no-alternative title
no-alternative title
no-alternative title
no-alternative title
no-alternative title
no-alternative title
no-alternative title

កំពូលស្មាតហ្វូនម៉ូដែលថ្មីៗរបស់ក្រុមហ៊ុននិមួយៗ ដែលត្រៀមនឹងបង្ហាញមុខនាខែកញ្ញានេះ

យើងអាចនិយាយបានថាខែកញ្ញានាត្រីមាសទីបីឆ្នាំ 2019 នេះគឺជារដូវកាលដ៏ល្អមួយដែលក្រុមហ៊ុនផលិតស្មាតហ្វូនកំពូលៗបានត្រៀមប្រកាសបង្ហាញចេញស្មាតហ្វូនជំនាន់ថ្មីរបស់ខ្លួន។ ដូចនេះតើប្រិយមិត្តដឹងទេថាមានក្រុមហ៊ុនណាខ្លះ ហើយស្មាតហ្វូនម៉ូដែលណាខ្លះដែលត្រៀមបង្ហាញខ្លួននាខែកញ្ញានេះ? ចឹងខាងក្រោមនេះគឺជាកំពូលស្មាតហ្វូនមួយចំនួនដែលត្រៀមបង្ហាញខ្លួនបង្អូតកាយក្នុងខែកញ្ញានេះ៖

 

no-alternative title

-Huawei Mate 30 Series

បន្ទាប់ពីបានធ្វើការប្រកាសចេញកំពូលស្មាតហ្វូនពណ៌ថ្មីចំនួនពីរម៉ូដែលបន្ថែមទៀតជាមួយនឹងការដំឡើងមកស្រាប់ចេញពីប្រអប់នូវកំនែប្រែថ្មីនៃ EMUI10 ដែលជ្រកក្រោម Android 10 ក្រុមហ៊ុន Huawei ក៏បានប្រកាសពីកាលបរិច្ឆេទផ្លូវការនៃព្រឹត្តិការណ៍បញ្ចេញកំពូលស្មាតហ្វូនជំនាន់ថ្មី Huawei Mate 30 Series ដែលនឹងប្រារព្វធ្វើឡើងនាថ្ងៃទី 19 ក្នុងខែកញ្ញានេះ។ សមាជិកថ្មីក្នុងផ្ទៃ Huawei Mate 30 Series ត្រូវបានគេដឹងយ៉ាងច្បាស់ថាមានម៉ូដែល Mate 30, Mate 30 Pro និងម៉ូដែល Mate 30-5G ។ កំពូលស្មាតហ្វូនជំនាន់ថ្មីទាំងនេះនឹងបំពាក់ដោយបន្ទះឈីប Kirin 990 ដែលជាកំពូលឈីបជំនាន់ថ្មីចុងក្រោយរបស់ Huawei ដែលទើបប្រកាសចេញកាលពីប៉ុន្មានថ្ងៃមុននេះ ហើយឈីបនេះមានភ្ជាប់ដោយម៉ូឌឹម 5G ស្រាប់តែម្តង។

Mate 30 Series នឹងមានបំពាក់នូវប្រព័ន្ធសែនស័រកាមេរ៉ាបែបរង្វង់ដែលហៅថា “Oreo Module” នៅផ្នែកកាមេរ៉ាក្រោយជាមួយនឹងសែនស័រកាមេរ៉ាដើមទំហំ 48MP។ យ៉ាងណាមិញ Huawei Mate 30 Series នឹងបង្ហាញខ្លួនឡើងដោយមិនមានដំឡើងនូវកម្មវិធីរបស់ Google ឡើយ ដោយវានឹងប្រើប្រាក់កម្មវិធីទីបី (Third-Party App) ដែលធ្វើការនៅលើប្រតិបត្តិការ Android 10 ផ្ទាល់ បញ្ហានេះគឺដោយសារតែការហាមប្រាមរបស់សហរដ្ឋអាមេរិកមិនទាន់រកច្រកចេញបាននៅឡើយទេ។

