យោងតាមព័ត៌មានថ្មីនេះ បានបង្ហាញថា ក្រុមហ៊ុន Xiaomi បានធ្វើការស្នើទៅលើការឌីស្សាញសម្រាប់ស្មាតហ្វូនដែលអាចបត់បានរបស់ខ្លួនជាមួយនឹងការិយាល័យកម្មសិទ្ធិបញ្ញាសហភាពអឺរ៉ុប។ សម្រាប់គំនូសព្រាងទៅលើលក្ខណៈបច្ចេកទេសរបស់ស្មាតហ្វូននេះ បានបង្ហាញនូវការឌីស្សាញស្មាតហ្វូនដែលមានអេក្រង់ភ្លោះ ប៉ុន្តែវាក៏មានការទម្លាយថា ស្មាតហ្វូននេះ មានកាមេរ៉ាខាងក្រោយចំនួន 3 គ្រាប់។ តើវាដំណើរការយ៉ាងដូចម្តេចទៅ?
ថ្មីៗនេះ ក្រុមហ៊ុន Xiaomi បានធ្វើការបង្ហោះនូវវីដេអូ 2 នៅលើស្មាតហ្វូននេះ ដែលមានការបង្ហាញអំពីរបៀបដែលស្មាតហ្វូននេះបែងចែកជា 3 ផ្នែក គឺខាងឆ្វេង និងខាងស្តាំ និងផ្នែកកណ្តាលរបស់ស្មាតហ្វូននេះ នៅពេលដែលវាបត់បាននោះ។ ស្មាត ហ្វូននេះ នឹងមានកាមេរ៉ាខាងមុខ Selfie ដែលនៅមិនទាន់ដឹងអំពីលក្ខណៈសម្បត្តិរបស់វានៅឡើយទេ។ ក្រុមហ៊ុន Xiaomi ក៏ប្រើប្រាស់នូវកាមេរ៉ាផុសឡើងនៅលើស្មាតហ្វូននេះផងដែរ។ លោកអ្នកក៏អាចមើលឃើញនូវរូបភាព Renders របស់ស្មាតហ្វូននេះមិនផ្លូវការបាន។ សម្រាប់ការបត់នៅលើស្មាតហ្វូននេះ អាចបង្កើតនូវអេក្រង់ទី 2 នៅខាងក្រោយរបស់ស្មាតហ្វូននេះ ប៉ុន្តែនៅពេលដែលវាបត់ទៅនោះវាអាចនឹងបាំងទៅលើកាមេរ៉ារបស់វា។
.jpg)
តើនឹងមានអ្វីកើតឡើងសម្រាប់ស្មាតហ្វូនដែលអាចបត់បានរបស់ក្រុមហ៊ុន Xiaomi នេះ? មានការប៉ាន់ស្មានថា ស្មាតហ្វូននេះអាចនឹងបង្ហាញខ្លួននៅក្នុងត្រីមាសទី 2 នេះ ហើយតម្លៃរបស់ស្មាតហ្វូននេះគឺប្រហែលជាពាក់កណ្តាលនៃស្មាតហ្វូន Galaxy Fold ។ ទោះជាយ៉ាងណាក៏ដោយនោះ ក្រុមហ៊ុនបច្ចេកវិទ្យាSamsung ក៏ធ្វើការប្រមូលមកវិញនូវស្មាតហ្វូនសម្រាប់ធ្វើការ Review និងពន្យារពេលទៅលើការដាក់លក់ស្មាតហ្វូននេះ។ ពេលនេះ មានក្រុមហ៊ុន Samsung, Huawei និងXiaomi ដែលនឹងបញ្ចេញនូវស្មាតហ្វូនរបស់ពួកគេនៅក្នុងពេលឆាប់ៗខាងមុខនេះ៕
