លោក Ren Zhengfei ដែលជាស្ថាបនិករបស់ក្រុមហ៊ុន Huawei មានក្តីសង្ឃឹមថា ក្រុមហ៊ុន Honor នឹងក្លាយជាគូប្រកួតប្រជែងដ៏ខ្លាំងក្លាបំផុតរបស់ក្រុមហ៊ុន Huawei ហើយក្រុមហ៊ុននេះ នឹងអាចវ៉ាឈ្នះក្រុមហ៊ុន Huawei ថែមទៀតផង។ នេះគឺការជម្រុញទឹកចិត្តដ៏ខ្លាំងក្លាសម្រាប់ក្រុមហ៊ុន Huawei សម្រាប់ពេលអនាគត។ លោកបានបន្ថែមថា ពេលនេះ ក្រុមហ៊ុន Huawei និងក្រុមហ៊ុន Honor លែងមានការទំនាក់ទំនងគ្នាតទៀតនោះហផយ។ ពេលនេះ ក្រុមហ៊ុនទាំងពីរនេះ មានអាជីវកម្មផ្សេងៗគ្នាហើយក៏មានគោលដៅក្នុងការសម្រេចរៀងៗខ្លួនផងដែរ។
ជាមួយនិងរឿងរ៉ាវដែលជាហេតុផលនៃការលក់ក្រុមហ៊ុន Honor នេះ ត្រូវបានលោក Ren និយាយថា ការដាក់ទណ្ឌកម្មរបស់សហរដ្ឋអាមេរិកនេះ បានធ្វើអោយមានការប៉ះពាល់ដល់ការងារជាច្រើន ហើយមិនមែនតែបុគ្គលិករបស់ក្រុមហ៊ុន Huawei នោះទេ ប៉ុន្តែវាក៏ប៉ះពាល់ដល់ក្រុមហ៊ុនដៃគូជាច្រើនទៀតដែលមានដល់ទៅ 170 ប្រទេស។
បន្ថែមពីនេះទៀតនោះ ក្រុមហ៊ុន Honor ក៏នឹងចូលធ្វើការដោះស្រាយបញ្ហាជាច្រើន ដើម្បីទទួលបាននូវជោគជ័យ និងការលើកទឹកចិត្តបុគ្គលិកជាច្រើន ដែលបានចូលទៅកាន់ក្រុមហ៊ុន Honor អោយរៀនសូត្រពីក្រុមហ៊ុនជាច្រើនទៀត ដែលមាននៅក្នុងចក្រភពអង់គ្លេស សហរដ្ឋអាមេរិក អារ៉ាប់ ជប៉ុន តៃវ៉ាន់ និងប្រទេសកូរ៉េខាងត្បូង ជាដើម។
គួរបញ្ជាក់ផងដែរថា ក្រុមហ៊ុន Honor គឺជាម៉ាកយីហោបុត្រសម្ព័ន្ធរបស់ក្រុមហ៊ុន Huawei នៅក្នុងឆ្នាំ 2013 ហើយក្រុមហ៊ុននេះក៏ក្លាយជាក្រុមហ៊ុនផលិតស្មាតហ្វូនមួយរបស់ពិភពលោកដែលមានការលក់ស្មាតហ្វូនដល់ទៅ 70 លានគ្រឿងក្នុងមួយឆ្នាំផងដែរ។ ក្រុមហ៊ុន Honor គឺមានការនាំចេញស្មាតហ្វូនដល់ទៅ 28% របស់ក្រុមហ៊ុន Huawei នៅក្នុងឆមាសទី 1 ឆ្នាំ 2020 នេះ។ ក្រុមហ៊ុន Huawei ប្រកាសការលក់ម៉ាកយីហោ Honor នេះនៅដើមខែនេះជាមួយនឹងកិច្ចព្រមព្រៀងប្រហែលជា 15 ពាន់លានដុល្លារអាមេរិក៕