-OnePlus 7T និង 7T Pro

ក្រុមហ៊ុនមួយបូករបស់ចិនមួយនេះក៏បានត្រៀមខ្លួនក្នុងការដាក់បង្ហាញកំពូលស្មាតហ្វូនស្តេចល្បឿនរបស់ខ្លួននាចុងខែកញ្ញានេះផងដែរ។ កំពូលស្មាតហ្វូនរបស់ក្រុមហ៊ុនចិនមួយនេះនឹងត្រូវចេញលក់នៅទីផ្សារប្រទេសឥណ្ឌានាថ្ងៃទី 26 ខែកញ្ញានេះ ហើយក៏នឹងត្រូវចេញលក់ក្នុងទីផ្សារអាមេរិច និងអឺរ៉ុបនាខែតុលាផងដែរ។ កំពូលស្មាតហ្វូនរបស់ OnePlus នឹងមានចំនួន 3 ម៉ូដែលដូចជា OnePlus 7T , 7T Pro និង 7T Pro McLaren Edition។ ចំពោះលក្ខណះពិសេសគឺវាមានបំពាក់បន្ទះអេក្រង់បង្ហាញដែលមានទំហំ 6.55” ជាមួយល្បឿន refresh ratio 90Hz និងទ្រទ្រង់ការបង្ហាញកម្រិត Full-HD+ សម្រាប់ម៉ូដែល OnePlus 7T។ ម៉ូដែលនេះនឹងមានថ្មទំហំ 3,800mAh ហើយទ្រទ្រង់នឹងបច្ចេកវិទ្យាសាក់ភ្លើងល្បឿនលឿន Warp Charge 30T និងមានអង្គផ្ទុកទិន្នន័យទំហំ 128GB។

ចំណែកម៉ូដែល OnePlus 7T Pro និង 7T Pro McLaren Edition នឹងបំពាក់ដោយបន្ទះអេក្រង់បង្ហាញទំហំ 6.67” កម្រិត 90Hz និងទ្រទ្រង់ការបង្ហាញចេញបានដល់កម្រិត Quad-HD+ (2K)។ សម្រាប់អង្គផ្ទុកទិន្នន័យគឺមានទំហំ 256GB ហើយនិងមានថ្មធំដល់ទៅ 4,085mAh រីឯប្រព័ន្ធកាមេរ៉ារបស់ពួកវាក៏មានសមត្ថភាពក្នុងហ៊្សូមបាន 3x Optical នៅលើTelephoto lens ផងដែរ។ OnePlus 7T Series នឹងដើរលើបន្ទះឈីប Snapdragon 855+ និងដំណើរការដោយ Android 10 ចេញពីប្រអប់តែម្តង។ សម្រាប់ប្រព័ន្ធកាមេរ៉ាថតរូប-វីដេអូគឺនឹងប្រើប្រាស់សែនស័រ កាមេរ៉ាក្រោយ 3 គ្រាប់ដែលមានទំហំ 48MP Main Lens +16MP Ultra-wide Lens +12MP Telephoto Lensជាមួយកម្រិត 2x Optical Zoom សម្រាប់ម៉ូដែល OnePlus 7T។

-iPhone 11 Series

ក្រុមហ៊ុន Apple បានត្រៀមខ្លួនរួចរាល់ហើយក្នុងការប្រកាសចេញ iPhone ជំនាន់ថ្មីរបស់ខ្លួនគឺ iPhone 11 នៅថ្ងៃទី 10 កញ្ញានេះតែម្តង។ iPhone ជំនាន់ថ្មីរបស់ក្រុមហ៊ុនបច្ចេកវិទ្យាយក្សអាមរិកមួយនេះគឺមាន 3 ម៉ូដែលដូចជំនាន់ iPhone XS ដដែលប៉ុន្តែគ្រាន់តែប្តូរឈ្មោះទៅជា iPhone 11, 11 Pro និង 11 Pro Max។ ហើយសម្រាប់អេក្រង់បង្ហាញរបស់ពួកវានឹងនៅរក្សាទំហំដូចជំនាន់មុនដដែលគឺទំហំ 5.8”,6.1” និង 6.5” ប៉ុន្តែនឹងមានការបង្រួមក្បាលឆកខាងលើតូចជាងមុនបន្តិច។ បន្ថែមពីនេះអេក្រង់របស់ពួកវានឹងទ្រទ្រង់ការចុចបញ្ជាដោយប៊ិច Apple Pencil ដូច iPad Pro ថែមទៀតផង។

iPhone ជំនាន់ថ្មីនឹងបង្ហាញខ្លួនឡើងជាមួយបន្ទះឈីប Apple A13 Bionic ដែលផលិតឡើងតាមស្តង់ដារ TSMC ខ្នាត 7nm+ ជាមួយរ៉េមទំហំចាប់ពី 4GB ទៅ 6GB ទៅតាមម៉ូដែល និងប្រតិបត្តិការដោយ iOS13។ iPhone 11 នឹងមិនមានម៉ូដែល 5G នោះទេ ប៉ុន្តែពួកវានឹងដំឡើងនូវប្រព័ន្ធបច្ចេកវិទ្យា Wi-Fi 6។ ចំពោះកាមេរ៉ាវិញម៉ូដែល iPhone 11 Pro និង 11 Pro Max នឹងដំឡើងនូវប្រព័ន្ធកាមេរ៉ាក្រោយ 3 គ្រាប់ខណះ iPhone 11 នឹងមានកាមេរ៉ាក្រោយ 2 គ្រាប់។ រីឯគុណសម្បត្តិផ្សេងៗទៀតរបស់ iPhone 11 Series យើងនឹងបានដឹងលម្អិតនៅថ្ងៃនេះហើយចឹងចាំតាមដានទាំងអស់គ្នា។

