រហូតមកដល់ពេលនេះ ក្រុមហ៊ុន Samsung បានបន្ថែមនូវបញ្ជីស្មាតហ្វូនរបស់ខ្លួនបន្ថែមទៀតសម្រាប់រដ្ឋាភិបាលសហព័ន្ធសហរដ្ឋអាមេរិក ជ្រើសរើសប្រើប្រាស់នៅក្នុងការបំពេញការងារ បន្ទាប់ពីស៊េរី Galaxy S10 , Galaxy S9 និង Galaxy Note 9 ដោយស្មាតហ្វូនទាំងអស់នេះ គឺទទួលបានការទទួលស្គាល់ពីអង្គការ STIG តាមរយៈសុវត្ថិភាព ដោយស្មាតហ្វូននេះ នឹងធានាអោយពួកគេមានសមត្ថភាពការពារទិន្នន័យយោធា ដែលងាយរងគ្រោះ និងផ្តល់សន្តិសុខសម្រាប់ប្រព័ន្ធព័ត៌មាន របស់ក្រសួងការពារជាតិអាមេរិក។
សូមជំរាបថា ស្មាតហ្វូនម៉ូដែលថ្មីនេះ មិនមែនជាស្មាតហ្វូន Samsung ដំបូងគេ ដែលទទួលបានការយល់ព្រមពី STIG ទេ ពីព្រោះថា កន្លងមកក៏មានស្មាតហ្វូនម៉ូដែលចាស់ៗដូចជា Galaxy S8 និង S8+ ហើយនិង Galaxy Note 8 ផងដែរ ។ អ្វីដែលអស្ចារ្យដែលគេមើលជិញថាមានសារៈសំខាន់សម្រាប់ស្មាតហ្វូដែលទើបនឹងមានការទទួលស្គាល់នេះ គឺដោយសារតែ Galaxy S10 5G គឺជាស្មាតហ្វូនថ្មី និងដំបូងបំផុត ដែលអាចដំណើរការបាន 5G ដំបូងគេ ដែលត្រូវបានគេជឿជាក់ថា នឹងឆ្លើយតបទៅនឹងតម្រូវការបានរហ័សទាន់ចិត្ត តាមស្តង់ដារសុវត្ថិភាពរបស់កម្លាំងសហព័ន្ធ។
លោក Chris Balcik អនុប្រធានក្រុមហ៊ុន Samsung Electronics America បានមានប្រសាសន៍ថា ថ្មីៗនេះ “ ការចេញលក់ Galaxy S10 5G ជាមួយនឹងការរីកចម្រើននៃបណ្តាញ 5G គឺបានបើកទំលុះយុគសម័យថ្មីនៃការប្រើប្រាស់ស្មាតហ្វូនរបស់អតិថិជននៅអាមេរិក ក៎៏ដូចជាការជ្រើសរើសរបស់សហព័ន្ធ។ សូមជំរាបផងដែរ កាលពីខែមុន ទូរស័ព្ទ Galaxy S9 ត្រូវបានប្រើប្រាស់ដោយអ្នកតំណាងនៅក្នុងការិយាល័យតម្រួត Kit Calson County Sheriff's ក្នុងទីក្រុង Burlington រដ្ឋ Colorado ដែលស្មាតហ្វូននេះ បានក្លាយជាផ្នែកមួយនៃកាមេរ៉ាផ្ទាល់ខ្លួនអាចជួយបំរើការងារអោយគេបាន។ យោងទៅតាមការអនុម័ត និងផ្តល់នូវភ្លើងខៀវរបស់ស្ថាប័ន STIG ថ្មីៗនេះ គឺបញ្ជាក់យ៉ាងច្បាស់ថា នឹងមានស្មាតហ្វូន Samsung កាន់តែច្រើន ទំនងជានឹងត្រូវបានប្រើដោយកម្លាំងសហព័ន្ធនៅក្នុងវិស័យផ្សេងៗគ្នា។
