នេះ គឺជាលើកដំបូងបំផុតនៅក្នុងប៉ុន្មានឆ្នាំចុងក្រោយនេះ ដែលក្រុមហ៊ុន Samsung ផ្តល់នូវជម្រើសកាន់តែច្រើនជាមួយនឹងពីរទំហំសម្រាប់ស្មាតហ្វូន Galaxy Note ស៊េរីថ្មីចុងក្រោយនេះ។ ស្មាតហ្វូន Galaxy Note10+ មានអេក្រង់ 6.8 អ៊ីង ដែលផ្តល់នូវបទពិសោធន៍នៃការប្រើប្រាស់នៅលើអេក្រង់កាន់តែធំ កាន់តែទូលាយជាងមុន ខណៈពេលដែលអតិថិជនរបស់ស្មាតហ្វូន Galaxy Note 10 គឺទទួលបានស្មាតហ្វូនដែលមានអេក្រង់ទំហំ 6.3 អ៊ីង ដូចគ្នាទៅនឹងស្មាតហ្វូន Galaxy S10 ។
សម្រាប់ ប៊ិច S Pen របស់ស្មាតហ្វូននេះ ត្រូវបានក្រុមហ៊ុនបន្ថែមនូវមុខងារថ្មីៗជាច្រើន ដែលធ្វើអោយប៊ិចនេះ មានប្រយោជន៍កាន់តែច្រើនមែនទែនក្នុងការប្រើប្រាស់។ នៅលើប៊ិកនេះ មានភ្ជាប់ជាមួយនឹងមុខងារ accelerometer និង gyroscope ដែលអាចប្រើប្រាស់សម្រាប់គ្រប់គ្រងទៅលើចលនា។ សម្រាប់មុខងារ Default របស់ប៊ិចនេះ គឺមិនត្រឹមតែល្អក្នុងការប្រើប្រាស់នោះទេ ប៉ុន្តែក្រុមហ៊ុន Samsung ក៏ដំណើរការនូវ Air Actions SDK ដូចនេះ អ្នកអភិវឌ្ឍទៅលើ App និង Game អាចប្រើប្រាស់វាសម្រាប់វិធីដ៏ឆ្លាតវៃបំផុត។
ស្មាតហ្វូនទាំងពីរនេះប្រើប្រាស់នូវប៊ិច S Pen ដូចគ្នា ប៉ុន្តែ មានលក្ខណៈផ្សេងគ្នាផងដែរ។ សម្រាប់ស្មាតហ្វូនអេក្រង់ធំនេះ មានទំហំ 6.8 អ៊ីង គឺប្រើប្រាស់នូវអេក្រង់ប្រភេទ Dynamic AMOLED panel ជាមួយនឹងកម្រិតភាពច្បាស់ 1440p+(498ppi)។ ចំនែកស្មាតហ្វូន Samsung Galaxy Note10 វិញមានអេក្រង់ 6.3 អ៊ីង គឺប្រើប្រាស់អាក្រង់ Dynamic AMOLED display ប៉ុន្តែមជាមួយនឹងកម្រិតភាពច្បាស់ត្រឹមតែ 1080p+ resolution (401ppi) ប៉ុណ្ណោះ។ អេក្រង់ទាំងពីរនេះទ្រទ្រង់ទៅលើ HDR10+ និង Dynamic Tone Mapping សម្រាប់ការបង្កើតនូវរូបភាពដ៏អស្ចារ្យក្នុងការប្រើប្រាស់។
ស្មាតហ្វូនទាំងពីរម៉ូដែលនេះ គឺមានបំពាក់នូវកាមេរ៉ាខាងក្រោយ 3 គ្រាប់។ សម្រាប់កាមេរ៉ាគោល គឺមានទំហំ 12MP sensor ភ្ជាប់ជាមួយនិងមុខងងារ optical image stabilization (OIS) និង dual aperture (f/1.5 និង f/2.4)។ បន្ថែមពីនេះ ក៏មានភ្ជាប់ជាមួយនឹង telephoto ដែលមានទំហំ 12MP sensor និងភ្ជាប់នូវ OIS ដូចគ្នា។។ កាមេរ៉ាទីបី គឺមានទំហំ 16MP ប្រភេទ ltra wide-angle អាចថតបានក្នុងកម្រិត 123°។ ស្មាតហ្វូន Galaxy Note10+ ត្រូវបានក្រុមហ៊ុន ភ្ជាប់ជាមួយនឹងសេនស័រ 3D ToF sensor ដែលប្រើប្រាស់ជាមួយនឹងកម្មវិធី 3D Scanner app ដើម្បីបង្កើតនូវគំរូម៉ូឌែល 3D សម្រាប់ជីវិតរស់នៅប្រចាំថ្ងៃ (វាអាចធ្វើការស្កេនទៅលើវត្ថុអ្វីមួយដែលមានវិមាត្រ 80x80x80cm) ថែមទៀត។ ខុសប្លែកពីស្មាតហ្វូន Galaxy S10 អេក្រង់របស់ស្មាតហ្វូន Galaxy Note10 គឺភ្ជាប់ជាមួយនឹងរន្ធប្រហោងមួយនៅលើអេក្រង់ដែលមានកាមេរ៉ាខាងមុខ 10MP selfie ភ្ជាប់ជាមួយនឹង 80° lens និង autofocus ។
