យោងតាមព័ត៌មានថ្មីនៅថ្ងៃនេះ អោយដឹងថា ក្រុមហ៊ុន Oppo បាននឹងបន្តក្នុងការរៀបចំខ្លួន ដើម្បីប្រកាសចេញនូវស្មាតហ្វូនស៊េរីថ្មីសម្រាប់ឆ្នាំ 2019 នេះ ហើយស្មាតហ្វូនជំនាន់ថ្មីដែលបង្ហាញខ្លួននៅលើបញ្ជីរបស់ក្រុមហ៊ុ Oppo នេះគឺជាស្មាតហ្វូន Oppo A9 (2020) ដែលជាបដិវត្តន៍ថ្មីបើធៀប ជាមួយនឹងម៉ូឌែលជំនាន់មុនៗរបស់វាដែលមានការពង្រឹងទៅលើសមត្ថភាពកាន់តែខ្លាំងក្លា ហើយវានឹងធ្វើការប្រកួតប្រជែងជាមួយនឹងស្មាតហ្វូនថ្នាក់កណ្តាលជាច្រើនទៀតរបស់ក្រុមហ៊ុន Xiaomi និង Samsung ជាពិសេសស្មាតហ្វូននេះ មានតម្លៃក្រោម $300 ថែមទៀតផង។
ស្មាតហ្វូនស៊េរីថ្មី Oppo A9 (2020) នេះ នឹងធ្វើការប្រកាសបង្ហាញខ្លួនជាផ្លូវការនៅថ្ងៃទី 16 ខែកញ្ញាខាងមុខនេះ ប៉ុន្តែយើងបានដឹងអ្វីៗជាច្រើនអំពីផ្នែកខាងក្នុងរបស់ស្មាតហ្វូននេះច្រើនរួចមកហើយផងដែរ។ ក្រុមហ៊ុន oppo ក៏បានបញ្ចេញនូវព័ត៌មានលម្អិតជាច្រើនរបស់ស្មាតហ្វូននេះនៅលើបណ្តាញសង្គមរបស់ខ្លួនផងដែរ ជាមួយនឹងការបង្ហាញនូវរូបរាងរបស់ស្មាតហ្វូននេះមុនពេលដែលវាបង្ហាញខ្លួនជាផ្លូវការនៅក្នុងរយៈពេល 6 ថ្ងៃទៀតខាងមុខនេះ។ Youtuber Mary Bautista របស់ប្រទេសហ្វីលីពីន ក៏បានបង្ហាញអំពីស្មាតហ្វូន Oppo A9 (2020) នៅក្នុងដៃរបស់គាត់និងធ្វើការ Review អំពីស្មាតហ្វូននេះថែមទៀតផង។ សម្រាប់ការឌីស្សាញស្មាតហ្វូននេះ គឺមានពណ៌ខៀវយ៉ាងស្រស់ស្អាតទាក់ទាញបំផុតសម្រាប់អ្នកប្រើប្រាស់ដែលមានវ័យក្មេងនោះ។
ស្មាតហ្វូននេះមានអេក្រង់ទំហំ 6.5-inch HD+ និងភ្ជាប់ជាមួយនឹង Notch ដែលមានតំណក់ទឹកភ្លៀងថែមទៀត។ ផ្នែកខាងក្រោយរបស់ស្មាតហ្វូននេះគឺមានកាមេរ៉ា ៣ គ្រាប់ដែលមានទំហំ 48MP sensor ជាមួយនឹង f/1.8 aperture និង 8MP wide-angle lens 119º និង f/2.5 aperture និងកាមេរ៉ាទីបីមានទំហំ 2MP depth sensor ដែលមាន aperture f/2.4។ កាមេរ៉ាខាងមុខរបស់ស្មាតហ្វូននេះគឺមានទំហំ 16MP ។ ស្មាតហ្វូននេះដំណើរការនូវបន្ទះឈីប Snapdragon 665 រ៉េមទំហំ 8GB និងម៉េមូរីក្នុងម៉ាស៊ីនទំហំ 128GB ហើយវាអាចបន្ថែមនូវ microSD ដែលមានទំហំ 256GB ថែមទៀត។
សម្រាប់លក្ខណៈសម្បត្តិជាច្រើនទៀតដែលគួរអោយចាប់អារម្មណ៍សម្រាប់ស្មាតហ្វូននេះគឺថា ស្មាតហ្វូន Oppo A9 (2020) នឹងមានថាមពលថ្មធំដែលមានទំហំ 5,000 mAh ហើយវាក៏មានភ្ជាប់ជាមួយនឹងបច្ចេកវិទ្យា wireless និង reverse charging technology ថែមទៀត។ ស្មាតហ្វូននេះប្រើប្រាស់ជាមួយនឹង ColorsOS 6.0.1 ផ្អែកទៅលើប្រព័ន្ធប្រតិបត្តិការ Android 9 Pie និងបច្ចេកវិទ្យាជាច្រើនទៀតដូចជា Dolby Atmos និង Ultra Night Mode 2.0 mode សម្រាប់កាមេរ៉ាថែមទៀត។ នៅក្នុងខណៈពេលនេះយើងនៅមិនទាន់ដឹងអំពីតម្លៃរបស់វានៅឡើយទេ។
