កាលពីសប្តាហ៍មុន ក្រុមហ៊ុន Xiaomi ប្រកាសចេញនូវស្មាតហ្វូន Redmi Note 8 Pro របស់ខ្លួនជាមួយកាមេរ៉ាមេទំហំ 64 MP ។ ស្មាតហ្វូនថ្មីនេះបានមកដល់ទីផ្សារនៅសប្តាហ៍នេះ ដោយបានបំបែកឯតទគ្គកម្មរបស់យីហោសម្រាប់ការដាក់លក់លើកដំបូង ជាមួយនឹងការលក់ដាច់អស់ចំនួនជាង 30 ម៉ឺនគ្រឿងនៅក្នុងថ្ងៃដំបូង បើប្រៀបធៀបស្មាតហ្វូន Redmi Note 7 នោះ ការលក់គឺបានតែ 100.0000 ប៉ុណ្ណោះ នៅថ្ងៃដំបូង ទោះបីជាពួកគេលក់បានមិនដល់ 10 នាទីក៏ដោយ។
សម្រាប់ Redmi Note 8 Pro គឺពិតជាទូរស័ព្ទដែលគួរឱ្យចាប់អារម្មណ៍ កាមេរ៉ាស្មាតហ្វូននេះ គឺជារឿងមួយ ហើយបន្ទះឈី G90T Helio ប្រភេទ octa-core CPU ក៏ជារឿងមួយដែរ។ ស្មាតហ្វូននេះ ត្រូវបានគេមើលឃើញថា មានថាមពលថ្មទំហំធំរហូតដល់ទៅ 4500 mAh ដោយមានភ្ជាបនូវបច្ចេកវិទ្យាសាកថ្មីមានល្បឿនលឿនកម្រិត 18W រួមជាមួយនិងអ្វីគ្រប់យ៉ាងផ្សេងទៀតដែលមាននៅស្មាតហ្វូនតម្លៃត្រឹមតែ 200 ដុល្លារនេះ។
ជាមួយនឹងវត្តមានស្មាតហ្វូននេះ ក្រុមហ៊ុន Redmi ក៏ផ្តល់ជូននូវ Note 8 ធម្មតាមួយផងដែរ ជាមួយនឹងសេនស័រកាមេរ៉ាទំហំ 48MP, បន្ទះឈីប Snapdragon 665 និងសាកថ្មលឿន 18W ផងដែរ ដែលមានតម្លៃជាង 140 ដុល្លារប៉ុណ្ណោះ។ បច្ចុប្បន្ន ទូរស័ព្ទទាំងពីរ ត្រូវបានលក់តែនៅក្នុងប្រទេសចិន ប៉ុណ្ណោះ។
លោក Manu Kumar Jain ដែលជានាយកគ្រប់គ្រងក្រុមហ៊ុន Xiaomi ប្រចាំនៅប្រទេសឥណ្ឌា បានប្រកាសថា ស្មាតហ្វូន Pro នឹងចេញលក់នៅប្រទេសឥណ្ឌា និងទីផ្សារពិភពលោក យ៉ាងតិច 8 សប្តាហ៍ បន្ទាប់ពីការដាក់លក់ជាផ្លូវការ ដោយលាក់បាំងនៅពីក្រោយពាក្យស្លោក “ 8 សប្តាហ៍សម្រាប់ Note 8”៕