម្រើនទៅមុខទៀត។ នៅពេលនេះ ក្រុមហ៊ុនបច្ចេកវិទ្យានេះ បានធ្វើការពង្រីកទីផ្សាររបស់ខ្លួនហើយកឹការចាប់ផ្តើមប្រតិបត្តិការជាច្រើននៅតំបន់អារ៉ាប់ជាពិសេសគឺប្រទេសអារ៉ាប់រួមតែម្តង។ ក្រុមហ៊ុន vivo បានចាប់ផ្តើមដាក់លក់ហើយនូវស្មាតហ្វូនដែលមានតម្លៃសមរម្យនោះគឺ vivo Y15 របស់ខ្លួននៅក្នុងអារ៉ាប់ UAE ហើយក៏ត្រៀមបង្ហាញនូវស្មាតហ្វូនស៊េរីថ្មីមួយទៀតត្រកូល Y-Series នោះគឺ vivo Y17 នៅក្នុងសប្តាហ៍នេះដែរ។
យើងនឹងដឹងអំពីតម្លៃ និងលក្ខណៈសម្បត្តិរបស់ស្មាតហ្វូននេះ ហើយនៅពេលដែលវាបង្ហាញខ្លួនជាផ្លូវការនៅអារ៉ាប់ UAE នោះ។ បើនិយាយអំពីលក្ខណៈសម្បត្តិវិញនោះ ស្មាតហ្វូនស៊េរីថ្មី vivo Y17 នេះ គឺមានអេក្រង់ទំហំ 6.35-inch LCD HD+ panel ដែលមានកម្រិត aspect ratio 19.3:9 សម្រាប់ការផ្តល់នូវទស្សនីយភាពដ៏អស្ចារ្យបំផុត។ សម្រាប់អេក្រង់ waterdrop notch displayនេះគឺមានអេក្រង់ដល់ទៅ 89% ដែលផ្តល់នូវបទពិសោធន៍នៃការលេងហ្គេមដ៏អស្ចារ្យបំផុត។ ស្មាតហ្វូននេះប្រើប្រាស់នូវបន្ទះឈីប octa-core Helio P35 processorដែលផ្អែកនៅលើដំណើរការ TSMC 12nm FinFETដែលមានល្បឿនហ្វ្រេកង់ 2.3GHz។
ស្មាតហ្វូននេះមានរ៉េមទំហំ 4GB និងម៉េមូរីក្នុងម៉ាស៊ីនទំហំ 128GB ។ បើនិយាយអំពីកាមេរ៉ាវិញនោះ ស្មាតហ្វូននេះមានកាមេរ៉ា ៣ គ្រាប់ជាមួយនឹងកាមេរ៉ាទំហំ 12MP primary sensor, 8MP wide-angle lens, និង 2MP depth ថែមទៀត។ ស្មាតហ្វូននេះអាចធ្វើការផ្តិតរូបភាពដ៏ស្រស់ស្អាតបំផុត។ សម្រាប់ផ្នែកខាងមុខវិញនោះ វាមានសេនស័រទំហំ 20 MP sensor ភ្ជាប់ជាមួយនឹង AI Face សម្រាប់ការពង្រឹងទៅលើការថតរូបភាព Selfies កាន់តែស្រស់ស្អាតបំផុត។ ស្មាតហ្វូននេះដំណើរការនូវប្រព័ន្ធប្រតិបត្តិការ Android 9.0 Pie ជាមួយនឹង Funtouch OS 9 របស់ក្រុមហ៊ុន vivo ។ ស្មាតហ្វូននេះក៏ភ្ជាប់ជាមួយនឹងមុខងារ Ultra Game Modeសម្រាប់ជួយអ្នកលេងហ្គេមអោយទទួលបាននូវល្បឿនខ្លាំងក្លាក្នុងការលេងហ្គេមថែមទៀត។ វាក៏មានថាមពលថ្មទំហំ 5,000mAh ជាមួយនឹងបច្ចេកវិទ្យាបញ្ចូលថាមពលថ្មលឿន 18W Dual Engine Fast Charging Technology ថែមទៀតផង៕
