ស្មាតហ្វូនស៊េរីថ្មី Huawei P30 និង P30 Pro ដែលត្រូវបានក្រុមហ៊ុនបំពាក់មកជាមួយនឹងមុខងារ night mode ដ៏ខ្លាំងក្លាបំផុតសម្រាប់កាមេរ៉ាខាងក្រោយរបស់វា រួមនិងបច្ចេកវិទ្យា AI algorithms កម្រិតខ្ពស់ដែលអាចធ្វើការថតរូបភាពជាច្រើននៅក្នុងស្ថានភាពទីងងឹតបានច្បាស់។ នៅពេលនេះ មុខងារដ៏អស្ចារ្យនេះ គឺអាចដំនើរការបានហើយនៅលើកាមេរ៉ាខាងមុខរបស់ស្មាតហ្វូនទាំងពីរម៉ូដែលនេះ។
ការអាប់ដេតថ្មីសម្រាប់ស្មាតហ្វូន P30 ទាំងពីរនេះ គឺមានមុខងារ Night Mode សម្រាប់កាមេរ៉ាខាងមុខរបស់ស្មាតហ្វូននេះ ហើយអ្នកប្រើប្រាស់ជាច្រើនអាចចុចនៅលើ night-time selfies សម្រាប់ការបន្ថែមនូវពន្លឺកាន់តែច្រើននោះ។ ការអាប់ដេតថ្មីនេះ មានការបន្ថែមនូវមុខងារថ្មីសម្រាប់ការកែប្រែទៅលើវីដេអូ ការពង្រឹងទៅលើប្រព័ន្ធស្កេនក្រយ៉ៅដៃ និងការតម្លើងនូវ Patch សុវត្ថិភាពសម្រាប់ខែសីហាផងដែរ។
ស្មាតហ្វូន Huawei P30 និង P30 Pro ទទួលបាននូវការអាប់ដេត EMUI version 9.1.0.193។ សម្រាប់ការអាប់ដេតនេះ គឺពេលនេះដំណើរការហើយនៅក្នុងប្រទេសចិន ហើយវាក៏អាចនឹងដំនើរការឆាប់ៗនេះ នៅក្នុងប្រទេសជាច្រើននាពេលដ៏ខ្លីនេះផងដែរ។ សម្រាប់ព័ត៌មានលំអិត លោកអ្នកអាចឆែកមើលបាននៅក្នុង Settings > System > Software update > Check for Updates ៕