ស្មាតហ្វូនស៊េរីថ្មី Samsung Galaxy Note10 និង Galaxy Note10+ បង្ហាញខ្លួនជាផ្លូវការរួចហើយនៅក្នុងសហរដ្ឋអាមេរិកនៅថ្ងៃទី 7 ខែសីហាកន្លងទៅនេះ។ នៅក្នុងរយៈពេលជិត 2 សប្តាហ៍បន្ទាប់ពីព្រឹត្តិការណ៍នៅក្នុងទីក្រុងញ៉ូវយ៉ក ក្រុមហ៊ុន Samsung នឹងបង្ហាញស្មាតហ្វូននេះ នៅក្នុងទីក្រុង Bengaluru ប្រទេសឥណ្ឌាផងដែរ។ ស្មាតហ្វូនស៊េរីថ្មី Galaxy Note10 នេះ នឹងបង្ហាញខ្លួនៅថ្ងៃទី 20 ខែសីហានេះ នៅក្នុង Samsung Opera House នៅក្នុងទីក្រុង Bengaluru ប្រទេសឥណ្ឌា។ ព្រឹត្តិការណ៍នេះនឹងចាប់ផ្តើមឡើងនៅក្នុងវេលាម៉ោង 11:30 AM IST ។
មុនព្រឹត្តិការណ៍សម្ភោធន៍នៅសប្តាហ៍ក្រោយនេះនៅថ្ងៃអង្គារ៍នេះ ស្មាតហ្វូនទាំងពីរនេះ អាចធ្វើការ Pre-order បានហើយនៅលើគេហទំព័រ Samsung របស់ប្រទេសឥណ្ឌាហើយ រួមទាំង Flipkart និង Amazon នៅក្នុងប្រទេសឥណ្ឌា។ ស្មាតហ្វូន Galaxy Note10 នឹងមានតម្លៃ INR 69,999 សម្រាប់ទំហំ 8GB+256GB ខណៈពេលដែលស្មាតហ្វូន Galaxy Note10+ មានតម្លៃ INR 79,999 សម្រាប់ទំហំ 12GB+256GB និងតម្លៃ INR 89,999 សម្រាប់ទំហំ 12GB+512GB។ ស្មាតហ្វូនទាំងពីរនេះអាចរកទិញបាននៅថ្ងៃទី 23 ខែសីហានេះ។ សម្រាប់ការកម្មង់ទិញមុនស្មាតហ្វូននេះ មានការថែមជូន Galaxy Watch Active ដែលមានតម្លៃ INR 9,999 ឬ INR 6000 cashback។ ការផ្តល់ជូននេះគិតត្រឹមថ្ងៃទី 22 ខែសីហានេះ។
ស្មាតហ្វូន Galaxy Note10 នេះមាន 3 ពណ៌សម្រាប់ធ្វើការជ្រើសរើសគឺ Aura Glow, Aura Black និង Aura Red ខណៈពេលដែលស្មាតហ្វូន Galaxy Note10 Plus គឺមាន 3 ពណ៌សម្រាប់ធ្វើការជ្រើសរើសផងដែរ Aura Glow, Aura Black និង Aura White ៕