ថ្មីៗនេះ ក្រុមហ៊ុនបច្ចេកវិទ្យាយក្ស Samsung ទើបតែប្រកាសបង្ហាញនូវកាមេរ៉ាសេនស័រដំបូងបំផុតរបស់ពិភពលោកដែលមានទំហំធំជាង 100MP។ Samsung ISOCELL Bright HMX គឺជាសេនស័រដែលមានទំហំ 108MP សម្រាប់ប្រើប្រាស់នៅលើស្មាតហ្វូន ហើយនេះ គឺជាលទ្ធផលនៃកិច្ចសហប្រតិបត្តិការជាមួយនឹងក្រុមហ៊ុន Xiaomi ។ ភាពជាដៃគូនេះមិនមែនជារឿងអ្វីដែលគួរអោយភ្ញាក់ផ្អើលនោះទេ ដោយសារតែក្រុមហ៊ុនបច្ចេកវិទ្យាទាំងពីរនេះថ្មីៗនេះក៏រួមគ្នាក្នុងការផលិតនូវកាមេរ៉ាទំហំ 64MP ដែលនោះគឺជាសេនស័រ 64MP ISOCELL GW1 sensor ។
Samsung ISOCELL Bright HMX នេះភ្ជាប់ជាមួយនឹង 0.8um image sensor ដែលជាការផ្តល់នូវកម្រិត 0.8um image sensor ប៉ុន្តែវាមានការបង្កើនទៅលើទំហំសេនស័រដល់ទៅ 1/1.33″ ដែលនេះគឺជាលើកដំបូងបំផុតសម្រាប់កាមេរ៉ារបស់ស្មាតហ្វូននោះ។ វាជួយអោយមានកម្រិតរូបភាពច្បាស់ដល់ទៅ 12032 x 9024-pixel ដែលអាចប្រកួតប្រជែងជាមួយនឹងកាមេរ៉ា DSLRs បានផងដែរ។ សម្រាប់សេនស័រធំនេះ នឹងជួយ HMX អាចធ្វើការថតរូបភាពបានច្បាស់នៅកន្លែងដែលមានពន្លឺតិចនោះ។ បន្ថែមពីនេះទៀតនោះ Smart-ISO នេះជួយអោយសេនស័រនេះកាន់តែឆ្លាតវៃដែលអាចធ្វើការជ្រើសរើសនូវ ISO បានត្រឹមត្រូវស្របទៅតាមបរិយាកាសដែលនៅជុំវិញខ្លួននោះ។ សេនស័រ HMX sensor គឺប្រើប្រាស់នូវ Tetracell និង ISOCELL Plus technologies របស់ក្រុមហ៊ុនបច្ចេកវិទ្យា Samsung ដូចនេះរូបភាពនេះអាចនឹងមានទំហំដល់ទៅ 27MP ។ សម្រាប់សេនស័រនេះក៏ទ្រទ្រង់ទៅលើវីដេអូកម្រិត 6K (6016 x 3384 pixels) នៅក្នុងកម្រិត 30 fps ផងដែរ។
លោក Yongin Park អនុប្រធានផ្នែកអាជីវកម្មសេនស័ររបស់ក្រុមហ៊ុន Samsung Electronics បាននិយាយថា “ក្រុមហ៊ុន Samsung នឹងបន្តក្នុងការជម្រុញទៅលើភាពច្នៃប្រឌិតជាច្រើនទៅលើបច្ចេកវិទ្យា pixel and logic technologies ទៅកាន់ក្រុមវិស្វកររបស់សេនស័រ ISOCELL image sensors ពួកយើងដើម្បីធ្វើការចាប់រូបភាពបានស្អាតដូចអ្វីដែលយើងបានឃើញតាមរយៈភ្នែកនេះ។ នៅក្នុងកិច្ចសហការយ៉ាងជិតស្និទ្ធិជាមួយនឹងក្រុមហ៊ុន Xiaomi នេះ ISOCELL Bright HMX គឺជាសេនស័ររូបភាពដំបូងបំផុត សម្រាប់ស្មាតហ្វូនដែលមានកម្រិតភាពច្បាស់ច្រើនជាង 100 លានភិចសែល និងច្បាស់ជាមួយនឹងបច្ចេកវិទ្យា advanced Tetracell និងបច្ចេកវិទ្យា ISOCELL Plus technology។នៅពេលនេះ មានការបញ្ជាក់ថា ក្រុមហ៊ុន Xiaomi នឹងក្លាយជាក្រុមហ៊ុនទី 1 ដែលប្រើប្រាស់នូវសេនស័រនេះ។ Xiaomi Mi Mix 4 នឹងក្លាយជាស្មាតហ្វូនដំបូងបំផុតដែលប្រើប្រាស់នូវសេនស័រ 108MP នេះ។ សម្រាប់ការផលិតទ្រង់ទ្រាយធំទៅលើស្មាតហ្វូននេះនឹងចាប់ផ្តើមនៅខែនេះ ដែលមានន័យថា វាមិនយូរនោះទេដែលសេនស័រ Samsung ISOCELL Bright HMX sensor ប្រើប្រាស់នៅលើស្មាតហ្វូនជាច្រើននោះ៕