បើទោះបីជាមានភាពមិនច្បាស់លាស់នោះទេអំពីអាជីវកម្មស្មាតហ្វូន Android របស់ខ្លួន ដោយសារតែមានការហាមប្រាមរបស់សហរដ្ឋអាមេរិកក៏ដោយ ក៏ក្រុមហ៊ុនបច្ចេកវិទ្យាយក្ស Huawei នៅតែត្រៀមដាក់លក់ស្មាតហ្វូន 5G ដំបូងបំផុតរបស់ខ្លួននោះគឺ Huawei Mate 20 X 5G នៅក្នុងទីផ្សារជាច្រើន ដែលបានជ្រើសរើសរួចហើយដដែល។ ស្មាតហ្វូននេះអាចរកទិញ បាននៅក្នុងប្រទេសចិន អារ៉ាប់ UAE និងប្រទេសអ៊ីតាលីបានហើយ។
របាយការណ៍ជាច្រើន បានបញ្ជាក់ថា ស្មាតហ្វូនស៊េរីថ្មី Mate 20 X 5G នឹងអាចរកទិញបាននៅក្នុងប្រទេសចិន ចាប់ពីថ្ងៃទី 26 ខែកក្កដានេះ ខណៈពេលដែលស្មាតហ្វូននេះ បច្ចុប្បន្នអាចធ្វើការកម្មង់ទិញមុនបាននៅក្នុងប្រទេសអ៊ីតាលី ហើយវានឹងចាប់ផ្តើមដាក់លក់ជាផ្លូវការនៅថ្ងៃទី 22 ខែកក្កដានេះ។ ស្មាតហ្វូននេះ អាចរកទិញបាននៅអារ៉ាប់ UAE ចាប់ពីថ្ងៃនេះតទៅផងដែរ។ ក្រៅពីការទ្រទ្រង់ទៅលើ 5G network នោះ អ្វីផ្សេងទៀតនៅលើស្មាតហ្វូនថ្មីនេះ គឺដូចគ្នាទៅនឹងស្មាតហ្វូន Mate 20 X ស្តង់ដារដែរ។
ស្មាតហ្វូននេះ មានអេក្រង់ទំហំ 7.2-inch HDR Full HD+ displayជាមួយនឹងកម្រិតភាពច្បាស់ 2244 x 1080 pixelsនិងភ្ជាប់ជាមួយនឹង Huawei M Pen ផងដែរ។ ស្មាតហ្វូននេះភ្ជាប់ជាមួយនឹងប្រព័ន្ធ Vapor Chamber និង Graphene Film cooling, dual speakers ជាមួយនឹង Dolby Atmos និង IP53។ ស្មាតហ្វូននេះ ប្រើប្រាស់នូវបន្ទះឈីប Kirin 980 octa-core ជាមួយនឹងម៉ូដឹម Balong 5000 5G modem ដែលប្រើប្រាសនៅលើស្មាតហ្វូនត្រកូល Mate X នេះ។ ក្រុមហ៊ុន Huawei បានអះអាងថា ម៉ូដឹម Balong 5000 នេះ គឺទ្រទ្រង់ទៅលើ standalone (SA) និង non-standalone (NSA) network architectures សម្រាប់បច្ចេកវិទ្យា 5G នេះ។ ស្មាតហ្វូននេះមានរ៉េមទំហំ 6GB និងម៉េមូរីទំហំ 128GB ហើយវាក៏អាចបន្ថែមនូវ microSD card ដែលមានទំហំ 256GB ។
បើនិយាយអំពីប្រព័ន្ធកាមេរ៉ាវិញនោះ ស្មាតហ្វូននេះមានកាមេរ៉ា 3 គ្រាប់ដែលមានទំហំ 40MP+20MP+8MP ជាមួយនឹងភ្លើង LED Flash ផងដែរ។ សម្រាប់កាមេរ៉ាខាងមុខនេះ ស្មាតហ្វូននេះមានកាមេរ៉ាទំហំ 20MP សម្រាប់ធ្វើការថតរូបភាព Selfie និងវីដេអូខល។ ស្មាតហ្វូននេះ ដំណើរការនូវ Android Pie និង EMUI ហើយវាមានថាមពលថ្មទំហំ 5,000mAh ជាមួយនឹងការទ្រទ្រង់ទៅលើបច្ចេកវិទ្យាបញ្ចូលថាមពលថ្មលឿន SuperCharge Fast Charging Technology ថែមទៀត៕