-Xioami Mi Mix 4

ស្មាតហ្វូនជំនាន់ថ្មី Xiaomi Mi Mix 4 នឹងត្រូវប្រកាសចេញផ្លូវការណ៍នាថ្ងៃទី 24 ក្នុងខែកញ្ញានេះ ហើយស្មាតហ្វូននេះក៏នឹងមានម៉ូដែល 5G ផងដែរ។ ប្រភពព័ត៌មានបានអោយដឹងថា Mi Mix 4 នឹងបំពាក់នូវបន្ទះអេក្រង់បង្ហាញប្រភេទ Waterfall Display ដែលមានកម្រិតបង្ហាញចេញ Quad-HD+ (2K) និងមានតួរខ្លួនស្រោបពេញដោយសេរ៉ាម៉ិច។ ស្មាតហ្វូនជំនាន់ថ្មីនេះនឹងប្រើប្រាស់បន្ទះឈីប Snapdragon 855+ ភ្ជាប់នូវរ៉េមទំហំ 12GB និងមានអង្គផ្ទុកទិន្នន័យស្រាប់ទំហំដល់ទៅ 1TB។ ជាងនេះទៅទៀត Mi Mix 4 នឹងក្លាយជាស្មាតហ្វូនដំបូងគេដែលប្រើប្រាស់សែនស័រកាមេរ៉ាទំហំ 100MP របស់ Samsung។ ជាមួយគ្នានេះដែរវាត្រូវបានគេដឹងទៀតថានឹងប្រើបច្ចេកវិទ្យាសាកថ្មល្បឿនលឿនកំលាំង 40W។ ជាងនេះទៅទៀត Xioami មិនមែនប្រកាសចេញតែ Mi Mix 4 នោះទេក្រុមហ៊ុននេះក៏នឹងប្រកាសចេញម៉ូដែល Mi 9 Pro 5G មួយម៉ូដែលទៀតផងដែរហើយវាគឺជាម៉ូដែលដំបូងគេដែលនឹងប្រើបច្ចេកវិទ្យាសាកថ្មល្បឿនលឿនកំលាំង 30W Fast Charging Technology។

-ViVo NEX 3

ViVo NEX 3 នឹងត្រូវប្រកាសចេញផ្លូវការណ៍នាថ្ងៃទី 16 ខែកញ្ញានេះ។ ស្មាតហ្វូននេះត្រូវបានគេដឹងថាវាជា Gaming Phone ដែលវិវត្តន៍ខ្លួនចេញពីស៊េរី iQOO។ ViVo NEX 3 នឹងបង្ហាញខ្លួនដ៏ស្រស់សង្ហារជាមួយនឹងរចនាបទបែបថ្មីជាមួយនឹងការបំពាក់អេក្រង់លាតពេញគ្មានគែមឆក និងមានស៊ុមអេក្រង់តូចស្តើងបំផុត (Thin bezels)។ សម្រាប់បន្ទះអេក្រង់បង្ហាញគឺនឹងត្រូវប្រើប្រភេទ AMOLED Display ដែលមានទំហំ 6.89” មានកម្រិតបង្ហាញ Full-HD+ និងមានបង្កប់សែនស័រ Biometric សម្រាប់ស្កែនក្រយ៉ៅម្រាមដៃក្រោមអេក្រង់ទៀតផង។

ស្មាតហ្វូននេះនឹងបំពាក់នូវឈីប Snapdragon 855+ ទ្រទ្រង់ជាមួយប្រព័ន្ធ 5G និងមានថ្មកំលាំង 4,500mAh ជាមួយបច្ចេកវិទ្យាសាកចូលល្បឿនលឿនកំលាំង 44W។ សម្រាប់ប្រព័ន្ធកាមេរ៉ាវិញត្រូវបានគេដឹងថាប្រើប្រាស់ Pop up module សម្រាប់កាមេរ៉ាសែលហ្វី និងកាមេរ៉ាក្រោយបែបរង្វង់ហៅថា “Round-Shaped Module” ដែលភ្ជាប់សែនស័រចំនួន 3 គ្រាប់ជាមួយនឹងលែនគោលប្រើប្រាស់សែនស័រទំហំ 64MP។ 

