Samsung Electronics គឺជាក្រុមហ៊ុនមួយនៅក្នុងចំណោមក្រុមហ៊ុនជាច្រើន ដែលបង្ហាញវត្តមាននៃស្មាតហ្វូនដែលអាចបត់បានរបស់ខ្លួន និងជាស្មាតហ្វូនបត់បានដំបូងបំផុតរបស់ពិភពលោកនៅលើទីផ្សារ។ រហូតមកដល់ថ្ងៃនេះ ក្រុមហ៊ុននេះ បានបន្តក្នុងការប្រកាសចេញនូវស្មាតហ្វូនដែលអាចបត់បានជាច្រើនទៀតផងដែរ ហើយពេលនេះ ក្រុមហ៊ុននេះ ក៏បានត្រៀមខ្លួនក្នុងការបង្ហាញនូវស្មាតហ្វូនដែលអាចបត់បាន 3 ដង ឬស្មាតហ្វូនដែលមានអេក្រង់រមូរថែមទៀតផង។
មួយរយៈចុងក្រោយនេះ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ ត្រូវបានគេមើលឃើញថា មានការរីកចំរើនខ្លាំនមែនទែនទាំងការច្នៃប្រឌិត និងការលក់ស្មាតហ្វូន។ យោងតាមតួរលេខនៅត្រីមាសទី 3 នេះ Samsung គឺមានការនាំមុខគេជាមួយនឹងកំណើនជាង 30% ទៀតផង។ នៅថ្ងៃនេះ ក្រុមហ៊ុននេះ ក៏បានទម្លាយនូវការឌីស្សាញនូវគំនិតថ្មីរបស់ស្មាតហ្វូននេះថ្មីមួយទៀតហើយ ខណៈដែលព័ត៌មានជាច្រើនបាននិយាយា ក្រុមហ៊ុននេះ កំពុងតែធ្វើការនៅលើស្មាតហ្វូនថ្មីៗជាច្រើនផងដែរ។ ក្រុមហ៊ុននេះ ទើបតែទទួលបានប៉ាតង់ទៅលើស្មាតហ្វូនដែលអាចបត់បានជាមួយនឹងទម្រង់នៃការបត់ 3 ដងដូចទៅនឹងទម្រង់ ‘Z’ អញ្ចឹង។
បើមើលទៅលើរូបរាងនៃស្មាតហ្វូនដែលអាចបត់បាន 3 ដងនេះ គឺស្រដៀងគ្នាទៅនឹងប៉ាតង់មួយដែលយើងបានឃើញកាលពីខែមុននេះដែលនោះ គឺជាវត្តមានរបស់ស្មាតហ្វូន Galaxy Z Fold 3។ ជាមួយនិងព័ត៌មានដ៏សើបនេះ ក្រុមហ៊ុន Samsung ត្រូវបានគេដឹថា បានត្រៀមបញ្ចេញនូវស្មាតហ្វូនដែលមានអេក្រង់រមូរថែមទៀតផង។ ហើយរូបភាពនេះ ក៏មានការទម្លាយថា ផលិតផលនេះ គឺមានគោលដៅសម្រាប់អ្នកជំនាញ និងអ្នកប្រើប្រាស់ដែលត្រូវការស្មាតហ្វូនដែលមានអេក្រង់ធំ និងអាចបង្រួមតូចបាន៕
