របាយការណ៍ចុងក្រោយបំផុតនេះបានឱ្យដឹងថា ក្រុមហ៊ុន Apple បានបោះបង់គម្រោង Smartglasses ដែលមានមូលដ្ឋានលើបច្ចេកវិទ្យា AR ដែលត្រូវបានគេចាត់ទុកថាជារឿងធំបន្ទាប់ពីទូរស័ព្ទ iPhone ហើយ។ ឥលូវនេះ ក្រុមហ៊ុន Samsung បានដាក់ពាក្យសុំប៉ាតង់ជាមួយនឹងការិយាល័យប៉ាតង់ និងស្លាកសញ្ញាសហរដ្ឋអាមេរិក (តាមរយៈស្ថាប័នដែលក្រុមហ៊ុន Apple ស្នើសុំប៉ាតង់ទៀងទាត់) ដែលទាក់ទងទៅនឹងវ៉ែនតា AR របស់ខ្លួន ម្តងដើម្បីទាញការចាប់អារម្មណ៍។
កម្មវិធីប៉ាតង់នេះគឺបង្ហាញពីវ៉ែនតាពីរដែលបើកដោយស្វ័យប្រវត្តិនៅពេលបើកវា (Unfold) ដែលមានភ្ជាប់នូវម៉ាស៊ីនបញ្ចាំងរូបភាពដែលស្ថិតនៅក្នុងវ៉ែនតានេះ អាចបញ្ចាំងពន្លឺនៅលើអេក្រង់តូចមួយដែលស្ថិតនៅលើ Lens។ ហើយស៊ុមក្រាស់អេឡិចត្រូនិក ដែលប្រើដោយឧបករណ៍នេះ គឺអាចប្រើប្រាស់នូវបន្ទះឈីប ARM បានផងដែរ។
កាលពីប៉ុន្មានឆ្នាំមុននេះ ក្រុមហ៊ុន Samsung ធ្លាប់បានបញ្ចេញវីដេអូនៃគម្រោង Monitorless ដែលបង្ហាញពីគែមឆ្លាតដែលមានមូលដ្ឋានគ្រឹះទៅលើបច្ចេកវិទ្យា AR ដែលមើលទៅស្រដៀងនឹងរូបភាពដែលបានប្រើប្រាស់នៅក្នុងកម្មវិធីប៉ាតង់នេះ។ វ៉ែនតាទាំងនេះ បានភ្ជាប់ទៅនឹងទូរស័ព្ទរបស់ក្រុមហ៊ុន Samsung តាមរយៈ Wi-Fi ខណៈពេលដែលទូរស័ព្ទភ្ជាប់ទៅកុំព្យូទ័រ PC របស់អ្នកប្រើជាមួយនឹងសញ្ញាទូរស័ព្ទនេះតែម្តង។ វានេះនឹងអនុញ្ញាតឱ្យអ្នកប្រើប្រាស់អាចមើលឃើញកុំព្យូទ័ររបស់ពួកគេតាមរយៈវ៉ែនតា (ហេតុនេះ វាមានឈ្មោះថា Monitorless)។ ក្រុមហ៊ុន Samsung បានបង្ហាញវ៉ែនតា Monitorless glasses នៅឯសមាជទូរស័ព្ទពិភពលោក (Mobile World Congress ) ក្នុងឆ្នាំ 2017 ម្តងហើយផងដែរ ដោយប្រើកញ្ចក់អេឡិចត្រូក្រូមិច ដែលអាចប្តូររវាងបច្ចេកវិទ្យា AR និង VR បាន។ ប្រភេទកញ្ចក់នេះ អាចផ្លាស់ប្តូរភាពច្បាស់របស់ពួកគេដោយប្រើវ៉ុលទៅលើវា។
ឥឡូវនេះ វ៉ែនតាឆ្លាតវៃជាច្រើននៅលើទីផ្សារ ដែលល្បីល្បាញបំផុតគឺ Google Glass។ វែនតានេះ នៅតែប្រើប្រាស់នៅក្នុងអាជីវកម្មជាច្រើន។ ក្នុងនាមជាផលិតផលប្រើប្រាស់មួយដែរ ផលិតផលនេះ បានទទួលបរាជ័យដោយសារតែឧបករណ៍នេះមិនអាចបំពេញតាមការសន្យា ដែលបង្ហាញនៅក្នុងវីដេអូដែល Google បានចេញផ្សាយនៅពេលដែលបានប្រកាសគម្រោង Project Glass នៅខែមេសា ឆ្នាំ 2012 នោះ។ តម្លៃវែនតានេះ គឺមានតម្លៃ 1500 ដុល្លារ គឺខ្ពស់ពេកហើយ សម្រាប់អតិថិជនមធ្យម និងការដាក់លក់វ៉ែនតានេះ គឺជាការសាកល្បងតែប៉ុណ្ណោះ។ សូមជំរាបថា ប៉ាតង់របស់ Samsung នេះ ត្រូវបានដាក់កាលពីថ្ងៃទី 2 ខែមករា ឆ្នាំ 2019 កន្លងទៅនេះ។