កាលពីពេលថ្មីៗនេះ នៅពេលដែលស្មាតហ្វូនស៊េរីថ្មី Huawei Mate 30 Pro ប្រកាសបង្ហាញខ្លួននោះ ក្រុមហ៊ុន Huawei បានធ្វើការចំណាយពេលច្រើនក្នុងការនិយាយអំពីប្រព័ន្ធកាមេរ៉ាថ្មីរបស់ស្មាតហ្វូននេះ។ លក្ខណៈសម្បត្តិរបស់កាមេរ៉ានេះ គឺមិនគួរអោយជឿនោះទេ ហើយវាគឺមានការឌីស្សាញរូបរាងមូលរង្វង់ថ្មីដែលក្រុមហ៊ុន Huawei ហៅរូបរាងនេះថាជា Halo Ring។ នេះគឺជាការផ្លាស់ប្តូរការឌីស្សាញរូបរាងពីរូបរាងការ៉េរបស់ស្មាតហ្វូន Mate 20 ប៉ុន្តែ ហេតុអ្វីបានជាពេលនេះវាមានការឌីស្សាញជារូបរាងរង្វង់ទៅវិញនោះ?
តាមការបញ្ជាក់របស់អនុប្រធានរបស់ក្រុមហ៊ុន Huawei លោក Bruce Lee បញ្ជាក់ថា សម្រាប់កាមេរ៉ាថ្មីនេះ គឺបង្ហាញអំពីការរីកចម្រើនរបស់ក្រុមហ៊ុននេះ។ គ្រប់ផ្នែកនៃស្មាតហ្វូនត្រកូល Mate Series គឺតែងតែមានការផ្លាស់ប្តូរជានិច្ចទៅលើប្រព័ន្ធកាមេរ៉ារបស់វាដើម្បីរក្សានូវភាពស្រស់ស្អាតកាន់តែល្អប្រសើរជាងមុន និងគួរអោយចាប់អារម្មណ៍ជាងមុនថែមទៀត។ មានន័យថា សមត្ថភាពរបស់កាមេរ៉ានេះ កាន់តែខិតជិតទៅដល់លំដាប់កាមេរ៉ា DSLR ថែមទៀតផង។
កាមេរ៉ាស្មាតហ្វូន Mate 30 Pro របស់ក្រុមហ៊ុន Huawei គឺជាលទ្ធផលនៃការបង្កើតឡើងជាច្រើនជំនាន់នៃស្មាតហ្វូនត្រកូល Mate Series នេះ។ នៅក្នុងការអភិវឌ្ឍដែលនាំអោយមានលទ្ធផលនាំមុខនៅថ្ងៃនេះ ដែលក្រុមហ៊ុន Huawei នឹងនាំមុខគេទៅលើប្រព័ន្ធកាមេរ៉ានេះបើមើលទៅលើការឌីស្សាញរបស់វានោះ។ ក្រុមហ៊ុន Huawei ចង់អោយការឌីស្សាញប្រព័ន្ធកាមេរ៉ារបស់ពួកគេក្លាយជាទម្រង់មួយដែលមានការពេញនិយមនៅក្នុងទីផ្សារស្មាតហ្វូននេះ ដែលស្រដៀងគ្នាទៅនឹងអ្វីដែលក្រុមហ៊ុនបច្ចេកវិទ្យា Apple ធ្វើនៅលើ iPhones ផងដែរ។
ស្មាតហ្វូនស៊េរីថ្មី Mate 30 Pro series នេះ មានកាមេរ៉ាដែលទាក់ទាញខ្លាំងមែនទែនជាមួយនឹងប្រព័ន្ធកាមេរ៉ាខាងក្រោយ 4 គ្រាប់របស់វា។ កាមេរ៉ាខាងក្រោយ 4 គ្រាប់នេះគឺមានទំហំ SuperSensing 40MP f/1.6ជាមួយនឹង OIS, 40MP Cine f/1.8 , 8MP f/2.4 telephoto ជាមួយនឹង OIS និង 3D depth-sensing ។ ស្មាតហ្វូននេះមានភ្ជាប់ជាមួយនឹង dual-LED flash, laser focus sensor និង color temperature sensor ថែមទៀត។ សម្រាប់កាមេរ៉ា Selfies ខាងមុខនេះគឺមានទំហំ 32MP f/2.0 sensor ជាមួយនឹង 3D sensor ផងដែរ។ តើអ្នកគិតយ៉ាងម៉េចដែរសម្រាប់ស្មាតហ្វូន Mate 30 Pro នេះ?