នៅក្នុងខែមិថុនានេះ ក្រុមហ៊ុន MediaTek ត្រូវបានគេមើលឃើញថា មានភាពប្រសើរឡើងនៃប្រាក់ចំណូលរបស់ខ្លួន ដែលជាចុងបញ្ចប់នៃត្រីមាសទី 2 នេះ។ ក្រុមហ៊ុននេះ បាននឹងកំពុងតែត្រលប់ទៅរកយុទ្ធសាស្រ្តឈ្នះរបស់ខ្លួនបន្ទាប់ពីការផ្លាស់ប្តូរថ្មីទៅលើការផ្តោតទៅលើបន្ទះឈីប SoCs សម្រាប់ស្មាតហ្វូនដែលមានតម្លៃមធ្យម និងថ្នាក់ទាបវិញនោះ។ ក្រុមហ៊ុនផលិតបន្ទះឈីបរបស់តៃវ៉ាន់មួយនេះ បានរាយការណ៍ពីប្រាក់ចំណូលរួមគ្នាដែលមានទឹកប្រាក់ចំនួន 20,89 ពាន់លានដុល្លារតៃវ៉ាន់សម្រាប់ខែមិថុនាឆ្នាំ 2019 ដែលមានប្រហែល 643,1 លានដុល្លារអាមេរិក។
ប្រាក់ចំណូលនេះ គឺមានកម្រិតប្រមាណជា 9,3% ខ្ពស់ជាងអ្វីដែលក្រុមហ៊ុនបានទទួលកាលពីខែឧសភាប៉ុន្តែវាមានការថយចុះ 0,8% ធៀបនឹងប្រាក់ចំណូលដែលបានពីខែមករាឆ្នាំមុននេះ។ ទោះបីជាការលក់រួមគ្នាកើនឡើងខ្ពស់សម្រាប់ត្រីមាសទី 2 ក៏ដោយ ការលក់សរុបគឺមានចំនួនទឹកប្រាក់ត្រឹមតែ 61,57 ពាន់លានដុល្លារតៃវ៉ាន់គឺកើនឡើង 14,4% ខ្ពស់ជាងត្រីមាសទីបួន និងខ្ពស់ជាង 1,8% បើធៀបទៅនឹងឆ្នាំមុននេះ។ ក្រុមហ៊ុនផលិតបន្ទះឈីបនេះបង្កើតប្រាក់ចំណូលសរុបបានចំនួន 114,29 ពាន់លានដុល្លារតៃវ៉ាន់សម្រាប់ពាក់កណ្តាលឆ្នាំ 2019 នេះដែលជាការកើនឡើង 3,8 ភាគរយនៃប្រាក់ចំណូលប្រចាំឆ្នាំរបស់ខ្លួនផងដែរ។
ប្រាក់ចំណូលនេះ គឺស្របតាមការណែនាំរបស់ក្រុមហ៊ុនដែលមាននៅក្នុងខែឧសភា និងជាសញ្ញានៃរឿងល្អៗដែលនឹងមកដល់សម្រាប់ក្រុមហ៊ុនបច្ចេកវិទ្យានេះ។ ក្រុមហ៊ុនបច្ចេកវិទ្យា MediaTek បន្តបង្កើនការផ្តល់ជូននូវបន្ទះឈីបទូរស័ព្ទ SoC របស់ខ្លួន រួមជាមួយនឹងការបង្កើតនូវដំណោះស្រាយបន្ទះឈីបទូរស័ព្ទសម្រាប់ផលិតផលចម្រុះដ៏សម្បូរបែបផងដែរ។ ការលក់ទៅលើដំណោះស្រាយរបស់ក្រុមហ៊ុន MediaTek សម្រាប់បច្ចេកវិទ្យា IoT ការគ្រប់គ្រងថាមពលអគ្គីសនី IC និង ASIC ត្រូវបានគេចុះបញ្ជីដើម្បីរកចំណូលពី 30-35% នៃប្រាក់ចំណូលរបស់ក្រុមហ៊ុននៅក្នុងត្រីមាសទី 1 នៃឆ្នាំ 2019 ងើបឡើងវិញក្នុងកម្រិតប្រាក់ចំណេញលើសពី 40%។
ថ្មីៗនេះ ក្រុមហ៊ុន MediaTek ប្រកាសពីការបង្កើតបន្ទះឈីប SoCs ជាច្រើនដែលមិនប្រើប្រាស់នៅលើស្មាតហ្វូននោះទេបន្ថែមពីលើបន្ទះឈីបទូរស័ព្ទថ្មីរបស់ខ្លួនដែលរួមមានបន្ទះឈីប 5G SoC ដំបូងបង្អស់របស់ក្រុមហ៊ុននេះ។ មួយក្នុងចំណោមបន្ទះឈីបនេះគឺជា MediaTek i700 សម្រាប់ប្រើប្រាស់នៅលើកម្មវិធី AIoT ដែលនឹងចាប់ផ្តើមដាក់អោយដំណើរការនៅលើផលិតផលជាច្រើននៅឆ្នាំក្រោយនេះ។ កាលពីដើមខែនេះ បន្ទះឈីប S900 ត្រូវដាក់ឱ្យដំណើរការសម្រាប់ទូរទស្សន៍ឆ្លាតវៃជាមួយការផ្តល់ដំណោះស្រាយនៅលើកម្រិតភាពច្បាស់ 8K ផងដែរ៕