នៅពេលនេះ ស្មាតហ្វូន Huawei Mate 20X 5G ត្រូវបានគេ ដាក់លក់នៅក្នុងប្រទេសចិនហើយ នេះគឺជាស្មាតហ្វូនតែមួយគត់ដែលទ្រទ្រង់ទៅលើ Dual-Mode 5G រួមទាំងប្រព័ន្ធ SA/NSA network ។ ស្មាតហ្វូននេះ មានតម្លៃ 6,199 យន់ ($880)។ បើទោះបីជានេះ គឺជាស្មាតហ្វូន 5G ទី 2 ដែលដាក់លក់នៅក្នុងប្រទេសចិនក៏ដោយ តែនេះគឺជាស្មាតហ្វូនដំបូងបំផុត ដែលទទួលបាននូវអាជ្ញាបណ្ណទូរគមនាគមន៍ 5G។ នៅពេលដែលស្មាតហ្វូននេះ ទទួលបាននូវវិញ្ញាបនប័ត្រនេះ យើងបានដឹងអំពីសារៈសំខាន់បំផុតរបស់ស្មាតហ្វូននេះ បើធៀបជាមួយនឹងស្មាតហ្វូន 5G ផ្សេងទៀតនោះ។
យោងតាមព័ត៌មានពីតំណាងក្រុមហ៊ុន Huawei នៅកម្ពុជា បានអោយដឹងថា ស្មាតហ្វូននេះ ក៏នឹងមានលក់ជាផ្លូវការនៅកម្ពុជា នាពេលដ៏ខ្លីនេះដែរ។ ស្មាតហ្វូនស៊េរីថ្មី Huawei Mate 20X 5G Version នេះ គឺផ្អែកទៅលើម៉ូដែលដំបូងរបស់វា ហើយវាក៏មានការផ្លាស់ប្តូរខ្លះផងដែរ គឺទៅលើការទ្រទ្រង់សម្រាប់បច្ចេកវិទ្យា 5G នេះ។ សម្រាប់លក្ខណៈខាងក្រៅរបស់ស្មាតហ្វូននេះ គឺដូចគ្នា លើកឡើងតែវាមានការបន្ថែមទៅលើឡូហ្គោ 5G នៅផ្នែកខាងក្រោយ និងមានពណ៌ថ្មីផងដែរ។ បើនិយាយអំពីលក្ខណៈសម្បត្តិសំខាន់ៗរបស់ស្មាតហ្វូននេះនោះ ភាគច្រើនគឺមិនមានការផ្លាស់ប្តូរនោះទេ។ ក្រៅពីមុខងារជាច្រើនដែលមាននៅលើម៉ូដែលដំបូងនោះ វាក៏មានការបន្ថែមនូវបន្ទះឈីប 5G multimode terminal chip ដែលមានឈ្មោះថា Barong 5000 ។ មុខងារនេះមានដូចជាអេក្រង់ 7.2-inch OLED ជាមួយនឹងកម្រិតភាពច្បាស់ 2244×1080។
ស្មាតហ្វូននេះ មានបន្ទះឈីប Kirin 980 រ៉េមទំហំ 8GB និងម៉េមូរីទំហំ 256GB។ ស្មាតហ្វូននេះ មានកាមេរ៉ាខាងក្រោយ 3 គ្រាប់ដែលមានទំហំ 40MP និង 20MP ហើយនិង 8MP ហើយកាមេរ៉ាខាងមុខរបស់ស្មាតហ្វូននេះ មានទំហំ 24MP selfie។ ស្មាតហ្វូននេះ មានថាមពលថ្មដែលមានទំហំ 4200mAh ប៉ុន្តែវាទ្រទ្រង់ទៅលើបច្ចេកវិទ្យា 40W fast charge ផងដែរ៕
