ក្រុមហ៊ុនបច្ចេកវិទ្យាយក្ស Samsung មានគម្រោងក្នុងការ upgrade កាន់តែអស្ចារ្យសម្រាប់ស្មាតហ្វូនស៊េរីថ្មី Galaxy S11 ។ នេះគឺជាប្រភេទស្មាតហ្វូន Flagship ដែលមានភ្ជាប់ជាមួយនឹងសេនស័រកាមេរ៉ាទំហំ 108MP។ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ ក៏ធ្វើការអភិវឌ្ឍទៅលើសេនស័រ Isocell Bright HMX sensor ដើម្បីនាំយកនូវលក្ខណៈសម្បត្តិកាមេរ៉ាកម្រិតខ្ពស់នេះសម្រាប់ស្មាតហ្វូនប្រភេទ High-End កម្រិតខ្ពស់នេះ។ ទន្ទឹមនឹងនេះផងដែរ ក្រុមហ៊ុន Xiaomi ក៏ទម្លាយថា ខ្លួននឹងបង្ហាញនូវស្មាតហ្វូនដែលប្រើប្រាស់នូវសេនស័រថ្មីរបស់ក្រុមហ៊ុន Samsung នេះនៅចុងឆ្នាំនេះ។
នេះគឺជាលើកដំបូងបំផុតដែលសេនស័រនៅលើកាមេរ៉ានេះមានទំហំច្រើនជាង 100 Megapixels ដែលមានកម្រិតភាពច្បាស់ខ្ពស់ដល់ទៅ 12,032x9,024 pix។ ក្រុមហ៊ុន Samsung នឹងប្រើប្រាស់នូវសេនស័រនេះ នៅលើស្មាតហ្វូន Galaxy S11 នេះបើតាមការទម្លាយចេញពី Ice Universe ។ យ៉ាងណាមិញ ស្មាតហ្វូនស៊េរីថ្មីរបស់ក្រុមហ៊ុន Samsung នេះ នឹងមិនទាន់អាចរកទិញបាននោះទេរហូតដល់និទាឃរដូវនៅក្នុងឆ្នាំ 2020 នេះ។
នៅក្នុងការបង្ហោះចេញពីប្លុកមួយដែលពិពរណ៌នាអំពីសេនស័រថ្មីនេះ ក្រុមហ៊ុនបច្ចេ Xiaomi អះអាងថា ការប្រើប្រាស់នូវភិចសែលធំនេះអនុញ្ញាតអោយអ្នកប្រើប្រាស់ជាច្រើនធ្វើការថតរូបភាពកម្រិតច្បាស់សម្រាប់ដាក់នៅលើផ្ទាំងប៉ាណូបាន។ ក្រុមហ៊ុន បានបញ្ជាក់នៅក្នុងការបង្ហោះនេះថា “សម្រាប់អ្នកដែលចូលចិត្តថតរូបភាពនេះ មិនត្រឹមតែទទួលបាននូវរូបភាពច្បាស់ប៉ុណ្ណោះទេ ប៉ុន្តែវាមានរូបភាព និងភាពច្នៃប្រឌិតកាន់តែល្អជាងមុនសម្រាប់សេនស័រនេះ។” “សេនស័រ 100MP sensor របស់ក្រុមហ៊ុន Samsung នឹងភ្ជាប់ជាមួយនឹងរូបភាពសេនស័រស្មាតហ្វូនធំបំផុតនៅលើទីផ្សារ។
សម្រាប់សេនស័រនេះ គឺអាចដំណើរការនៅលើ Ultra-High Light ភ្លឺច្បាស់សម្រាប់ការថតនៅកន្លែងដែលមានពន្លឺតិចថែមទៀតផង។” ក្រុមហ៊ុន Xiaomi នេះ បានបន្ថែមថា សេនស័រថ្មីនេះ នឹងដំណើរការនេះ សម្រាប់កម្រិតភាពច្បាស់ខ្ពស់ទោះបីជាធ្វើការ Zoom ផងដែរ។ កាមេរ៉ារបស់ស្មាតហ្វូន Samsung Galaxy S11 អាចនឹងភ្ជាប់ជាមួយនឹងបច្ចេកវិទ្យា 10x optical zoom ផងដែរ៕
