ក្រុមហ៊ុន Samsung កំពុងតែធ្វើការពង្រឹងទៅលើស្មាតហ្វូនថ្នាក់កណ្តាលរបស់ខ្លួនក្នុងពេលនេះ។ ដើម្បីអាចប្រកួតប្រជែងជាមួយនឹងក្រុមហ៊ុនបច្ចេកវិទ្យាជាច្រើន នៅក្នុងប្រទេសចិននោះ ដូចជា Xiaomi, Huawei នៅក្នុងពេលនេះយើងបានទទួលនូវរូបភាព និងលក្ខណៈសម្បត្តិជាច្រើនរបស់ស្មាតហ្វូនក្រុមហ៊ុន Samsung សម្រាប់ស្មាតហ្វូន Samsung ថ្នាក់កណ្តាលកម្រិតខ្ពស់សម្រាប់ឆ្នាំនេះ។ នេះគឺជាស្មាតហ្វូន Samsung Galaxy A90 5G Edition ។
ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ គឺមានភាពល្បីល្បាញយ៉ាងខ្លាំងសម្រាប់ស្មាតហ្វូនត្រកូល Galaxy A Series នេះ ខណៈពេលដែលស្មាតហ្វូន Samsung Galaxy A50 នេះគឺលក់ដាច់បំផុតនៅក្នុងទីផ្សារសម្រាប់ឆ្នាំ 20018 នេះ។ នៅក្នុងឆ្នាំនេះ ការមកដល់នៃបច្ចេកវិទ្យា 5G ក្រុមហ៊ុនបច្ចេកវិទ្យាយក្សនេះ ក៏ផ្តោតទៅលើការពង្រឹងទៅលើស្មាតហ្វូនថ្នាក់កណ្តាលនេះ។ យើងនិយាយអំពីស្មាតហ្វូន Samsung Galaxy A90 5G ។ នៅថ្ងៃនេះ សូមអរគុណដែលគេហទំព័រដែលបែកធ្លាយជាច្រើន យើងបានទទួលនូវរូបភាពរបស់ស្មាតហ្វូន Samsung Galaxy A90 5G Edition ដែលបង្ហាញអំពីផ្នែកខាងមុខរបស់ស្មាតហ្វូននេះទាំងមូលតែម្តង។
សម្រាប់ផ្នែកខាងមុខរបស់ស្មាតហ្វូននេះ គឺមានភ្លើង Flash និងសេនស័រជាច្រើនទៀត។ សម្រាប់សេនស័រនេះ គឺសម្រាប់បច្ចេកវិទ្យា ដោះសោរ Face Unlock។ ក្នុងនោះ ក៏មានការបន្ថែមនូវ Blur Effect សម្រាប់កាមេរ៉ាខាងមុខនេះផងដែរ។
ស្មាតហ្វូនស៊េរីថ្មី Samsung Galaxy A90 5G នេះ ក៏មានការបែកធ្លាយទៅលើលក្ខណៈសម្បត្តិរបស់វាផងដែរ នេះគឺជាស្មាតហ្វូនថ្នាក់កណ្តាលកម្រិតខ្ពស់។ ស្មាតហ្វូននេះ មានអេក្រង់ 6.7-inch super AMOLED display, បន្ទះឈីប Qualcomm Snapdragon 855, រ៉េមទំហំ 8GB និងមានម៉េមូរីក្នុងម៉ាស៊ីន 128GB ព្រមទាំងមានថាមពលថ្ម 4,400 mAh រួមមជាមួយនិងប្រព័ន្ធប្រតិបត្តិការ Android 9.0៕