Tecno Mobile ដែលជាក្រុមហ៊ុនផលិតស្មាតហ្វូនដែលមានមូលដ្ឋាននៅក្នុងទីក្រុងហុងកុង បានត្រៀមខ្លួនក្នុងការសម្ពោធ ស្មាតហ្វូនស៊េរីថ្មីចុងក្រោយបំផុតដែលមានឈ្មោះហៅថា "Phantom 9" នៅក្នុងប្រទេសឥណ្ឌានៅថ្ងៃទី 10 ខែកក្កដានេះនៅវេលាម៉ោង 12 ថ្ងៃត្រង់។ នៅក្នុងរូបភាព Teaser នេះ គឺបានបង្ហាញនៅលើ Flipkart ជាមួយនឹងលក្ខណៈសម្បត្តិមួយចំនួនរបស់វាផងដែរ។
ស្មាតហ្វូនស៊េរីថ្មី Tecno Phantom 9 នេះ ក្រុមហ៊ុនទើបតែប្រកាសបង្ហាញនៅក្នុងប្រទេសនីហ្សេរីយ៉ានៅក្នុងតម្លៃ 77000 Naira ឬ Rs 14,712 ហើយស្មាតហ្វូននេះ នឹងបង្ហាញខ្លួននៅក្នុងទីក្រុង Nairobi នៅថ្ងៃទី 15 ខែកក្កដាខាងមុខនេះផងដែរ។ ផ្អែកនៅលើតម្លៃនៅក្នុងប្រទេសនីហ្សេរីយ៉ា យើងអាចរំពឹងបានថា ស្មាតហ្វូននេះនឹងមានតម្លៃក្រោម Rs 15,000។ បើនិយាយអំពីលក្ខណៈសម្បត្តិរបស់ស្មាតហ្វូននេះ Tecno Phantom 9 មានអេក្រង់ប្រភេទ 6.4-inch FHD+ Notch display ជាមួយនឹងកម្រិតភាពច្បាស់ 1080x2340 pixel ហើយនិងមានកម្រិតដង់ស៊ីតេភិចសែលរបស់វាគឺ 403ppi។
ស្មាតហ្វូននេះ ប្រើប្រាស់នូវបន្ទះឈីប MediaTek Helio P35 ជាមួយនឹងរ៉េមទំហំ 6GB និងម៉េមូរីក្នុងម៉ាស៊ីនទំហំ 128GB ថែមទៀតផង។ ស្មាតហ្វូននេះអាចបន្ថែមនូវ microSD កាតទំហំបាន 256GB ថែមទៀត។ Phantom 9 គឺជាស្មាតហ្វូនស៊េរីថ្មីដែលមានភ្ជាប់ជាមួយនឹងកាមេរ៉ាខាងក្រោយ 3 គ្រាប់ AI ដ៏ឆ្លាតវៃដែលមានទំហំ 16-megapixel ជាសេនស័រកាមេរ៉ាគោលជាមួយនឹង F1.8 night algorithm 2.0, 8-megapixel ជាសេនស័រទី 2 និង 2-megapixel depth sensor និងភ្លើង Super Quad Flash ថែមទៀតផង។
សម្រាប់ផ្នែកខាងមុខរបស់ស្មាតហ្វូននេះ គេសង្កេតឃើញមានកាមេរ៉ា 32-megapixel AI selfie រួមជាមួយនឹងភ្លើង Dual LED flash ដ៏ស្រស់ស្អាតថែមទៀត។ សម្រាប់កាមេរ៉ាSelfie នេះភ្ជាប់ជាមួយនឹងមុខងារ AI beauty mode និង Wide selfie mode ផងដែរ។ ស្មាតហ្វូននេះដំណើរការនូវប្រព័ន្ធប្រតិបត្តិការ Android 9 Pie ជាមួយនឹង HIOS 5.0 និងថាមពលថ្មទំហំ HIOS 5.0 ។ បន្ថែមពីនេះទៀតនោះ ស្មាតហ្វូននេះ ប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ និងសេនស័រជាច្រើនទៀតដូចជា Accelerometer, Proximity, Light, Compass និង Eyecare mode ផងដែរ។ វាមានភ្ជាប់ជាមួយនឹងប្រព័ន្ធភ្ជាប់ទំនាក់ទំនងស្តង់ដារដូចទៅនឹងស្មាតហ្វូនផ្សេងផងដែរ៕
