ថ្មីៗនេះ ក្រុមហ៊ុន Huawei បានប្រកាសថា ខ្លួននឹងរៀបចំនូវព្រឹត្តិការណ៍សន្និសីទអ្នកអភិវឌ្ឍកម្មវិធី Huawei Developer Conference 2019 នៅក្នុង Songshan Lake, Dongguan ចាប់ពីថ្ងៃទី 9 ដល់ថ្ងៃទី 11 ខែសីហាខាងមុខនេះ។ សុន្ទរកថាសំខាន់ៗ នៅក្នុងសន្និសីទនេះ នឹងប្រកាសនៅថ្ងៃដំបូងនៃព្រឹត្តិការណ៍នេះ។ យើងបានដឹងថា ក្រុមហ៊ុន Huawei នឹងប្រកាសរឿងដ៏ធំគួរអោយភ្ញាក់ផ្អើលមួយនៅក្នុងព្រឹត្តិការណ៍នេះ ប៉ុន្តែពេលនេះ យើងដឹងថាយ៉ាងហោចណាស់វាមានរឿងមយនៅក្នុងរឿងជាច្រើនដែលយើងនឹងដឹងនោះ។
ថ្មីៗនេះ ក្រុមហ៊ុន Huawei ក៏ធ្វើការអាប់ដេតទៅលើគេហទំព័រ HDC 2019 ហើយវាក៏បង្ហាញយើងថា EMUI 10 នឹងប្រកាសបង្ហាញខ្លួននៅក្នុងព្រឹត្តិការណ៍នេះផងដែរ។ នេះ គឺជាដំណឹងដ៏ល្អសម្រាប់ក្រុមហ៊ុន Huawei។ ក្រៅពីនេះ យើងនៅមិនទាន់បានដឹងព័ត៌មានជាច្រើនទៀត ទាក់ទងទៅនឹង EMUI 10 នេះទេ ហើយនេះ គឺជាព័ត៌មានដំបូងដែលយើងបានដឹងនោះ។ តាមការបញ្ជាក់របស់ពាក្យចចាមអារ៉ាមថ្មីៗនេះ EMUI 10 នឹងមានការរចនាជាមួយនឹងទស្សនៈវិស័យថ្មី ឬយ៉ាងហោចណាសក៏ធ្វើការអាប់ដេតទៅលើការឌីស្សាញនៅលើ version បច្ចុប្បន្ននេះ ផងដែរ។ យើងបានឃើញនូវការពង្រឹងជាច្រើនទៅលើ Interface នៃកាមេរ៉ា និងមុខងារជាច្រើនទៀត ល្បឿនរបស់វាក៏លឿនជាងមុនផងដែរ។ វាផ្អែកទៅលើប្រព័ន្ធប្រតិបត្តិការ Android Q ដែលយើងអាចធ្វើការគ្រប់គ្រងការងារបានយ៉ាងល្អបំផុតតាមរយៈ UI នេះ។
នេះគឺជារឿងដែលគួរអោយភ្ញាក់ផ្អើលមែនទែនសម្រាប់យើងនៅក្នុងខណៈពេលនេះដោយសារតែក្រុមហ៊ុនបច្ចេកវិទ្យា Huawei នៅមិនទាន់ប្រកាសអំពីអ្វីភ្លាមៗនៅឡើយទេ។ វានឹងមានរឿងជាច្រើនទៀតដែលនឹងនិយាយនៅក្នុងព្រឹត្តិការណ៍សន្និសីទ HDC នេះជាពិសេសគឺកម្មវិធី Software ថ្មីៗថែមទៀត។ សម្រាប់ព័ត៌មានបន្ថែមទៀតអំពីក្រុមហ៊ុន Huawei និង EMUI 10 សូមបន្តតាមដាននៅលើគេហទំព័ររបស់យើងជាបន្តទៀត៕
