នៅពេលនេះ រថយន្តស៊េរីថ្មី Land Rover Defender បានបង្ហាញរូបរាងជាផ្លូវការហើយ។ បើយើងមើលទៅលើឈ្មោះរបស់រថយន្តនេះ គឺពិតជាមិនធម្មតានោះទេ នៅក្នុងវិស័យផ្នែករថយន្តនេះ។ នៅក្នុងមជ្ឈមណ្ឌលផ្នែកឌីស្សាញដ៏អស្ចារ្យបំផុតនៅក្នុងទីស្នាក់ការកណ្តាលថ្មីរបស់ក្រុមហ៊ុន Jaguar Land Rover នៅក្នុងទីក្រុង Gaydon ប្រទេសអង់គ្លេស លោក Gerry McGovern ដែលជាប្រធានផ្នែកឌីស្សាញរបស់ក្រុមហ៊ុន Land Rover បានធ្វើការពន្យល់អំពីរបៀបដែលក្រុមហ៊ុន បានធ្វើការផ្ទេរនូវមរតកនៃបច្ចេកវិទ្យា និងការឌីស្សាញ ដ៏អស្ចារ្យរបស់ខ្លួនសម្រាប់រថយន្តត្រកូល Defender នេះ។
លោកបាននិយាយថា ខណៈពេលដែលយើងទទួលស្គាល់ទៅលើការផ្ទេរមរតកនៃបច្ចេកវិទ្យា និងការឌីស្សាញពីជំនាន់មុនមកនោះ យើង គឺអាចធ្វើការបញ្ចូលគ្នានៃបច្ចេកវិទ្យាពីមុនៗ បូកបញ្ចូលជាមួយនឹងបច្ចេកវិទ្យា និងការឌីស្សាញសម្រាប់ពេលអនាគត។ សម្រាប់ការឌីស្សាញរូបរាងរបស់រថយន្តនេះ គឺមានភាពស្មុគស្មាញផងដែរ ប៉ុន្តែគាត់បានបង្កើតនូវការឌីស្សាញដ៏អស្ចារ្យសម្រាប់រថយន្តម៉ូឌែល Defender ដែលនាំមុខគេទៅលើការឌីស្សាញ ធន់រឹងមាំខ្លាំង និងម៉ាស៊ីនខ្លាំងក្លាថែមទៀត។
McGovern បាននិយាយថា យើងចង់អំពាវនាវទៅកាន់អ្នកប្រើប្រាស់រថយន្តជាច្រើន អោយក្រឡេកមើលទៅលើរថយន្តម៉ូឌែលថ្មីនេះ ដោយសារតែវា គឺមានការផ្តោតទៅលើការឌីស្សាញម៉ាស៊ីនខ្លាំងក្លាបំផុត។ សម្រាប់ការឌីស្សាញនេះគឺនាំមុខគេហើយសម្រាប់រថយន្តម៉ូឌែលថ្មី Defender នេះ។ ផ្នែកខាងក្នុងរបស់រថយន្តនេះ គឺមានភាពធន់រឹងមាំ ហើយវាពិតជាខុសប្លែកពីរថយន្ត Range Rover ។”
លោក Lee Perry ដែលជាអ្នកឌីស្សាញ ផ្នែកខាងក្នុងរបស់រថយន្តនេះ ក៏បានបញ្ជាក់ប្រាប់ដែរថា សម្រាប់ផ្នែកខាងក្នុងរបស់រថយន្តនេះ គឺមានការភ្ជាប់ជាមួយនឹង Dashboard ដែលផលិតឡើងមកពីម៉ាញ៉េស្យូម ដែលផ្តល់នូវប្រព័ន្ធសុវត្ថិភាពក្នុងការប្រើប្រាស់ ហើយក្នុងនោះក៏មានបច្ចេកវិទ្យាជាច្រើនទៀតដែលសុទ្ធតែល្អបំផុតសម្រាប់អ្នកប្រើប្រាស់រថយន្ត Defender ចង់បានផងដែរ៕