ស្មាតហ្វូន iQOO Pro 5G របស់ក្រុមហ៊ុន vivo បានបង្ហាញខ្លួនជាផ្លូវការហើយ កាលពីថ្ងៃទី 22 ខែសីហាកន្លងទៅនេះ។ ស្មាតហ្វូននេះ គឺជាប្រភេទ 5G ដំបូងបំផុតរបស់ក្រុមហ៊ុនកុលបុត្រសម្ព័ន្ធរបស់ vivo ដែលប្រើប្រាស់នូវបន្ទះឈីប Snapdragon 855 Plus មានរ៉េមទំហំ 8GB និងមេម៉ូរីទំហំ128GB។ ក្រុមហ៊ុនបានចេញលក់ក្នុងតម្លៃថោកមែនទែនត្រឹមតែ ¥3198 (~$452) ប៉ុណ្ណោះ។ និយាយពីរូបរាងការឌីស្សាញ Hardware ហើយនិងតម្លៃរបស់ស្មាតហ្វូន iQOO Pro នេះ គឺពិតជាពិសេសមែនទែន និយាយរួមទៅ គឺជាអ្វីដែលអតិថិជនជាច្រើនចង់បាន។ សម្រាប់ 4G version របស់ស្មាតហ្វូននេះ ក៏បានធ្វើការ Pre-Order នៅលើ Suning Tesco នៅថ្ងៃតែមួយនេះផងដែរ ហើយក្រុមហ៊ុននឹងដាក់លក់នៅថ្ងៃទី 29 ខែសីហានេះ។ ខណៈពេលដែលការដាក់លក់មុនរបស់ 5G version ចាប់ផ្តើមនៅថ្ងៃនេះ ហើយក្រុមហ៊ុន ក៏មានគម្រោងក្នុងការដាក់លក់ជាផ្លូវការនៅថ្ងៃទី 2 ខែកញ្ញាខាងមុខនេះផងដែរ។
ក្រុមហ៊ុន Suning បានប្រកាសថា ការ Pre-Oder នៅលើស្មាតហ្វូននេះគឺចប់ហើយត្រឹមតែពេល 1 វិនាទីប៉ុណ្ណោះ។ ក្រុមហ៊ុន iQOO បានបញ្ជាក់ថា យើងពិតជាមិនជឿថា រឿងនេះកើតឡើងនោះទេ វាពិតជាអស្ចារ្យមែនទែន។ យ៉ាងណាមិញ ចំនួននៃការ Pre-order សម្រាប់ការលក់ដំបូងនេះ នៅមិនទាន់ដឹងថាមានប៉ុន្មានគ្រឿងនោះទេ។ iQOO Pro 5G នឹងក្លាយជាស្មាតហ្វូនដែលលក់ដាច់បំផុតនៅលើទីផ្សារ។
iQOO Pro មានអេក្រង់ទំហំ 6.41 អ៊ីង Super AMOLED display ជាមួយនឹងកម្រិតភាពច្បាស់ FHD+ 2340×1080 pixels ។ ក្រៅពីម៉ូដែលមានរ៉េមទំហំ 8GB និងមេម៉ូរីទំហំ128GB ស្មាតហ្វូននេះក៏មានជម្រើសរ៉េមទំហំ 12GB និងមេម៉ូរីទំហំ 256GBផងដែរ។ ស្មាតហ្វូននេះ មានកាមេរ៉ាគោលទំហំ Sony IMX582 48MP ជាមួយនឹងកាមេរ៉ា 13MP 120° Ultra Wide Angle និង 2.0MP Depth Sensor។ ស្មាតហ្វូននេះមានកាមេរ៉ាខាងមុខទំហំ 12MP Sensor ដែលមានភ្ជាប់ជាមួយនឹងមុខងារ AI Scene 2.0, 2.5CM macro photography និង AI Portrait ។
ស្មាតហ្វូន iQOO Pro នេះ មានថាមពលថ្មដែលមានទំហំ 4500mAh និងទ្រទ្រង់នូវបច្ចេកវិទ្យា 44W Super FlashCharge របស់ក្រុមហ៊ុន vivo។ ស្មាតហ្វូននេះប្រើប្រាស់នូវ Monster UI ផ្អែកទៅលើ Android 9 ហើយក៏មានភ្ជាប់ជាមួយនឹងជំនួយការ Jovi Assistant ជាមួយនឹង IoT, NFC ជាមួយនឹង Vivo Pay និងបច្ចេកវិទ្យាថ្មី Turbo Network Acceleration ដែលអនុញ្ញាតអោយអ្នកភ្ជាប់ទៅកាន់ WiFi ចំនួន 2 (2.4GHz + 5GHz) ក្នុងពេលតែមួយថែមទៀត។ ស្មាតហ្វូន iQOO Pro មានភ្ជាប់ជាមួយនឹងរន្ធដោតកាសស្តាប់ផងដែរ៕