ទស្សនារូបភាពស្អាតៗ ដែលថតដោយអ្នកប្រើប្រាស់ស្មាតហ្វូន Note 10+ ជាមួយនឹងមុខងារ ដែលមាននៅកំពូលស្មាតហ្វូននេះពិតជាស្អាតខ្លាំងណាស់

កាលពីដើមខែសីហានេះ ក្រុមហ៊ុន Samsung ទើបតែបានបង្ហាញចេញនូវស្មាតហ្វូន Note 10+ ស៊េរីថ្មីរបស់ខ្លួន ហើយពេលនេះ ស្មាតហ្វូននេះ ត្រូវបានតេស្ត៍ទៅលើគំរូរូបភាពនៃកាមេរ៉ារបស់វាផងដែរ ដើម្បីដឹងថាតើវាមានលក្ខណៈខុសប្លែកខ្លាំងពីស្មាតហ្វូន S10 5G យ៉ាងណានោះ។ ចម្លើយនោះ គឺថាមិនមានភាពខុសគ្នាខ្លាំងនោះទេ។ ស្មាតហ្វូននេះ ប្រើប្រាស់នូវបន្ទះឈីប Exynos 9825 ហើយកាមេរ៉ារបស់ស្មាតហ្វូននេះ គឺមានបច្ចេកវិទ្យា 2x telephoto zoom ដែលអាចថតរូបភាពបានច្បាស់ល្អមិនថាពេលយប់ ឬពេលថ្ងៃនោះទេ។

ខាងក្រោមនេះគឺជារូបភាពដែលថតចេញពីស្មាតហ្វូន Galaxy Note 10+ នេះ

សូមជំរាបថា ស្មាតហ្វូន Galaxy Note 10 នេះ ភ្ជាប់ជាមួយនឹងកាមេរ៉ាខាងក្រោយ 3 គ្រាប់គឺ Ultra-Wide-Angle, Regular និង Telephoto ខណៈពេលដែលស្មាតហ្វូន Note 10+ គឺមានកាមេរ៉ាទី 4 ដែលមានឈ្មោះថា ToF (Time-of-Flight) ថែមទៀតផង។ សម្រាប់ផ្នែកខាងក្រោយរបស់ស្មាតហ្វូន Note 10+ ភ្ជាប់ជាមួយនឹងកាមេរ៉ាចំនួន 4 គ្រាប់។ ToF system និងសេនស័រ infrared light sensor ជួយធ្វើអោយការថតរូបភាពកាន់តែច្បាស់ល្អក្នុងការប្រើប្រាស់។ វាពិតជាល្អសម្រាប់ប្រើប្រាស់ជាមួយនឹងកម្មវិធី AR applications។៕