នៅក្នុងខណៈពេលនេះ ក្រុមហ៊ុនផលិតសម្បកទូរស័ព្ទជាច្រើន គឺជាប្រភពដ៏ល្អបំផុត នៅក្នុងការទម្លាយព័ត៌មាននៅពេលដែលក្រុមហ៊ុននេះ បញ្ចេញនូវសម្បកទូរស័ព្ទសម្រាប់ស្មាតហ្វូនជាច្រើន។ នៅថ្ងៃនេះ គឺមានភស្តុតាងផ្សេងទៀតសម្រាប់បញ្ជាក់ទៅលើស្មាតហ្វូននេះ។ សម្រាប់ប្រភពនេះ គឺបាននិយាយអំពីស្មាតហ្វូនស៊េរីថ្មី Huawei Mate 30 និង 30 Pro បានបង្ហាញនូវលក្ខណៈសម្បត្តិជាច្រើនដែលពិតជាអស្ចារ្យ និងស្រស់ស្អាតមែនទែន។ ពេលនេះ យើងនឹងចាប់ផ្តើមជាមួយនឹងស្មាតហ្វូនមួយនៅក្នុងចំណោមស្មាតហ្វូនទាំងពីរម៉ូដែលនេះ។
ដូចអ្វីដែលយើងអាចមើលឃើញនៅក្នុងរូបភាពជាច្រើននេះ ស្មាតហ្វូនស៊េរីថ្មី Mate 30 នេះ នឹងមានភ្ជាប់ជាមួយនឹង Notch ។ នេះប្រហែលជាកន្លែងសម្រាប់បំពាក់នូវ “face ID”។ រូបភាពនេះ ក៏បានបញ្ជាក់ថា ស្មាតហ្វូននេះ ប្រហែលជាប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ ប៉ុន្តែបើយើងនិយាយអំពីក្រុមហ៊ុនផលិតសម្បកទូរស័ព្ទនេះ វាមិនអាចបញ្ជាក់អំពីរឿងនេះតាមរយៈរូបភាពនេះ បាននោះទេ ហើយយើងក៏មិនអាចនិយាយថារឿងនេះជឿជាក់ទុកចិត្តបាននោះទេ។ សម្រាប់ស្មាតហ្វូន Mate 30 Pro នេះ ប្រហែលជាមានផ្នែកខាងក្រោយស្រដៀងគ្នាដែរ។ យ៉ាងណាមិញ វាមានការបញ្ជាក់ថា ស្មាតហ្វូននេះនឹងមិនមានវត្តមានរបស់កាមេរ៉ា Telescopic Zoom នោះទេ នេះបើពិនិត្យទៅតាមរូបរាងនៃសម្បកទូរស័ព្ទរបស់ស្មាតហ្វូននេះ។
អ្វីដែលគួរអោយកត់សម្គាល់នោះ ស្មាតហ្វូនទាំងពីរនេះ មិនមានរន្ធដោតកាសស្តាប់នោះទេ។ សម្រាប់ពណ៌ Gradient ចម្រុះគ្នានេះ ប្រហែលជាមិនមែនជារឿងថ្មីអ្វីនោះទេ ដោយសារ តែពណ៌បែបនេះមានប្រើប្រាស់ច្រើននៅលើស្មាតហ្វូនផ្សេងហើយនោះ។ វានៅមិនទាន់មានការបញ្ជាក់ជាផ្លូវការអំពីពេលវេលានៃប្រកាសបង្ហាញរបស់ស្មាតហ្វូននេះទាំងពីរម៉ូដែលនេះនោះទេ ប៉ុន្តែវាប្រហែលជាបង្ហាញខ្លួននៅក្នុងព្រឹត្តិការណ៍ណាមួយនៅក្នុងសហរដ្ឋអាមេរិក។ គួរបញ្ជាក់ផងដែរថា ការហាមប្រាមរបស់សហរដ្ឋអាមេរិកដាក់ទៅលើក្រុមហ៊ុន Huawei គឺទុកអោយនៅត្រឹមថ្ងៃទី 9 ខែសីហានេះ នៅក្នុងការប្រើប្រាស់ទៅលើសេវាកម្ម Android នោះ ហើយនៅថ្ងៃនោះ ក៏ជាព្រឹត្តិការណ៍សន្និសីទអ្នកអភិវឌ្ឍកម្មវិធីផងដែរ។ យើងនឹងមើលបន្តថា តើនឹងមានរឿងអ្វីកើតឡើងជាបន្តទៀត៕