នៅក្នុងរយៈពេលជិត 6 ខែនេះ បន្ទាប់ពីស្មាតហ្វូន Samsung Galaxy Fold និង Huawei Mate X បានបង្ហាញខ្លួនជាផ្លូវការនោះ ការប្រកួតប្រជែងរបស់ក្រុមហ៊ុនបច្ចេកវិទ្យាយក្សទាំងពីរនេះ គឺត្រៀមក្នុងការបញ្ចេញនូវស្មាតហ្វូនដែលអាចបត់បានរបស់ខ្លួនសម្រាប់អតិថិជនជាច្រើននៅចុងឆ្នាំនេះ។ បើទោះបីជាវាមានភាពខុសប្លែកគ្នាទៅលើការឌីស្សាញរូបរាងក៏ដោយនោះ ស្មាតហ្វូនដែលអាចបត់បាននេះ ក៏ជួបប្រទះនូវបញ្ហាដែលមានលក្ខណៈស្រដៀងគ្នានៅពេលដែលក្រុមហ៊ុនទាំងពីរនេះ បានចាប់ផ្តើមនូវការផលិតនោះ។ គួរបញ្ជាក់ថា ការបង្ហាញវត្តមានរបស់ស្មាតហ្វូន Huawei Mate X គឺគ្រោងនឹងបង្ហាញខ្លួននៅក្នុងខែមិថុនា ក្រោយមកក៏មានការពន្យារពេល ដែលបានធ្វើអោយមនុស្សជាច្រើនមានការខកចិត្តយ៉ាងខ្លាំង។
និយាយពី Samsung វិញ កាលពីដើមខែនេះ ក្រុមហ៊ុននេះ បានប្រកាសត្រៀមខ្លួនក្នុងការដាក់លក់ស្មាតហ្វូនដែលអាចបត់បាននេះ នៅខែក្រោយនេះ ដែលលឿនជាងស្មាតហ្វូន Huawei Mate X ដែលគ្រោងនឹងបង្ហាញខ្លួននៅខែវិច្ឆិកាខាងមុខ។ ប៉ុន្តែអ្វីៗ គឺនៅមិនទាន់ច្បាស់ទេថា អ្វីដែលបណ្តាលអោយមានការពន្យារពេលយូរបែបនេះ ប៉ុន្តែបើតាមប្រភពចេញពី TechRadar នៅក្នុងសន្និសិទមួយនៅក្នុងទីក្រុង Shenzhen បានអោយដឹងថា មកទល់នឹងពេលនេះ គឺមិនទាន់អាចទៅរួចនោះទេ ដែលកាលបរិច្ឆេទនៃការបង្ហាញស្មាតហ្វូនទាំងនេះគឺនៅក្នុងខែកញ្ញានោះ។
ប្រភពខាងលើនិយាយថា តាមការពិតទៅ គឺមិនមានអ្វីដែលគួរអោយភ្ញាក់ផ្អើលនោះទេ ដែលថា ការប្រកួតប្រជែងទៅលើការឌីស្សាញនេះ គឺតម្រូវអោយមានការឌីស្សាញជាថ្មីទៅលើរូបរាងរបស់ និងការរៀបចំសារជាថ្មីនោះ ជាពិសេសក្រុមហ៊ុន Huawei ក៏មានការផ្លាស់ប្តូរទៅលើគំរូរបស់ស្មាតហ្វូន Mate X របស់ខ្លួនជាមួយនឹងការបន្ថែមនូវកាមេរ៉ាទី 4 នៅផ្នែកខាងក្រោយរបស់ស្មាតហ្វូននេះ និងការពង្រឹងទៅលើថាមពលថ្មរបស់វាថែមទៀតផង។ ក្រុមហ៊ុន Huawei ត្រូវបានគេរាយការណ៍ថា នឹងបញ្ចេញូវស្មាតហ្វូន Mate X នេះ អោយបានលឿនបំផុត គឺនៅក្នុងខែវិច្ឆិកានេះ ដើម្បីកុំអោយផុតរដូវឈប់សម្រាកវិសម្សកាល៕
