បន្ទាប់ពីមានបញ្ហាទៅលើផ្នែកហិរញ្ញវត្ថុ រដ្ឋាភិបាលរបស់ចក្រភពអង់គ្លេស ក៏បន្តជួយក្រុមហ៊ុនផលិតរថយន្ត Jaguar Land Rover (JLR) អោយបន្តទៅមុខដដែល នេះគឺជាពេលវេលាដ៏ល្អសម្រាប់ក្រុមហ៊ុននេះ ហើយក្រុមហ៊ុន JLR នេះ ក៏បានត្រៀមផែនការក្នុងការបញ្ចេញនូវផលិតផលថ្មីរបស់ខ្លួននៅក្នុងរយៈពេល 2 ឆ្នាំខាងមុខទៀតផងដែរ។ តាមការបញ្ជាក់របស់ Autocar បានអោយដឹងថា ក្រុមហ៊ុននេះ ត្រៀមបញ្ចេញនូវរថយន្តស៊េរីថ្មីដល់ទៅ 5 ម៉ូឌែល។ ថ្មីៗនេះក្រុមហ៊ុន JLR ក៏បានប្រកាសចេញនូវរថយន្តជាច្រើនម៉ូឌែលរបស់ខ្លួននៅក្នុងព្រឹត្តិការណ៍ World Car of the Year Jurors ហើយពេលនេះ សម្រាប់គម្រោងផែនការរបស់ក្រុមហ៊ុននេះសម្រាប់ពេល 2 ឆ្នាំខាងមុខទៀតនេះ ក៏ឃើញកាន់តែច្បាស់ហើយ។
ក្រុមហ៊ុន JLR បានបញ្ជាក់រួចហើយថារថយន្តជំនាន់បន្ទាប់របស់ XJនឹងជារថយន្តអេឡិចត្រូនិចទាំងអស់ ហើយរថយន្ត Range Rover ក៏នឹងមាន version អេឡិចត្រូនិចផងដែរ ដែលនឹងបង្ហាញខ្លួននៅក្នុងឆ្នាំ 2021 ខាងមុខនេះ។ នេះគឺជារថយន្តចំនួន 2 ម៉ូឌែលនៅក្នុងចំនោមរថយន្តទាំង 5 ម៉ូឌែលដែលនឹងបង្ហាញខ្លួននៅក្នុងរយៈពេល 2 ឆ្នាំខាងមុខនេះ ហើយរថយន្ត 3 ទៀតគឺមានប្រភេទ F-Type និង XE, J-Pace SUV, Defender និង Discovery អេឡិចត្រូនិច។ ខណៈពេលដែលរថយន្ត Range Rover និង Discovery ប្រើប្រាស់នូវអេឡិចត្រូនិចនោះ វាក៏មិនមានគម្រោងផែនការសម្រាប់រថយន្ត Defender អេឡិចត្រូនិចនោះទេ។
សម្រាប់រថយន្តម៉ូឌែលថ្មីរបស់ក្រុមហ៊ុន Land Rover គឺមានដូចជារថយន្ត Range Rover, Discovery និង Defender ។ នៅឆ្នាំ 2025 ខាងមុខនេះ ក្រុមហ៊ុន Land Rover និយាយថា រថយន្តទាំង 3 ម៉ូឌែលនេះនឹងមានប្រភេទ mild-hybrid និង plug-in hybrid ។ សម្រាប់រថយន្តម៉ូឌែល Range Rover Evoque និង Velar ក៏អាចនឹងបង្ហាញខ្លួននៅក្នុងឆ្នាំ 2021 នេះផងដែរ។
សម្រាប់រថយន្ត XJ ថ្មីនេះ អាចនឹងបង្ហាញខ្លួននៅក្នុងចុងឆ្នាំ 2020 នេះជាប្រភេទរថយន្ត Sedan អេឡិចត្រូនិចដែលមានភ្ជាប់ជាមួយនឹង plug-in electric versions ។ រថយន្ត XJ's Modular Longitudinal Architecture (MLA) ប្រភេទ SUV នឹងមានឈ្មោះហៅថា J-Pace គឺស្ថិតនៅក្នុងលំដាប់ខ្ពស់ជាង F-Pace ។ ក្រុមហ៊ុន Jaguar ក៏មានគម្រោងក្នុងការខ្ចីម៉ាស៊ីនពី BMW ដើម្បីប្រើប្រាស់នៅលើម៉ូឌែលជាច្រើនដូចជា F-Type ផងដែរដើម្បីជួយអោយក្រុមហ៊ុននេះចំណេញលុយនៅលើការអភិវឌ្ឍទៅលើម៉ាស៊ីននេះ៕