នៅក្នុងរយៈពេលប្រហែលជា 3 សប្តាហ៍ទៀតនេះ ក្រុមហ៊ុន LG គ្រោងនឹងបង្ហាញវត្តមានរបស់ស្មាតហ្វូនស៊េរីថ្មី LG V60 ThinQ នៅក្នុងព្រឹត្តិការណ៍ពិពរណ៍ IFA 2019 ហើយស្មាតហ្វូនេះ គឺពិតជាអស្ចារ្យមែនទែនដោយសារតែវាប្រើប្រាស់នូវអេក្រង់ភ្លោះនោះ។ ក្រុមហ៊ុន LG ក៏បញ្ចេញនូវ Teaser របស់ស្មាតហ្វូន V60 នេះនៅក្នុងប្រទេសកូរ៉េផងដែរ។ ស្មាតហ្វូននេះគឺមានការពង្រឹងសមត្ថភាពរបស់វាជាមួយនឹងការបន្ថែមនូវ Dual Screen accessory របស់ក្រុមហ៊ុន LG ។
នៅពេលដែលស្មាតហ្វូន V50 ThinQ បានបង្ហាញខ្លួននោះ ស្មាតហ្វូននេះមានការឌីស្សាញជាមួយនឹងរូបរាងយ៉ាងស្រស់ស្អាតជាមួយនឹងលក្ខណៈសម្បត្តិពិសេសៗជាច្រើន ហើយអាចភ្ជាប់ជាមួយនឹងបច្ចេកវិទ្យា 5G ថែមទៀតផង។ ស្មាតហ្វូននេះក៏អាចបន្ថែមនូវ Accessory មួយទៀតដែលគេហៅថាជា LG Dual Screen ។ ជាជាងការបង្កើនទៅលើតម្លៃ និងភាពស្មុគស្មាញជាមួយនឹងអេក្រង់ដែលអាចបត់បាននោះ ក្រុមហ៊ុន LG ផ្តល់នូវជំរើសក្នុងការបន្ថែមនូវអេក្រង់ទី 2 សម្រាប់ស្មាតហ្វូន V50 នេះតាមរយៈការបន្ថែមនូវអេក្រង់ទី 2 នេះនៅពេលដែលអ្នកប្រើប្រាស់ត្រូវការនោះ។ អ្នកប្រើប្រាស់អាចភ្ជាប់ជាមួយនឹង Accessory បន្ថែមនេះដែលអាចបង្វិលបានដល់ទៅ 360 ដឺក្រេថែមទៀត វាមើលទៅដូចជាស្មាតហ្វូនដែលមានអេក្រង់អាចបត់បានអិញ្ចឹងដែរ។
ក្រុមហ៊ុន LG បានបញ្ជាក់ថា ស្មាតហ្វូននេះ អាចផ្តល់នូវអត្ថប្រយោជន៍ជាច្រើនជាមួយនឹងជំរើសនៃការបន្ថែមនូវ Dual Screen នេះ ខណៈពេលដែលអ្នកប្រើប្រាស់ជាច្រើន មិនគួរប្រញាប់ផ្លាស់ប្តូរទៅកាន់បច្ចេកវិទ្យាដែលមិនទាន់មានភាពចាស់ទុំនៅឡើយទេនោះ។ បច្ចុប្បន្ននេះ ក្រុមហ៊ុន LG ក៏មានបន្ទប់ពិសោធន៍សម្រាប់អេក្រង់ដែលអាចបត់បាន និងទូរទស្សន៍ដែលមានអេក្រង់អាចរមូរបានសម្រាប់ទីផ្សារផងដែរ។ ជាមួយនឹងការបន្ថែមនូវ Dual Screen នេះ ស្មាតហ្វូននេះ អាចដំណើរការនូវកម្មវិធីដល់ទៅ 3 apps នៅក្នុងពេលដំណាលគ្នា៕
