Huawei Mate 30 និង Mate 30 Pro ត្រូវបានគេរំពឹងថា នឹងមកដល់នៅចុងឆ្នាំនេះ។ ពាក្យចចាមអារ៉ាមដំបូង បានលើកឡើងថា ទូរស័ព្ទថ្មីនេះ នឹងមានការរៀបចំរាងចតុកោណ នៅផ្នែកខាងក្រោយ ប៉ុន្តែស្រោមការពារចុងក្រោយបង្អស់ ដែលត្រូវបានបង្ហាញនៅលើបណ្តាញសង្គម Instagram លេចធ្លាយដោយ Ice Universe បង្ហាញម៉ូឌុលរាងជារង្វង់ អមដោយការប្រហោងតូចទ្រវែង នៅផ្នែកខាង សម្រាប់ឧបករណ៍ចាប់សញ្ញា ឬឧបករណ៍បំពងសម្លេង។
ក្រឡេកមើលស្រោមការពារ យើងក៏អាចដឹងផងដែរថា នឹងមានការកាត់មួយនៅផ្នែកខាងក្រោម សម្រាប់ឧបករណ៍ភ្ជាប់ USB-C ខណៈដែលផ្នែកខាងលើ មានរន្ធតូចពីរសម្រាប់ IR Blaster និងមីក្រូសម្រាប់ដកសំលេងរំខាន។ ចាប់តាំងពីក្រុមហ៊ុន Huawei បានលុបចោលរន្ធដោតអូឌីយ៉ូ 3.5 មម ពីម៉ូឌែល Mate ចំនួនពីរស៊េរីមុនមកត្រូវបាន ក្រុមហ៊ុន បញ្ជាក់ថា ចាប់ពីពេលនេះទៅ គឺគ្មានរន្ធរាងជារង្វង់ណាមួយ សម្រាប់កាសរបស់អ្នកដោតទៀតទេ។
យោងតាមព័ត៌មានលម្អិតមួយទៀត គឺត្រូវបានគេនិយាយ ស្មាតហ្វូនថ្មីនេះ គឺមានស្នាមរលាក់នៅផ្នែកខាងស្តាំ។ តាមធម្មតានោះ គឺជាកន្លែង ដែលកម្រិតសំឡេង និងប៊ូតុងបិតបើក ប៉ុន្តែយើងឃើញយ៉ាងហោចណាស់ មានពីរទៀត មួយនៅកណ្តាល និងមួយទៀតនៅជិតផ្នែកខាងក្រោម។ ខណៈពេលដែលខ្សែក្រោយ អាចជារន្ធតូចមួយ សម្រាប់អំពូល LED ឬអាចជាប៊ូតុង សំឡេងជំនួយ ឬក៏ជាប៊ូតុងចុចបញ្ជាកាមេរ៉ាថតរូប។ យើងនឹងត្រូវរង់ចាំការលេចធ្លាយបន្ថែមទៀត ដើម្បីដឹងបានកាន់តែច្រើនបន្ថែមទៀតពីស្មាតហ្វូនជំនាន់ថ្មីទាំងពីរនេះ៕