-Samsung Galaxy Fold

 ក្រោយពីបានពន្យាពេលអស់រយះពេលប៉ុន្មានខែទីបំផុតក្រុមហ៊ុន Samsung បានសម្រេចចិត្តប្រកាសចេញលក់ផ្លូវការណ៍នូវស្មាតហ្វូនអេក្រង់បត់ដំបូងរបស់ខ្លួនក្នុងទីផ្សារដែនដីកំណើតគឺកូរ៉េខាងត្បូងហើយ។ Galaxy Fold បានត្រៀមខ្លួនរួចរាល់ហើយក្នុងការចេញវាយលុកទីផ្សារជាមួយនឹងការបង្កើនកម្រិតភាពធន់នៃអេក្រង់បត់របស់វាដើម្បីអោយការប្រើប្រាស់កាន់តែមានភាពធន់ និងអាចជឿជាក់បានសម្រាប់អថិជន។ ក្រៅពីទីផ្សារកូរ៉េខាងត្បូង Samsung ក៏នឹងនាំយក Galaxy Fold ទៅប្រកាសចេញលក់ក្នុងទីផ្សារបណ្តាប្រទេសក្នុងទ្វីបអឺរ៉ុបរួមនឹងទីផ្សារចក្រភពអង់គ្លេសផងដែរនាថ្ងៃទី 18 ខែកញ្ញានេះ។ សម្រាប់តម្លៃ Galaxy Fold គឺខ្ទង់ប្រហែល €2,000 ហើយវានឹងចេញលក់តែសម្រាប់ទីផ្សារប្រទេសមួយចំនួនតែប៉ុណ្ណោះ។

-Oppo Realme XT

ថ្មីៗនេះក្រុមហ៊ុន Oppo បានលលេងជាមួយក្រុមហ៊ុន Xiaomi ដោយដាក់បង្ហាញទូរស័ព្ទដំបូងក្នុងពិភពលោកដែលមានកាមេរ៉ាក្រោយទំហំ 64MP នូវមុនពេលពីរបីម៉ោងប៉ុណ្ណោះនៃការប្រកាសចេញនូវ Redmi Note 8 Pro របស់ Xioami។ ទោះជាយ៉ាងណាក៏ដោយ OPPO មិនបានប្រារព្ធព្រឹត្តិការណ៍បង្ហាញចេញពេញលិញនោះឡើយដោយស្មាតហ្វូននេះនឹងត្រូវនាំយកទៅប្រកាសចេញក្នុងទីផ្សារឥណ្ឌានាថ្ងៃទី13 ក្នុងខែកញ្ញានេះ។ Realme XT នឹងចាត់ចូលក្នុងលំដាប់ថ្នាក់ស្មាតហ្វូនធុនកណ្តាលដែលជាគូប្រកូតជាមួយនឹង Redmi Note 8 Pro ហើយវានឹងប្រើប្រាស់បន្ទះឈីប Snapdragon 712, មានថ្មកំលាំង 4,000mAh និងមានកាមេរ៉ាក្រោយចំនួន 4 គ្រាប់។

-Samsung Galaxy M30s

ស្មាតហ្វូនធុនបង្គួរស៊េរីថ្មីរបស់ Samsung មួយនេះត្រូវបានបង្ហាញចេញនូវលក្ខណះសម្បត្តិផ្លូវការណ៍មួយចំនួនរួចហើយប៉ុន្តែវាមិនទាន់ត្រូវបានក្រុមហ៊ុនធ្វើការប្រកាសចេញផ្លូវការណ៍នៅឡើយទេ។ យ៉ាងណាមិញ Galaxy M30s នឹងត្រូវប្រកាសចេញផ្លូវការណ៍នាថ្ងៃទី 18 ក្នុងខែកញ្ញានេះ។ ស្មាតហ្វូន Galaxy M30s ត្រូវបានបំពាក់បន្ទះអេក្រង់ទំហំ 6.4” មានកាមេរ៉ាក្រោយ 3 គ្រាប់ជាមួយលែនគោលទំហំ 48MP។ អ្វីដែលនឹងជាចំនុចលេចធ្លោរខ្លាំងនៅលើស្មាតហ្វូននេះគឺថ្មទំហំដ៏ធំមហិមាដល់ទៅ 6,000mAh របស់វាតែម្តង។ ក្រៅពីនេះវានឹងបំពាក់នូវឈីប Exynos 9611 និងមានទំងន់សរុប 179 ក្រាម ហើយតម្លៃរបស់វាត្រូវបានគេបង្ហើបថាធូរថ្លៃបំផុតថែមទៀតផង៕

 

no-alternative title

no-alternative title
ព័ត៌មានពាណិជ្ជកម្ម