នៅឆ្នាំ 2020 នេះ ក្រុមហ៊ុនផលិតស្មាតហ្វូនភាគច្រើន គឺបានរងគ្រោះយ៉ាងធ្ងន់ធ្ងរ ដោយសារតែមេរោគរាតត្បាតកូវីដ 19 នេះ។ នៅក្នុងអំឡុងពេលត្រីមាសទី 1 និងត្រីមាសទី 2 នេះ យើងបានឃើញនូវការរំខានជាច្រើនទៅលើការផលិត និងការលក់ស្មាតហ្វូនជាច្រើនថែមទៀត។ នៅក្នុងរយៈពេលប៉ុន្មានខែនេះ មេរោគរាតត្បាតនេះគឺមានការអនុវត្តន៍នូវការបិទប្រទេសផងដែរ។ អតិថិជនជាច្រើន គឺផ្តោតទៅលើការទិញផលិតផល ហើយប្រទេសជាច្រើនរបស់ប្រទេសឥណ្ឌា ក៏មានការលក់ស្មាតហ្វូននៅក្នុងចំនួនកំណត់ផងដែរ។ នៅក្នុងត្រីមាសទី 3 នេះ គេឃើញមានការងើបឡើងវិញនៃក្រុមហ៊ុនផលិតស្មាតហ្វូនជាមួយនឹងលទ្ធផលល្អមែនទែន។
ក្រុមហ៊ុន Samsung ទទួលបាននូវជោគជ័យនៅក្នុងត្រីមាសទី 3 ឆ្នាំ 2020 នេះ។ តាមការបញ្ជាក់នៅក្នុងរបាយការណ៍នេះ បានអោដឹងទៀតថា ក្រុមហ៊ុននេះ មានចំណែកទីផ្សារស្មាតហ្វូនខ្ពស់បំផុតនៅក្នុងទីផ្សារពិភពលោកនៅក្នុងរយៈពេល 6 ឆ្នាំនេះ។ ដោយបានយកឈ្នះទៅលើម៉ាកយីហោជាច្រើនទៀតនៅក្នុងតំបន់ជាច្រើនផងដែរ។ នៅក្នុងទីផ្សាររបស់ប្រទេសឥណ្ឌានោះ ក្រុមហ៊ុននេះបានដណ្តើមចំណាត់ថ្នាក់ពីក្រុមហ៊ុន Xiaomi ផងដែរ។ ជាក់ស្តែង ក្រុមហ៊ុននេះ បានយកឈ្នះក្រុមហ៊ុនផលិតស្មាតហ្វូនរបស់ចិន និងក្រុមហ៊ុន Apple នៅក្នុងទីផ្សាររបស់ប្រទេសឥណ្ឌាទៀតផង។
បន្ថែមពីនេះទៀតនោះ នៅក្នុងរយៈពេល 3 ខែ គិតចាប់ពីខែកក្កដាដល់ខែកញ្ញានេះ ក្រុមហ៊ុន Samsung គឺមានចំណែកទីផ្សារចំនួន 32.6% ដែលមានការកើនឡើងពី 18.8% នៅក្នុងត្រីមាសទី 3 ឆ្នាំ 2019 ជាមួយនឹងចំណែកប្រាក់ចំណេញធំបំផុតនៅក្នុងរយៈជាង 6 ឆ្នាំនេះ។ នៅក្នុងត្រីមាសទី 2 ឆ្នាំ 2014 នេះ ក្រុមហ៊ុននេះគឺមានចំណែកទីផ្សារចំនួន 37.9% ។ ខណៈពេលដែល Samsung ក្លាយជាក្រុមហ៊ុនដែលនាំមុខគេនៅលើការនាំចេញស្មាតហ្វូនរបស់ខ្លួននោះ Apple នៅតែជាម៉ាកយីហោស្មាតហ្វូនដែលមានប្រាក់ចំណេញច្រើនជាងគេដដែល គឺចំណែកទីផ្សារចំនួន 60.5% ផងដែរ។
ប៉ុន្តែតួរលេខនេះ គឺមានការធ្លាក់ចុះពី 66.9% កាលពីឆ្នាំមុននេះ។ នេះមិនមានអ្វីដែលគួរអោយភ្ញាក់ផ្អើលនោះទេ Apple មានការធ្លាក់ចុះដោយសារតែខ្លួនមិនបានបង្ហាញនូវស្មាតហ្វូនរបស់ខ្លួនទាន់ពេលនៅក្នុងត្រីមាសទី 3។ នៅពេលដែលនិយាយអំពីក្រុមហ៊ុន Samsung នោះ ក្រុមហ៊ុន Apple មានការកើនឡើងទៅលើប្រាក់ចំនេញចំនួន 11% នៅក្នុងត្រីមាសទី 3 ឆ្នាំ 2019 ទៅកាន់ 14% នៅក្នុងត្រីមាសទី 3 ឆ្នាំ 2020 នេះ។ ប្រាក់ចំណេញទៅលើស្មាតហ្វូនរបស់ Samsung Electronics គឺមានចំនួន 22.6%។ នៅពេលនេះ ក្រុមហ៊ុន Samsung គឺមានទីផ្សារចំនួន 21.9%ខណៈពេលដែលក្រុមហ៊ុន Huawei គឺមានចំណែកទីផ្សារចំនួន 14.1%។ ក្រុមហ៊ុន Xiaomi គឺមានចំណែកទីផ្សារចំនួន 12.7% ។ ក្រុមហ៊ុន Huawei គឺមានចំនែកទីផ្សារត្រឹមតែ 11.9%ប៉ុណ្ណោះ៕
