នៅថ្ងៃនេះ ក្រុមហ៊ុន HP បញ្ចេញនូវកុំព្យូទ័រយួរដៃស៊េរីថ្មីរបស់ខ្លួនត្រកូល Elite seriesដែលក្រុមហ៊ុនបច្ចេកវិទ្យានេះហៅម៉ូឌែលថ្មីនេះថា Elite Dragonfly ។ HP Elite Dragonfly គឺជាកុំព្យូទ័រយួរដៃថ្នាក់ប្រណិតសម្រាប់អ្នកធ្វើអាជីវកម្មដែលមានការឌីស្សាញជាមួយនឹងរូបរាងស្រស់ស្អាតដ៏ប្រណិតដែលផ្តល់នូវបទពិសោធន៍ខ្លាំងក្លាដ៏អស្ចារ្យ ហើយវាក៏មានរូបរាងតូចទាក់ទាញខ្លាំងមែនទែន។ កុំព្យូទ័រនេះគឺមានទម្ងន់ស្រាល និងមានថាមពលថ្មអាចប្រើប្រាស់បានយូរថែមទៀត។ ជាមួយនឹងកុំព្យូទ័រ Elite Dragonfly នេះ ក្រុមហ៊ុនបច្ចេកវិទ្យាដែលមានមូលដ្ឋាននៅក្នុងទីក្រុង California ក៏បញ្ចេញនូវម៉ូនីទ័រអេក្រង់កោងដែលមានឈ្មោះថា HP S340c និង HP E344c ថែមទៀត។
កុំព្យូទ័រ HP Elite Dragonfly បង្កើតឡើងដោយភ្ជាប់ជាមួយនឹងសារធាតុម៉ាញ៉េស្យូម CNC-machined magnesium ដែលធ្វើអោយម៉ាស៊ីននេះរឹងមាំក្នុងការប្រើប្រាស់ ប៉ុន្តែវាមានទំងន់ស្រាលថែមទៀត។ កុំព្យទ័រនេះប្រើប្រាស់នូវសារធាតុ oleophobic ដែលកាពារមិនអោយមានប្រឡាក់ស្នាមក្រយ៉ៅដៃថែមទៀត។ កុំព្យូទ័រនេះមានអេក្រង់ទំហំ 13.3-inch touch ដែលមានកម្រិតភាពច្បាស់ 1080pនិង 4K ថែមទៀត។ បន្ថែមពីលើសុវត្ថិភាពខ្ពស់ជាងមុនទៀតនោះ អេក្រង់នេះក៏មានភ្ជាប់ជាមួយនឹងកញ្ចក់ការពារ Corning Gorilla Glass 5 ផងដែរ។ ក្រុមហ៊ុនបច្ចេកវិទ្យា HP នេះបញ្ចេញនូវម៉ូឌែលដែលមានភ្ជាប់ជាមួយនឹងអេក្រង់ SureView privacy ដែលមានកម្រិត screen-to-body-ratio 86% ថែមទៀត។ កុំព្យូទ័រ Elite Dragonfly គឺប្រើប្រាស់នូវបន្ទះឈីប Core i3/i5/i7 processors ជំនាន់ទី ៨ របស់ក្រុមហ៊ុន Intel រ៉េមទំហំ 16GB LPDDR3 RAM និងថាសរឹងទំហំ 2TB SSD ថែមទៀត។
កុំព្យូទ័រ Elite Dragonfly នេះ ក៏ប្រើប្រាស់ជាមួយនឹងកម្មវិធី Intel Athena program ដែលមានន័យថាវាផ្តល់នូវបទពិសោធន៍ដ៏អស្ចារ្យថែមទៀត។ បើនិយាយអំពីការតភ្ជាប់ទំនាក់ទំនងវិញនោះ កុំព្យូទ័រនេះមានភ្ជាប់ជាមួយនឹង WiFi 6និង Bluetooth 5.0 ។ បន្ថែមពីនេះទៀត វាក៏មានប្រើប្រាស់នូវម៉ូដឹម Intel XMM 7360/7560 4G/LTE modem ជាមួយនឹង 4×4 antennas និង GbE adapter ថែមទៀត។ កុំព្យូទ័រនេះមានភ្ជាប់ជាមួយនឹង Thunderbolt 3-enabled USB Type-C port, USB Type-C, USB Type-A, full-size HDMI និងរន្ធដោតកាសស្តាប់ 3.5mm audio jack ផងដែរ។
