វត្តមានរបស់ទូរស័ព្ទ iPhone 11 ឆ្នាំនេះ គឺមាន 6 ពណ៌សម្រាប់ធ្វើការជ្រើសរើស ដែលខុសប្លែកពីពណ៌ iPhone ពីមុនៗ ដែលយើងធ្លាប់បានឃើញនៅលើ iPhone XR ដែលបង្ហាញខ្លួនកាលពីឆ្នាំមុននេះ។ iPhone 11 ថ្មីនេះ គឺមានពពណ៌ប្លែកៗចំនួនពីរ ដោយពណ៍ស្វាយ គឺសម្រាប់ជំនួសពណ៌ខៀវ ដែលយើងបានឃើញនៅលើ iPhone XR ហើយពណ៌បៃតងសម្រាប់ជំនួសពណ៌ Coral កាលពីឆ្នាំមុននេះ។ សម្រាប់ 4 ពណ៌ផ្សេងទៀត គឺស្រដៀងគ្នាទៅនឹងអ្វីដែលយើងធ្លាប់បានឃើញកាលពីពេលមុននេះ ប៉ុន្តែពេលនេះ មិនដូចពណ៌កាលពីពេលមុននោះទេ យើងមានពណ៌ខ្មៅ ពណ៌ស ពណ៌លឿន និងពណ៌ក្រហម។
ខណៈពេលដែលយើងមើលច្បាស់ហើយអំពីរូបភាពផ្លូវការរបស់ស្មាតហ្វូនទាំងនេះនោះ យើងចង់បង្ហាញលោកអ្នកនូវពណ៌របស់ស្មាតហ្វូននេះកាន់តែច្បាស់ដើម្បីអោយអ្នកអាចជ្រើសរើសពណ៌ណាមួយដែលសក្តិសមជាមួយនឹងជម្រើសរបស់អ្នកនោះ។ រឿងដំបូងដែលអ្នកកត់សម្គាល់ជាមួយនឹងពណ៌របស់ iPhone 11 នេះគឺថា ក្រុមហ៊ុន Apple ប្រើប្រាស់នូវពណ៌ដែលកាន់តែទាក់ទាញ និងស្រស់ស្អាតបំផុត។ សម្រាប់ iPhone XR កាលពីឆ្នាំមុននេះ គឺមានពណ៌ដែលមានភាពដិតជាង ប៉ុន្តែសម្រាប់ពណ៌នៅក្នុងឆ្នាំនេះគឺមើលទៅទៅស្រាលជាងស្រស់ស្អាតនឹងផ្តល់នូវអារម្មណ៍ស្ងប់ស្ងាត់ និងសន្តិភាពថែមទៀតផង។
នៅពេលនេះយើងនឹងធ្វើការពិនិត្យមើលកាន់តែកៀកទៅលើពណ៌ថ្មីចំនួន 2 ពណ៌ដ៏ស្រស់ស្អាតនោះ គឺពណ៌ស្វាយ និងពណ៌បៃតង។ សម្រាប់ពណ៌ស្វាយ និងពណ៌បៃតងនេះមើលទៅ គឺទាក់ទាញស្រស់ស្អាតគួរជាទីគយគន់ថែមទៀតផង។ បើមើលទៅលើពណ៌ក្រហមវិញនោះ គឺពិតជាស្រស់ស្អាតទាក់ទាញខ្លាំងបំផុតផងដែរ។ បើយើងមើលទៅលើស្មាតហ្វូន iPhone XR កាលពីឆ្នាំមុននេះ ក៏មានពណ៌ក្រហមផងដែរ ហើយនៅឆ្នាំនេះ មើលទៅកាន់តែស្រស់ស្អាតលេចធ្លោរមួយកម្រិតទៀត៕