ក្រុមហ៊ុនបច្ចេកវិទ្យាយក្ស Samsung បានបង្ហាញជាផ្លូវការនូវស្មាតហ្វូនត្រកូល A-Series ស៊េរីថ្មីជាច្រើនរបស់ខ្លួន។ ស្មាតហ្វូន Samsung Galaxy A10s គឹជា upgrade Version របស់ស្មាតហ្វូន Galaxy A10 ដែលមានការពង្រឹងទៅលើលក្ខណៈសម្បត្តិជាច្រើនរបស់វាផងដែរ។ ក្រុមហ៊ុននេះ ក៏ធ្វើការទម្លាយព័ត៌មានរបស់ស្មាតហ្វុននេះមួយរយៈផងដែរ ខណៈពេលដែលកាលបរិច្ឆេទនៃការប្រកាសបង្ហាញស្មាតហ្វូននេះ នៅមិនទាន់ដឹងនៅឡើយទេ។ ការរង់ចាំពេលនេះបានមកដល់ហើយ។
ស្មាតហ្វូន Galaxy A10s ត្រូវបានគេមើលឃើញថា គឺមានថាមពលថ្មធំជាងមុន និងមានភ្ជាប់ជាមួយនឹងប្រព័ន្ធស្កេនក្រយ៉ៅដៃនៅខាងក្រោយ ខណៈពេលដែលសេនស័រនេះ មិនមាននៅលើស្មាតហ្វូន Galaxy A10 នោះទេ។ ស្មាតហ្វូននេះ មានអេក្រង់ 6.2-inch IPS Infinity-V screen ជាមួយនឹងកម្រិតភាពច្បាស់ 720x1520pixels។ ស្មាតហ្វូននេះ ត្រូវបានក្រុមហ៊ុនដាក់អោយប្រើប្រាស់នូវបន្ទះឈីប octa-core CPU ជាមួយនឹងរ៉េមទំហំ 2GB និងមានម៉េមូរីក្នុងម៉ាស៊ីនទំហំ 32GB អាចបន្ថែម microSD បានផងដែរ។
បើនិយាយអំពីកាមេរ៉ាវិញនោះ ស្មាតហ្វូន Galaxy A10s ថ្មីនេះ គឺភ្ជាប់ជាមួយនឹងកាមេរ៉ាគោលទំហំ 13MP ជាមួយនឹង aperture f/1.8 និង 2MP depth sensor នៅខាងក្រយ។ សម្រាប់កាមេរ៉ា Selfies វិញនោះ គឺមានទំហំ 8MP ជាមួយនឹង f/2.0 aperture និង water drop notch។ កាមេរ៉ាខាងមុខនេះ ក៏ទ្រទ្រង់ទៅលើបច្ចេកវិទ្យា Face Unlock ផងដែរ។ស្មាតហ្វូននេះ មានថាមពលថ្មដែលមានទំហំ 4,000 mAh ដែលមានថាមពលថ្ម 600mAh លើសពីស្មាតហ្វូន A10 ។ ស្មាតហ្វូននេះ ដំណើរការនូវប្រព័ន្ធប្រតិបត្តិការ Android 9.0 Pie ជាមួយនឹង One UI ។ ស្មាតហ្វូន Galaxy A10s នេះមាន 4 ពណ៌សម្រាប់ធ្វើការជ្រើសរើសគឺខៀវ បៃតង ក្រហម និងខ្មៅ៕