ស្មាតហ្វូន Honor 9x និងស្មាតហ្វូន Honor 9X Pro ត្រូវបានអ្នកតាមដាននានា រំពឹងថា អាចនឹងបង្ហាញខ្លួននៅប៉ុន្មានថ្ងៃខាងមុខនេះហើយជាមួយនឹងការបំពាក់មកនូវបន្ទះឈីប Kirin 810 ថ្មីរបស់ Huawei។ ថ្មីៗនេះ ក្រុមហ៊ុនបុត្រសម្ព័ន្ធរបស់ក្រុមហ៊ុន Huawei នេះ ក៏បានធ្វើការបញ្ចេញនូវរូបភាព Teaser របស់ស្មាតហ្វូននេះផងដែរ ហើយថ្មីៗនេះ អនុប្រធានរបស់ក្រុមហ៊ុននេះ ក៏បានធ្វើការបង្ហាញនូវរូបភាពមួយចំនួនរបស់ប្រអប់លក់រាយស្មាតហ្វូននេះ ដែលមានការឌីស្សាញជាមួយនឹងពណ៌ Gradient យ៉ាងស្រស់ស្អាតថែមទៀតផង។
សម្រាប់រូបរាងរបស់ស្មាតហ្វូនទាំងពីរនេះ គឺមានការបែកធ្លាយមួយរយៈពេលទៅហើយ ប៉ុន្តែវានៅមិនទាន់មានរូបភាព Render ផ្លូវការ ឬរូបភាពពិតៗរបស់ស្មាតហ្វូននេះនៅឡើយទេ។ នៅពេលនេះ គឺមានការផ្លាស់ប្តូរហើយ ហើយយើងក៏ទទួលបាននូវរូបភាពផ្សព្វផ្សាយមួយដែលទម្លាយអំពីស្មាតហ្វូនស៊េរីថ្មីនេះហើយ។ រូបភាពផ្សព្វផ្សាយថ្មីនេះ គឺបង្ហាញអំពីរឿងពីរគឺការឌីស្សាញដែលមានរូបរាងជា X Gradient យ៉ាងស្រស់ស្អាត និងកាមេរ៉ា 3 គ្រាប់ដែលមានភ្លើងLED Flash។ ស្មាតហ្វូនេះ មិនមានប្រព័ន្ធស្កេនក្រយ៉ៅដៃស្ថិតនៅខាងក្រោយនោះទេ ប៉ុន្តែមានការបញ្ជាក់ថា ស្មាតហ្វូននេះ នឹងប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់នៅលើអេក្រង់ AMOLED ដោយយើងអាចឃើញនូវប្រព័ន្ធស្កេនក្រយ៉ៅដៃនេះ ស្ថិតនៅលើប៊ូតុង Power ដូចគ្នា ទៅនឹងស្មាតហ្វូន Honor View20និង Honor 20/20 Pro ដែរ។
ព័ត៌មានលម្អិតរបស់ស្មាតហ្វូន HONOR 9X និង 9X PRO ត្រូវបានគេបង្ហាញថា ស្មាតហ្វូន Honor 9X នេះ ប្រើប្រាស់នូវប្រព័ន្ធកាមេរ៉ាភ្លោះ ខណៈពេលដែលស្មាតហ្វូន 9X Pro ប្រើប្រាស់កាមេរ៉ា 3 គ្រាប់។ របាយការណ៍ជាច្រើនទៀតទម្លាយថា ស្មាតហ្វូន 9X និង 9X Pro អាចប្រើប្រាស់កាមេរ៉ា 3 គ្រាប់ និង 4 គ្រាប់រៀងគ្នា។ យើងនៅមិនទាន់ច្បាស់ថាព័ត៌មាននេះ ពិត ឬមិនពិតនោះទេ។ ស្មាតហ្វូន Honor 9X ប្រហែលជាអាចនិងបោះបង់ចោលនូវ Notch ជំនួសមកវិញនូវកាមេរ៉ាផុសខាងមុខ។ ផ្អែកទៅលើព័ត៌មានបែកធ្លាយនេះ យើងដឹងថា ស្មាតហ្វូនប្រភេទ Pro version នេះ នឹងមានកាមេរ៉ាគោលទំហំ 48MP Sony IMX582+8MP wide-angle sensor+2MP depth ។ ស្មាតហ្វូននេះ ប្រើប្រាស់នូវថាមពលថ្មទំហំ 4,000 mAh ជាមួយនឹងបច្ចេកវិទ្យា 20W Fast Charging សម្រាប់ប្រភេទ Pro និងថាមពលថ្មទំហំ 3750mAh និងបច្ចេកវិទ្យា 10W Charger សម្រាប់ម៉ូដែលស្តង់ដាររបស់វា៕