ស្មាតហ្វូននេះ អាចធ្វើការថតវីដេអូកម្រិត 4K ហើយវាមានមុខងារ Life focus video (bokeh) និងការពង្រឹងទៅលើមុខងារកម្រិតខ្ពស់ក្នុងការកែប្រែវីដេអូតាមរយៈប៊ិច S Pen នេះថែមទៀតផង។ ស្មាតហ្វូនត្រកូល Note Series នេះ អាចប្រើប្រាស់បានជាមួយនឹងកម្មវិធី Adobe Premier Rush ដែលអ្នកប្រើប្រាស់អាចទាញយកឥតគិតថ្លៃសម្រាប់ការកែប្រែវីដេអូកម្រិតខ្ពស់បានថែមទៀត។ ស្មាតហ្វូន Galaxy Note10 និង Galaxy Note 10+ ដែលមានប្រភេទ LTE និង 5G Versions ។ ស្មាតហ្វូន Galaxy Note10+ និង Galaxy Note10 មានម៉េមូរីដែលមានទំហំ 256GB និង 512GB versions ។ ស្មាតហ្វូន Galaxy Note 10 មានភ្ជាប់ជាមួយនឹងរ៉េមដែលមានទំហំ 8GB ខណៈពេលដែលប្រភេទ 5G version ដែលមានរ៉េមទំហំ 12GB ។ ស្មាតហ្វូន Plus នេះគឺជាស្មាតហ្វូនតែមួយគត់ដែលមានភ្ជាប់ជាមួយនឹង microSD slot ដែលទ្រទ្រង់ទំហំដល់ទៅ 1TB ។
ស្មាតហ្វូននេះ មានបន្ទះឈីបដែលមាន 2 ទំហំសម្រាប់ធ្វើការជ្រើសរើសគឺ Exynos 9825 និង Snapdragon 855 chipset (non-plus)។ សម្រាប់តំបន់ផ្សេងគ្នានឹងទទួលបាននូវបន្ទះឈីបផ្សេងគ្នាសម្រាប់ប្រើប្រាស់។ ម៉ូឌែល Plus នេះ គឺមានថាមពលថ្មដែលមានទំហំ 4,300mAh និងភ្ជាប់ជាមួយនឹងបច្ចេកវិទ្យាបញ្ចូលថាមពលថ្មលឿន 45W Super Fast Charging ។ ក្រុមហ៊ុន Samsung បានបញ្ជាក់ថា ការបញ្ចូលថ្ម គឺត្រឹមតែ 30 នាទីអាចប្រើប្រាស់បានពេញមួយថ្ងៃ។ ប៉ុន្តែអ្នកត្រូវតែទិញ 45W charger ខណៈពេលដែលនៅក្នុងប្រអប់ គឺមានតែ 25W ។
សម្រាប់ស្មាតហ្វូន Galaxy Note 10 គឺមានថាមពលថ្មត្រឹមតែ 3,500mAh និងបច្ចេកវិទ្យា 25W។ ស្មាតហ្វូនទាំងពីរនេះទ្រទ្រង់ទៅលើបច្ចេកវិទ្យា fast wireless charging និង reverse wireless charging ហើយអ្នកក៏អាចប្រប្រាស់បានជាមួយនឹង Galaxy Watch, Galaxy Buds ឬស្មាតហ្វូនជាច្រើនទៀតផងដែរ។
ស្មាតហ្វូនស៊េរីថ្មី Samsung Galaxy Note10 និងGalaxy Note 10+ នេះអាចរកទិញបាននៅថ្ងៃទី ២៣ ខែសីហានេះ (ការកម្មង់ទិញមុនគឺចាប់ផ្តើមពីថ្ងៃនេះហើយ)។ ស្មាតហ្វូននេះមាន 3 ពណ៌គឺ Aura Glow, Aura White និង Aura Black ។ សម្រាប់ទីផ្សារមួយចំនួនគឺមានពណ៌ Aura Pink version របស់ស្មាតហ្វូន Galaxy Note 10 និង Aura Blue Galaxy Note10+៕