សាខាក្រុមហ៊ុន Huawei ប្រចាំនៅតំបន់អាហ្វិ្រកខាងត្បូងបានបញ្ជាក់ថា “ទូរស័ព្ទស្មាតហ្វូន Huawei ចំនួន 5 ម៉ូដែលបន្ថែមទៀតនឹងទទួលបានការធ្វើបន្ទាន់សម័យឡើងមក EMUI9.1 ដែលជាកំនែប្រែចុងក្រោយបំផុតក្នុងខែកក្កដានេះ”។ ស្មាតហ្វូនទាំង 5 ម៉ូដែលនោះរួមមាន Huawei P20, P20 Pro, Mate 10 Pro, Mate 10 Porsche Design និង Mate 10 RS Porsche Design ដែលពួកវានឹងទទួលបាននូវការធ្វើបច្ចុប្បន្នភាពឡើងមកកាន់ Firmware ជំនាន់ចុងក្រោយបំផុតនេះក្នុងខែនេះ។
បន្ថែមពីនេះស្មាតហ្វូនម៉ូដែលដូចជា P30 lite, Mate 20 lite, Mate 9, P10, P10 Plus, P smart 2019, Y5 2019 និង Y6 2019 ក៏នឹងទទួលបាន Firmware ថ្មីចុងក្រោយនេះនៅសីហាខែក្រោយនេះផងដែរ។ បើតាមប្រភពបានអោយដឹងថា “ក្រោយពីបានដំឡើងមកកាន់ Firmware ថ្មី (EMUI9.1) ស្មាតហ្វូនទាំងនោះនឹងទទួលបានមុខងារប្រើប្រាស់ថ្មីៗដូចជាប្រព័ន្ធគ្រាប់ទិន្នន័យ EROFS File System, GPU Turbo 3.0 សម្រាប់ជំនួយស្ថេរភាពល្បឿនម៉ាស៊ីននៅពេលលេងហ្គេម និងបង្កើនសមត្ថភាពលើមុខងារ Moon Mode របស់កាមេរ៉ាសម្រាប់ស្រឡាយ Huawei P30 ថែមទៀតផង។
ជាងនេះទៅទៀក្រុមហ៊ុន Huawei បាននឹងកំពុងតែនាំមកនូវការកែលម្អរថ្មីទៅលើរូបរាងអាយខនកម្មវិធីអោយកាន់តែមានភាពស្រស់ស្អាត រួមនិងមុខងារ Gesture Control អោយកាន់តែមានលក្ខណៈល្អប្រសើរជាងមុនសម្រាប់ការប្រើ។ ចឹងដំណឹងនេះគឺពិតជាដំណឹងល្អបំផុតសម្រាប់អ្នកប្រើប្រាស់ដែលកំពុងកាន់ប្រើជាមួយស្មាតហ្វូនម៉ូដែលខាងលើទាំងអស់នេះ ហើយ Huawei នឹងនៅតែបន្តធ្វើអោយស្មាតហ្វូនរបស់លោកអ្នកមានភាពទាន់សម័យក្នុងការប្រើប្រាស់ជានិច្ចទោះបីជាលោកអ្នកប្រើប្រាស់យូរឆ្នាំក៏ដោយ៕