no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Huawei បាននិយាយថា ខ្លួនមិនចង់អោយអ្នកទិញផលិតផលរបស់ខ្លួនដោយសារតែជាតិនិយមនោះទេ គឺត្រូវតែគិតពីទំនើបកម្មនៃបច្ចេកវិទ្យា និងគុណភាព

បន្ទាប់ពីសហរដ្ឋអាមេរិកធ្វើការហាមប្រាមទៅលើក្រុមហ៊ុន Huawei ពីការធ្វើអាជីវកម្មជាមួយនឹងក្រុមហ៊ុនបច្ចេកវិទ្យាជាច្រើនរបស់សហរដ្ឋអាមេរិកនោះ មនុសស្សជាច្រើននៅក្នុងប្រទេសចិន បានចាប់ផ្តើមក្លាយជាអ្នកស្នេហាជាតិ ហើយចាប់ផ្តើមទិញស្មាតហ្វូនជាច្រើនរបស់ក្រុមហ៊ុន Huawei ដើម្បីទ្រទ្រង់ទៅលើក្រុមហ៊ុននេះ។ វិធីនេះ កាលពីប៉ុន្មានខែមុននេះ ក៏មានមនុស្សជាច្រើន បានដាក់សញ្ញាស្នេហាជាតិ នៅលើផលិតផលជាច្រើនរបស់ក្រុមហ៊ុន Huawei ផងដែរ។ 

 

no-alternative title

ការធ្វើបែបនេះ មានន័យថា ប្រសិនបើអ្នកពិតជាអ្នកស្នេហាជាតិនោះ អ្នកនឹងទិញស្មាតហ្វូន Huawei ជាជាងការជ្រើសរើសទិញស្មាតហ្វូនបរទេសដូចជា Apple។ ទោះជាយ៉ាងណាក៏ដោយ លោកស្រី Chen Lifang ដែលជាអគ្គនាយករបស់នាយកដ្ឋានទំនាក់ទំនងកិច្ចការសារធារណៈរបស់ក្រុមហ៊ុន Huawei គឺមានទស្សនៈផ្សេងអំពីរឿងនេះ។ លោកស្រី Chen Lifang បាននិយាយថា ផ្នែកខាងក្នុងរបស់ក្រុមហ៊ុន Huawei គឺដឹងច្បាស់ថា ខ្លួននៅកន្លែងណា?។ លោកស្រី បានអះអាងថា ប្រសិនបើក្រុមហ៊ុន Huawei មិនបានធ្វើការងារល្អមែនសម្រាប់ផលិតផល បច្ចេកវិទ្យា និងសេវាកម្មជាច្រើនរបស់ខ្លួនទេនោះ គឺនឹងមិនអាចទៅរួចនោះទេ នៅក្នុងការប្រកួតប្រជែងតាមរយៈការប្រើប្រាស់សញ្ញាស្នេហាជាតិសម្រាប់ក្រុមហ៊ុននេះ។ 

ដូចនេះ ក្រុមហ៊ុន Huawei គឺមិនយកចិត្តទុកដាក់ខ្លួន ទៅលើអអ្វីដែលសារព័ត៌មាន និងមនុស្សមួយចំនួន បាននិយាយទៅលើរឿងស្នេហាជាតិនោះទេ ប៉ុន្តែវា គឺផ្តោតទៅលើការផលិតផលិតផលជាច្រើនដែលមានគុណភាពខ្ពស់នោះ។ សូមជំរាបថា កាលខែឧសភាកន្លងទៅ ស្ថាបនិកលោក Ren របស់ក្រុមហ៊ុន Huawei ក៏បានព្យាយាមបញ្ចុះបញ្ចូលទៅលើការយល់ឃើញសម្រាប់រឿងជាតិនិយមនេះ ដែរ ដោយលោកនិយាយថា iPhone គឺជាប្រព័ន្ធ Ecosystem មួយដ៏ល្អ ហើយគាត់នៅតែទិញ iPhone សម្រាប់គ្រួសាររបស់គាត់ នៅពេលដែលគាត់ទៅបរទេសនោះ។ 

តាមរយៈមតិនេះ បង្ហាញថា ក្រុមហ៊ុន Huawei មិនចង់អោយអ្នកប្រើប្រាស់ជាច្រើនទិញផលិតផលជាច្រើនរបស់ខ្លួនដោយគ្រាន់តែពាក្យថាស្នេហាជាតិនោះទេ។ ជំនួសមកវិញនោះ ខ្លួនចង់រក្សានូវការផ្តោតទៅលើគុណភាពរបស់ផលិតផលទាំងនេះ អោយបានល្អបំផុត។ នេះ គឺជាហេតុផលដែលក្រុមហ៊ុន Huawei ចង់ចាកចេញពីភាសាជាតិនិយមនោះ។ គួរបញ្ជាក់ផងដែរថា ស្មាតហ្វូនជាច្រើនលានគ្រឿងរបស់ក្រុមហ៊ុន Huawei គឺលក់នៅជុំវិញពិភពលោក ដែលត្រូវការការគាំទ្រពីអ្នកប្រើប្រាស់ជាច្រើននៅជុំវិញពិភពលោក ហើយនេះ គឺជាវិធីតែមួយគត់ដែលអាចធ្វើអោយផលិតផលជាច្រើនរបស់យើងមានគុណភាពខ្ពស់និងតម្លៃអាចប្រកួតប្រជែងបាននោះ៕

 

no-alternative title
no-alternative title

no-alternative title
ព័ត៌មានពាណិជ្ជកម្ម