ស្មាតហ្វូនស៊េរីថ្មី OPPO Reno Ace ត្រូវបានគេកំណត់ថ្ងៃរួចហើយក្នុងការបង្ហាញខ្លួនជាផ្លូវការនៅថ្ងៃទី 10 ខែតុលាខាងមុខនេះនៅក្នុងប្រទេសចិន។ មុនពេលដែលព្រឹត្តិការណ៍នៃការសម្ពោធនេះបានចាប់ផ្តើម ស្មាតហ្វូននេះ ក៏បានបង្ហាញខ្លួននៅលើ TENAA ជាមួយនឹងលេខម៉ូឌែល oppo PCLM10។ ស្មាតហ្វូននេះ នឹងក្លាយជាម៉ូឌែលដំបូងបំផុតរបស់ក្រុមហ៊ុននេះ ដែលប្រើប្រាស់ជាមួយនឹងបច្ចេកវិទ្យាបញ្ចូលថាមពលថ្មលឿនបំផុតរបស់ពិភពលោក SuperVOOC 65W charging ដែលក្រុមហ៊ុន oppo ធ្លាប់បានលើកឡើងនៅក្នុងសប្តាហ៍នេះ។
ខណៈពេលដែលរូបភាពជាច្រើនរបស់ស្មាតហ្វូននេះ នៅមិនទាន់បានធ្វើការ Upload នៅលើប្រព័ន្ធ Database របស់និយ័តករចិននៅឡើយទេ សម្រាប់លក្ខណៈសម្បត្តិជាច្រើនរបស់ស្មាតហ្វូននេះ ត្រូវបានគេដឹងថា នឹងមានអេក្រង់ទំហំ 6.5 អ៊ីង FHD+ ជាមួយនឹងកម្រិត 90Hz Refresh Rate ប៉ុន្តែវាមិនមានការបញ្ជាក់នៅលើ TENAA នោះទេ។ ស្មាតហ្វូននេះ នឹងប្រើប្រាស់ជាមួយនឹងបន្ទះឈីប Snapdragon 855 Plus ដែលមានល្បឿន 2.96Ghz ហើយវានឹងមានរ៉េមទំហំ 12GB និង 256GB ថែមទៀតផង។ សម្រាប់ទំហំនៃថាមពលថ្មរបស់ស្មាតហ្វូន Reno Ace នេះគឺ 3,900mAh ហើយវាក៏អាចធ្វើការបញ្ចូលនូវថាមពលថ្មពេញនៅក្នុងរយៈពេលត្រឹមតែ 30 នាទីប៉ុណ្ណោះ។
ស្មាតហ្វូននេះ មានភ្ជាប់ជាមួយនឹងកាមេរ៉ាខាងក្រោយ 4 គ្រាប់ដែលមានទំហំ 48MP+13MP+8MP+2MP និងកាមេរ៉ាខាងមុខដែលមានទំហំ 16MP។ ស្មាតហ្វូននេះ មានរន្ធដោតកាសស្តាប់ 3.5mm headphone jack ប៉ុន្តែអ្វីដែលគួរអោយចាប់អារម្មណ៍ខ្លាំងនៅលើស្មាតហ្វូននេះគឺទៅលើការឌីស្សាញរូបរាងរបស់វា។ ស្មាតហ្វូននេះអាចនឹងប្រើប្រាស់នូវកាមេរ៉ាមុខផុសឡើងជាព្រុយត្រី ប៉ុន្តែមិនមែនជាទម្រង់នៃការរុញដូចទៅនឹងស្មាតហ្វូន Find X នោះទេ៕