ចង់ដឹងទេថា Huawei Mate 30 RS Porsche Design មានលក្ខណៈសម្បត្តិអស្ចារ្យយ៉ាងណាទេ? តោះតាមដានជាមួយខ្ញុំ...!

ក្រុមហ៊ុនបច្ចេកវិទ្យាយក្ស Huawei និងម៉ាកយីហោថ្នាក់ប្រណិត Porsche Design ពេលនេះបានបញ្ចេញជាផ្លូវការនូវស្មាតហ្វូនស៊េរីថ្មីដែលមានឈ្មោះហៅថា Porsche Design Huawei Mate 30 RS ។ ស្មាតហ្វូនស៊េរីថ្មីដ៏ស្រស់ស្អាតនេះ មានភ្ជាប់ជាមួយនឹងអេក្រង់ OLED ថ្មី កម្លាំងម៉ាស៊ីនដ៏ខ្លាំងក្លា ប្រព័ន្ធកាមេរ៉ាថ្មីជាមួយនឹងការឌីស្សាញរូបរាងដ៏ប្រណិតបំផុតគ្មានគូប្រៀបនោះទេ។ សម្រាប់ម៉ូឌែលដ៏ប្រណិតនេះ ផ្នែកខាងក្រោយរបស់ស្មាតហ្វូននេះគឺមានការផលិតឡើងជាមួយនឹងស្បែកដ៏ស្រស់ស្អាតដ៏ប្រណិតដែលមានការរួមបញ្ចូលគ្នាជាមួយនឹងកញ្ចក់ដ៏រលើបរលោង និងលោហធាតុថែមទៀត។ ក្រុមហ៊ុនបច្ចេកវិទ្យា Huawei ក៏ធ្វើការរៀបចំទៅលើ UI ថ្មីដែលធ្វើអោយស្មាតហ្វូននេះកាន់តែមានភាពលេចធ្លោថែមទៀតជាមួយនឹងការឌីស្សាញផ្នែកខាងក្រៅដ៏ស្រស់ស្អាតបំផុតនោះ។

ស្មាតហ្វូនស៊េរីថ្មី Huawei Mate 30 RS នេះមានអេក្រង់ទំហំ 6.53-inch Horizon OLED display ដែលមានកម្រិតគែមអេក្រង់កោងដល់ទៅ 88 ដឺក្រេជាមួយនឹងកម្រិតភាពច្បាស់ FHD+ (2400 x 1176) និងការបញ្ចូលនូវប្រព័ន្ធសំលេងដ៏ពិរោះរណ្តំចិត្តថែមទៀត។ ស្មាតហ្វូននេះមានភ្ជាប់ជាមួយនឹងបន្ទះឈីប Kirin 990 (5G) processor ជាមួយនឹងរ៉េមទំហំ 12GB RAM + 512GB Internal Storage (អាចធ្វើការបន្ថែមនូវម៉េមូរីខាងក្រៅបានថែមទៀត)។  ក្រុមហ៊ុន Huawei ក៏ធ្វើការតម្លើងនូវប្រព័ន្ធកាមេរ៉ា 4 គ្រាប់ Leica Quad ដែលមានទំហំ 40MP aperture SuperSensing (f/1.7 aperture) + 40MP SuperSensing (f/1.5 aperture) + 8MP Telephoto (f/2.4 aperture) ជាមួយនឹងមុខងារ 3X optical zoom + 3D depth-sensing ថែមទៀត។ ស្មាតហ្វូន Mate 30 RS នេះអាចធ្វើការថតវីដេអូ Bokeh, 720p super slow mo នៅក្នុងកម្រិត 7680fps, 4K Time-lapse, Ultra high definition Night photography, Ultra wide-angle និងមុខងារ AI ថែមទៀត។

សម្រាប់ផ្នែកខាងមុខរបស់ស្មាតហ្វូននេះ វាមានកាមេរ៉ាមួយគ្រាប់ 32MP (f/2.0 aperture) selfie រួមជាមួយនឹងកាមេរ៉ា 3D depth-camera សម្រាប់បច្ចេកវិទ្យាដោះសោរដោយស្កេនមុខ Face Unlock, Ambient Light និង Proximity sensors រួមជាមួយនឹងសេនស័រ Gesture sensor សម្រាប់មុខងារ Air Gestures ផងដែរ។ ស្មាតហ្វូន Huawei Mate 30 RS ដំណើរការនូវស្បែក EMUI 10 ផ្អែកនៅលើប្រព័ន្ធប្រតិបត្តិការ Android 10 ។ វាមានថាមពលថ្មដែលមានទំហំ 4500mAh ជាមួយនឹងបច្ចេកវិទ្យា 40W HUAWEI SuperCharge និងបច្ចេកវិទ្យាឥតខ្សែ 27W Wireless SuperFast Charger ថ្មីថែមទៀតផង (ប៉ុន្តែអ្នកត្រូវទិញដាច់ដោយឡែក)។

ស្មាតហ្វូននេះមានវិមាត្រ 158.1 x 73.1 x 9.3mm និងមានទម្ងន់ត្រឹមតែ 198g ។ ស្មាតហ្វូននេះមាន ២ ពណ៌សម្រាប់ធ្វើការជ្រើសរើសគឺពណ៌ខ្មៅ និងពណ៌ក្រហម។ ស្មាតហ្វូន Huawei Mate 30 RS នេះភ្ជាប់ជាមួយនឹងសេនស័រស្កេនក្រយ៉ៅដៃក្រោមអេក្រង់ និងមុខងារ IP68 សម្រាប់ការពារទឹក និងធូលីថែមទៀត។ ស្មាតហ្វូន Mate 30 RS អាចធ្វើការចែករំលែកថាមពលជាមួយនឹងស្មាតហ្វូនផ្សេងទៀតតាមរយៈបច្ចេកវិទ្យា reverse wireless charging ថែមទៀតផង៕