គិតត្រឹមថ្ងៃនេះ គឺនៅសល់រយៈពេលតែ 2 ថ្ងៃទៀតប៉ុណ្ណោះ ដល់ថ្ងៃនៃការបង្ហាញវត្តមានរបស់ស្មាតហ្វូនស៊េរីថ្មីត្រកូល Huawei Mate 30 Pro ហើយ។ នៅបពេលនេះយើងក៏នូវតែបន្តបានឃើញនូវរូបភាព Renders និងការបែកធ្លាយជាច្រើនរបស់ស្មាតហ្វូននេះជាបន្តបន្ទាប់ផងដែរ។ ជាមួយនឹងការបែកធ្លាយថ្មីចុងក្រោយបំផុត គឺបានទម្លាយនូវព័ត៌មានលម្អិតនៃប្រព័ន្ធកាមេរ៉ា និងមុខងារថត Super Slow-Mo ថែមទៀតផង។
យោងតាមបណ្តាញព័ត៌មានជាភាសាចិន ITHome (h/t: XDA-Developers) បានធ្វើការបង្ហោះនូវរូបភាពមួយដែលមានការបង្ហាញអំពីស្មាតហ្វូន Mate 30 Pro ហើយនៅលើរូបភាពនេះ គេសង្កេតឃើញមានជើងទម្ររដែលមានការបង្ហាញនូវព័ត៌មានជាច្រើនដែលពិតជាគួរអោយចាប់អារម្មណ៍ខ្លាំងមែនទែន។ អ្វីដែលគួរអោយកត់សម្គាល់នោះគឺថាវាមានការលើកឡើងអំពីមុខងារនៃការថតកម្រិត 7,680fps ដែលយឺតជាងការថត 960fps slow-motion ដល់ទៅ 8 ដង ដែលមុខងារនេះ យើងមិនធ្លាប់បានឃើញនៅលើស្មាតហ្វូនរបស់ក្រុមហ៊ុន Sony និង Samsung នោះទេ។ កន្លងមកត្រឹមកម្រិតវីដេអូកម្រិត 960fps គឺពិតជាផ្តល់នូវវីដេអូយ៉ាងអស្ចារ្យ ហើយវាពិតប្លែកស្រស់ស្អាតមែនទែន។
សម្រាប់បច្ចេកវិទ្យា 960fps នេះ គឺទាមទារនូវ dedicated memory (DRAM) កម្រិតខ្ពស់សម្រាប់ប្រើប្រាស់នៅលើសេនស័រកាមេរ៉ារបស់ស្មាតហ្វូននេះ។ ប៉ុន្តែសម្រាប់ស្មាតហ្វូនជាច្រើនរបស់ក្រុមហ៊ុន Xiaomi, Realme និង Huawei ប្រើប្រាស់នូវកម្រិត Frame-rate នេះ តាមរយៈការប្រើប្រាស់នូវ Frames ស្ទួនលើគ្នាសម្រាប់ការថតវីដេអូនេះ។ នៅមិនទាន់ច្បាស់នោះទេថាតើ Huawei នឹងប្រើប្រាស់នូវ DRAM ធំប៉ុណ្ណានោះទេ សម្រាប់សេនស័រកាមេរ៉ារបស់ស្មាតហ្វូន Mate 30 Pro នេះនៅក្នុងកម្រិត 7,680fps។ មានការលើកឡើងថា Huawei គឺនឹងអាចធ្វើបាន ក្រុមហ៊ុនប្រើប្រាស់នូវសេនស័រកាមេរ៉ាដែលមានភ្ជាប់ជាមួយនឹង DRAM ដើម្បីសម្រេចនូវវីដេអូកម្រិត 960fps ហើយបន្ទាប់មក គឺកែប្រែខ្ពស់ទៅកាន់កម្រិត 7,680fps ដែលអាចធ្វើការថតវីដេអូធំកម្រិត 4K ច្បាស់មិនធម្មតានោះទេ។
របាយការណ៍ដែលបង្ហាញនៅលើ ITHome នេះ បានបញ្ជាក់ថា ស្មាតហ្វូនស៊េរីថ្មី Huawei Mate 30 Pro នេះ នឹងមានភ្ជាប់ជាមួយនឹងកាមេរ៉ាខាងក្រោយ 3 គ្រាប់ ដែលពីរគ្រាប់មានទំហំ 40MP និងមួយគ្រាប់ទៀតមានទំហំ 8MP telephoto sensor និង 3D depth camera ដែលមានភ្ជាប់ជាមួយនឹងមុខងារ night mode ឬសេនស័រ RYYB របស់ Huawei ថែមទៀតផង។ ស្មាតហ្វូននេះ មានភ្ជាប់ជាមួយនឹងថាមពលថ្មដែលមានទំហំ 4,500mAh ភ្ជាប់ជាមួយនឹងបច្ចេកវិទ្យា 40W wired charging និងបច្ចេកវិទ្យាឥតខ្សែ 27W wireless charging ថែមទៀត។ អ្វីដែលកាន់តែពិសេសជាងនេះទៀតនោះ ស្មាតហ្វូននេះគឺនឹងប្រើប្រាស់ជាមួយនឹងបន្ទះឈីប Kirin 990 ផងដែរ៕