ក្រុមហ៊ុន HP ក៏ធ្វើការបន្ថែមនូវកម្មវិធី Software ជាច្រើនទៀតដែលមានការផ្តោតសំខាន់ទៅលើផ្នែកសុខភាព និងសុវត្ថិភាព។ ជាក់ស្តែង កុំព្យូទ័រ HP Elite Dragonfly នេះគឺជាប្រភេទកុំព្យូទ័រ business-convertible laptop ដំបូងបំផុតដែលមានភ្ជាប់ជាមួយនឹងកម្មវិធី HP Workwell software ថែមទៀត។ កម្មវិធី HP Workwell នេះអនុញ្ញាតអោយអ្នកប្រើប្រាស់ជាច្រើនអាចធ្វើលំហាត់ប្រាណ និងសម្រាកបានថែមទៀត។ វាក៏ផ្តល់នូវគន្លឹះជាច្រើនដែលធ្វើអោយអ្នកប្រើប្រាស់ជាច្រើនអាចពង្រឹងទៅលើការងារ និងជីវិតរស់នៅរបស់ពួកគេអោយមានតុល្យភាពថែមទៀត។
ក្រៅពីនេះ កុំព្យូទ័រនេះមានភ្ជាប់ជាមួយនឹងកម្មវិធី HP Sure Sense ដែលប្រើប្រាស់នូវបច្ចេកវិទ្យាឆ្លាតវៃ Artificial Intelligence ដើម្បីការពារអ្នកប្រើប្រាស់ជាច្រើនពីការវាយប្រហារនៃមេរោគ Malware ថែមទៀត។ អ្វីដែលគួរអោយចាប់អារម្មណ៍ទៀតនោះ ថាមពលថ្មរបស់វា គឺអាចប្រើប្រាស់បានរយៈពេលដល់ទៅ 24.5 ម៉ោងសម្រាប់ការបញ្ចូលថាមពលថ្មម្តង។ កុំព្យូទ័រ HP Elite Dragonfly នេះមានតម្លៃ USD 1,549 ហើយវាអាចរកទិញបានចាប់ពីថ្ងៃទី 25 ខែតុលាខាងមុខនេះ។
ក្រៅពីការបញ្ចេញនូវកុំព្យុទ័រយួរដៃនេះ ក្រុមហ៊ុនបច្ចេកវិទ្យា HP ក៏ប្រកាសបង្ហាញនូវម៉ូនីទ័រអេក្រង់កោងចំនួន 2 ម៉ូឌែលបន្ថែមទៀតគឺ HP S430c និង HP E344c ។ ម៉ូនីទ័រ S430c មានអេក្រង់កោងដែលមានទំហំ 43.4-inch និងភ្ជាប់ជាមួយនឹង HP Device Bridge ដែលអនុញ្ញាតអោយអ្នកប្រើប្រាស់អាចធ្វើការគ្រប់គ្រងនូវ PCs ចំនួន 2 ក្នុងពេលតែមួយថែមទៀត។
វាក៏៎មានភ្ជាប់ជាមួយនឹងកាមេរ៉ាផុសឡើង Web-Cam ដែលមានភ្ជាប់ជាមួយនឹង Mic សម្រាប់វីដេអូខលថែមទៀត។ ម៉ូនីទ័រ HP S430c នេះគឺមានតម្លៃ USD 949 ហើយវាអាចរកទិញបានចាប់ពីថ្ងៃទី ៤ ខែវិច្ឆិកាខាងមុខនេះ។ សម្រាប់ម៉ូនីទ័រ E344c វិញគឹមានអេក្រង់ទំហំ 34-inch ដែលមានកម្រិតភាពច្បាស់ WQHDនិងកម្រិត aspect ratio 21:9 ទៀតផង។ អេក្រង់នេះមានតម្លៃ USD 599 ហើយវាអាចរកទិញបាននៅថ្ងៃទី ៧ ខែតុលាខាងមុខនេះ៕