កាលពីដើមឆ្នាំនេះ ក្រុមហ៊ុ OPPO បានបង្ហាញនូវស្មាតហ្វូនស៊េរីថ្មីរបស់ខ្លួនគឺ OPPO Reno series ហើយស្មាតហ្វូននេះ គឺទទួលបានការពេញនិយមខ្លាំងមែនទែនពិសេសសម្រាប់អតិថិជននៅក្នុងប្រទេសចិន។ នៅពេលនេះក្រុមហ៊ុន ក៏មានគម្រោងក្នុងការបង្ហាញនូវស្មាតហ្វូនម៉ូឌែលថ្មីរបស់ Reno series ជំនាន់បន្ទាប់នេះផងដែរ។
លោក Brian Shen ដែលជាអនុប្រធានរបស់ក្រុមហ៊ុន OPPO បាននិយាយយ៉ាងច្បាស់លាស់អំពីផលិតផលថ្មីនេះផងដែរ។គាត់បានទម្លាយនៅថ្ងៃនេះថា នឹងមានស្មាតហ្វូន OPPO Reno យ៉ាងហោចណាស់ចំនួន 2 ម៉ូឌែល ដែលនឹងបង្ហាញខ្លួននៅចុងឆ្នាំនេះ។ គាត់ក៏ធ្វើការលើកឡើងផងដែរអំពីផលិតផលផ្សេងទៀតដេលទំនងជាមិនមែនជាផ្នែកណាមួយនៃគ្រួសាររបស់ស្មាតហ្វូន Reno series។ គណនីអ្នកប្រើប្រាស់នៅលើ Weibo ជាច្រើន បានរំពឹងថា ផលិតផលថ្មីនេះ នឹងមានភ្ជាប់ជាមួយនឹងបច្ចេកវិទ្យា Noise-Canceling នៅលើកាសស្តាប់ជាក់ជាមិនខាន។ ស្មាតហ្វូននេះ ទ្រទ្រង់នូវបច្ចេកវិទ្យា SuperVOOC charging ផងដែរ។
លោក Brian បញ្ជាក់ផងដែរថា ក្រុមហ៊ុន OPPO នៅមិនទាន់បញ្ចេញនូវស្មាតហ្វូនដែលមានកាមេរ៉ា ក្រោមអេក្រង់នោះទេនៅក្នុងឆ្នាំនេះ។ ក្រុមហ៊ុននេហ ស្មាតហ្វូន ក៏មិនមានបង្ហាញវត្តមានរបស់ទូរទស្សន៍ OPPO TV ដូចគ្នា។ ដូចនេះ ក្រុមហ៊ុន OPPO ទំនងជានឹងផ្តោតទៅលើការបន្ថែមនូវម៉ូឌែលថ្មីៗ ជាច្រើនទៀតសម្រាប់ត្រកូលស្មាតហ្វូន Reno Series នេះ នៅក្នុងឆមាសទី 2 ឆ្នាំនេះ។ ស្មាតហ្វូនត្រកូល Reno នេះមាន 4 ម៉ូឌែលគឺ OPPO Reno, OPPO Reno Z, OPPO Reno 10X Zoom និង OPPO Reno 5G ៕