ថ្មីៗនេះ ក្រុមហ៊ុន Huawei បង្ហាញនូវស្មាតហ្វូនស៊េរីថ្មីត្រកូល Mate 30 Series របស់ខ្លួនជាច្រើនម៉ូឌែលនៅក្នុងទីក្រុង Munich នៃប្រទេសអាល្លឺម៉ង់។ ស្មាតហ្វូនត្រកូល Mate Series នេះគឺមានច្រើនម៉ូឌែលដូចជា Mate 30, Mate 30 Pro និង Porsche Design Mate 30 RS ។ Huawei Mate 30 Pro គឺជាស្មាតហ្វូនស៊េរីថ្មីលំដាប់ Flagship ដែលមានការ upgrades ខ្លាំងមែនទែនទៅលើផ្នែកផ្សេងៗនៅលើស្មាតហ្វូននេះដែលមានដូចជាកាមេរ៉ា អេក្រង់ ការឌីស្សាញ និងកម្លាំងម៉ាស៊ីនរបស់វា។ យើងនិយាយអំពីមុខងារជាច្រើន និងលក្ខណៈសម្បត្តិរបស់ស្មាតហ្វូននេះបន្តិចផងដែរនៅទីនេះ។
ប្រសិនបើអ្នកចង់បានស្មាតហ្វូនស៊េរីថ្មី Mate 30 Pro នេះ អ្នកអាចធ្វើការ pre-order ពេលនេះទៅលើស្មាតហ្វូននេះបាននៅលើគេហទំព័រ Giztop ថែមទៀត។ អ្នកអាចធ្វើការជ្រើសរើសនូវពណ៌ជាច្រើនតាមតម្រូវការ ហើយវាមានពីរទំហំសម្រាប់ធ្វើការជ្រើសរើសថែមទៀតសម្រាប់ស្មាតហ្វូននេះ។ Mate 30 Pro ទំហំ 8GB+128GB គឺមានពណ៌ខ្មៅ ពណ៌បៃតង (Emerald Green) ស្វាយ និងទឹកប្រាក់ដ៏ស្រស់ស្អាត។ អតិថិជនជាច្រើនដែលធ្វើការ Pre-order ស្មាតហ្វូននេះ នឹងចាប់ផ្តើមទទួលបានការដឹកជញ្ជូនចាប់ពីដើមខែតុលានេះ។ សម្រាប់ទំហំ 8GB+256GB គឺមានលក់ផងដែរនៅលើគេហទំព័រនេះនៅក្នុងតម្លៃ $1,399 នៅលើ Giztop នោះ។ សម្រាប់ទំហំនេះ គឺអាចរកទិញបាននៅក្នុងពណ៌ខ្មៅ ពណ៌បៃតង (Emerald Green) ស្វាយ និងទឹកប្រាក់។
ស្មាតហ្វូននេះនឹងធ្វើការចាប់ផ្តើមការដឹកជញ្ជូននៅដើមខែតុលានេះ។ ខាងក្រោមនេះគឺជាលក្ខណៈសម្បត្តិរបស់ស្មាតហ្វូន Huawei Mate 30 Pro នេះ។
•អេក្រង់គែមកោង 88 ដឺក្រេជាមួយនឹងទំហំ 6.53-inch OLED
•ប្រព័ន្ធស្កេនក្រយ៉ៅដៃក្រោមអេក្រង់ និងបច្ចេកវិទ្យា 3D Face Unlock
•បន្ទះឈីប Kirin 990 Octa-core Processor (Big Core+Tiny Core NPUs)
•ក្រាហ្វិកកាត 16-Core Mali-G76 GPU
•ការទ្រទ្រង់ម៉េមូរីបន្ថែម NM SD Card រហូតដល់ទៅ 256 GB
•កាមេរ៉ាខាងក្រោយ 40MP+40MP+8MP+3D Depth Sensing
•កាមេរ៉ាខាងមុខ 32MP + 3D Depth Sensing
•ថាមពលថ្ម 4500mAh, Huawei SuperCharge (40W), wireless SuperCharge (27W)
•ស្បែក EMUI 10 ផ្អែកទៅលើប្រព័ន្ធប្រតិបត្តិការ Android 10 OS