ក្រុមហ៊ុន vivo ត្រៀមខ្លួនរួចរាល់ហើយក្នុងការដាក់លក់ស្មាតហ្វូនស៊េរីថ្មីចំនួន 2 ម៉ូឌែលដែលក្រុមហ៊ុនទើបតែប្រកាសចេញនោះគឺ NEX series នៅចុងខែនេះ។ ខណៈពេលដែលស្មាតហ្វូននេះនៅមិនទាន់ដាក់លក់នៅក្នុងហាងជាច្រើននៅឡើយទេនោះ លក្ខណៈសម្បត្តិរបស់ស្មាតហ្វូននេះក៏ត្រូវបានគេដឹងរួចហើយតាមរយៈការទម្លាយនៅលើអនឡាញនោះ។ ស្មាតហ្វូនស៊េរីថ្មីនេះ គឺមានម៉ូឌែល Vivo NEX 3 និងស្មាតហ្វូន Vivo NEX 3 5G។ ភាពខុសគ្នារបស់ស្មាតហ្វូនទាំងពីរម៉ូឌែលនេះគឺថា ស្មាតហ្វូន Vivo NEX 3 5G នេះ ទ្រទ្រង់នូវបច្ចេកវិទ្យា 5G។
យើងនឹងធ្វើការនិយាយអំពីលក្ខណៈសម្បត្តិរបស់ស្មាតហ្វូននេះ នៅក្នុងខណៈពេលនេះ។ អ្វីដែលរឹតតែគួអោយចាប់អារម្មណ៍ទៀតនោះ ស្មាតហ្វូន vivo NEX 3 និងស្មាតហ្វូន vivo NEX 3 5G ពេលនេះ ដាក់អោយធ្វើការPre-order ហើយនៅលើគេហទំព័រ Giztop។ ស្មាតហ្វូនស៊េរីថ្មីទាំងពីរម៉ូឌែលនេះ គឺមានពីរពណ៌សម្រាប់ធ្វើការជ្រើសរើសគឺពណ៌ខ្មៅ និងពណ៌ Breathing Crystal។
ស្មាតហ្វូន vivo NEX 3 នេះ មានរ៉េមទំហំ 8GB និងម៉េមូរីក្នុងម៉ាស៊ីនទំហំ 128GB។ ស្មាតហ្វូនស៊េរីថ្មីទាំងពីរនេះ អាចធ្វើការ Pre-order បាននៅក្នុងតម្លៃ $819 នៅលើ Giztop ។ សម្រាប់ការដឹកជញ្ជូនស្មាតហ្វូននេះគឺនៅចុងខែកញ្ញានេះ។ រីឯស្មាតហ្វូនស៊េរីថ្មី Vivo NEX 3 5G មានរ៉េមទំហំ 8GB និងមានមេម៉ូរីទំហំ 256GB ហើយនិងមាន ពណ៌ខ្មៅ រួមនិងពណ៌ Breathing Crystal ត្រូវបានដាក់អោយធ្វើការ Pre-order នៅលើ Giztop ក្នុងតម្លៃ $989។ សម្រាប់មេម៉ូរីដែលមានទំហំ 12GB+256GB គឺមានតម្លៃ $1,089 ហើយវានឹងធ្វើការដឹកជញ្ជូននៅចុងខែនេះ។
ស្មាតហ្វូន Vivo NEX 3 និង Vivo NEX 3 5G នេះ មានភ្ជាប់ជាមួយនឹងលក្ខណៈសម្បត្តិដ៏អស្ចារ្យជាច្រើនដូចជា មានអេក្រង់ទឹកធ្លាក់ 6.89 inch Super AMOLED Waterfall display និងមានប្រព័ន្ធស្កេនក្រយ៉ៅដៃក្រោមអេក្រង់ព្រមទាំងដំណើរការបន្ទះឈីប Qualcomm Snapdragon 855 Plus Octa-core រួមជាមួយនឹងក្រាហ្វិកកាត Adreno GPU 640 ហើយនឹងមានកាមេរ៉ាខាងក្រោយទំហំ 64MP+13MP+13MP ក៏ដូចជាកាមេរ៉ាមុខផុសឡើងទំហំ 16 MP។ ស្មាតហ្វូននេះពាក់ស្បែកមុខ Funtouch 9.1 OS ផ្អែកនៅលើប្រព័ន្ធប្រតិបត្តិការ Android 9.0 Pie OS និងមានថាមពលថ្ម 4500mAh ភ្ជាប់ជាមួយនឹងបច្ចេកវិទ្យាបញ្ចូលថាមពលថ្មលឿន 44W Vivo Super-fast charging។