នៅថ្ងៃនេះ ក្រុមហ៊ុន OnePlus បានប្រកាសថា ខ្លួនបានសហការជាមួយនឹងក្រុមហ៊ុនផលិត Accessory លេងហ្គេមគឺ Flydigi ធ្វើការផលិតនូវឧបករណ៍លេងហ្គេមដ៏អស្ចារ្យជាច្រើនសម្រាប់ប្រើប្រាស់ជាមួយនឹងស្មាតហ្វូនរបស់ខ្លួន។ ប្រសិនបើ អ្នកចូលចិត្តលេងហ្គេម PUBG ឬ Fortnite នោះ ជឿជាក់ថា អ្នកប្រហែលជាត្រូវការឆែកមើលទៅលើកិច្ចព្រមព្រៀងនេះហើយ ដើម្បីដឹងថាតើ ស្មាតហ្វូន OnePlus 7 ឬ OnePlus 7 Pro ត្រូវនិងរបស់មួយណា?។ ក្រុមហ៊ុន Flydigi បានធ្វើការផលិតនូវ Accessories លេងហ្គេមជាច្រើនដូចជា attachable cooling fans, one-handed and two-handed mobile game controllers, gamepads និង gaming keyboards។ ក្នុងកិច្ចព្រមព្រៀងនេះ មានឧបករណ៍សម្រាប់លេងហ្គេមចំនួន 4 ដែលនឹងប្រើប្រាស់សម្រាប់ក្រុមហ៊ុន OnePlus ប៉ុន្តែយើងក៏បញ្ចូលគ្នាពីរតែម្តងសម្រាប់បញ្ជីទី 1 នេះ។
1 . OnePlus 7/OnePlus 7 Pro + Flydigi Wasp 2 one-handed controller
សម្រាប់កញ្ចប់ឧបករណ៍នេះ គឺមានស្មាតហ្វូន Mirror Gray OnePlus 7 (8GB+256GB) និង Flydigi Wasp 2 single-hand controller ឬស្មាតហ្វូន Nebula Blue OnePlus 7 Pro (8GB+256GB) និង Flydigi Wasp 2 single-hand controller។ សម្រាប់កញ្ចប់ OnePlus 7 bundle នេះ គឺមានតម្លៃ ¥3259 (~$474) ជំនួសអោយតម្លៃ ¥3298 (~$480) ខណៈពេលដែលកញ្ចប់ OnePlus 7 Pro bundle គឺមានតម្លៃ ¥4759 (~$692) ជំនួសអោយតម្លៃ ¥4798 (~$697) ។ កញ្ចប់ទាំងពីរនេះ អាចរកទិញបាននៅលើ JD.com ។
2. OnePlus 7 Pro + Flydigi Cooling Fan
សម្រាប់កញ្ចប់នេះ គឺមានស្មាតហ្វូន Mirror Gray OnePlus 7 Pro (8GB+256GB) និង Flyidigi’s cooling fan។ Cooling Fan នេះ គឺមានភ្ជាប់ជាមួយនឹងផ្នែកខាងក្រោយរបស់ស្មាតហ្វូននេះដែលធ្វើអោយម៉ាស៊ីននេះត្រជាក់នៅក្នុងការលេងហ្គេម។ វាមានភ្ជាប់ជាមួយនឹង RGB light ល្បឿនចំនួន 3 ហើយអាចប្រើប្រាស់នៅក្នុងពេលតែមួយជាមួយនឹង Wasp 2 controller និង Flydigi trigger ថែមទៀត។ សម្រាប់កង្ហារនេះ គឺមានថាមពលថ្មទំហំ 700mAh ហើយវាមានតម្លៃ ¥4559 (~$662) ជំនួសអោយតម្លៃ ¥4578 (~$665) ហើយវាអាចរកទិញបាននៅលើ JD.com ។
3. OnePlus 7 Pro + Flydigi Triggers
នៅក្នុងកញ្ចប់នេះគឺ មានស្មាតហ្វូន Nebula Blue OnePlus 7 Pro (8GB+256GB) និង Flydigi Triggers មួយគូ។ សម្រាប់ Flydigi Triggers នេះ គឺសម្រាប់ដាក់នៅម្ខាងៗនៃអេក្រង់។ ក្រុមហ៊ុន Flydigi ក៏លក់នូវ triggers ដាច់ដោយឡែកផងដែរ។ វាមានថាមពលថ្មទំហំ 50mAh ហើយបញ្ចូលម្តងអាចលេងបាន ៨០ ម៉ោង និងបញ្ចូលថ្មតាមរយៈ MicroUSB port ។ វាមានទំងន់ត្រឹមតែ 20 ក្រាមប៉ុណ្ណោះ។ កញ្ចប់នេះអាចរកទិញបាននៅលើ JD.com នៅក្នុងតម្លៃ ¥4579 (~$665) ខណៈពេលដែលតម្លៃដើមរបស់វាគឺ ¥4598 (~$688) ។ ក្រុមហ៊ុន OnePlus បាននិយាយថា កម្មវិធីនេះ មានផ្តល់ជូនត្រឹមថ្ងៃទី 21 ខែកក្កដានេះប៉ុណ្ណោះ៕
