ស្មាតហ្វូនស៊េរីថ្មីចំនួន 2 ម៉ូឌែលរបស់ក្រុមហ៊ុន OPPO ដែលមានលេខម៉ូឌែល PDSM00 និង PDST00 នៅពេលនេះ បានទទួលការបញ្ជាក់នូវលក្ខណៈសម្បត្តិនៅលើ TENAA រួចរាល់ហើយ។ មានការរំពឹងថា ស្មាតហ្វូនទាំងពីរម៉ូឌែលនេះ គឺជាជំនាន់ថ្មីរបស់ស្មាតហ្វូន OPPO Reno 5 Pro។ ស្មាតហ្វូនត្រកូល Reno Series ថ្មីនេះ ត្រូវបានគេបញ្ជាក់ថា គឺនឹងមានស្មាតហ្វូនប្រភេទ 5G និង 4G។ នៅក្នុងបញ្ជីរបស់ TENAA នេះក៏មានការទម្លាយអំពីលក្ខណៈសម្បត្តិជាច្រើនរបស់ស្មាតហ្វូន OPPO Reno 5 Pro។ ស្មាតហ្វូនទាំងពីរនេះនឹងមានថាមពលថ្មភ្លោះទំហំ 2215 mAh ផងដែរ។
ស្មាតហ្វូន OPPO PDSM00 និង PDST00 គឺមានវិមាត្រ 159.7 x 73.2 x 7.6mm និងទម្ងន់ 173 g ហើយវាមានអេក្រង់ទំហំ 6.55-inch ។ តាមការបញ្ជាក់នៅក្នុងរូបភាពជាច្រើនដែលមាននៅលើបញ្ជីរបស់ TENAA នេះ ស្មាតហ្វូននេះគឺមានអេក្រង់ប្រភេទ punch-hole ។ វាក៏មានប៊ូតុង Volume នៅគែមផ្នែកខាងឆ្វេង និងប៊ូតុង Power នៅគែមផ្នែកខាងស្តាំរបស់វាផងដែរ។ ផ្នែកខាងក្រោយរបស់ស្មាតហ្វូន Oppo Reno 5 Pro នេះគឺមានកាមេរ៉ា 4 គ្រាប់ដែលមានទំហំ 64MP, 8MP ultra-wide-angle, 2MP និង 2MP ជាមួយនឹងភ្លើង LED Flash។ សម្រាប់កាមេរ៉ាខាងមុខរបស់ស្មាតហ្វូននេះ គឺមានទំហំ 32MP សម្រាប់ថតរូបភាព Selfie និងវីដេអូខល។
ស្មាតហ្វូននេះនឹងមានរ៉េមទំហំ 8GB/12GBនិងម៉េមូរីទំហំ 128GB/256GB ហើយវាក៏មានប្រព័ន្ធតភ្ជាប់ទំនាក់ទំនងដូចជា 5G, 4G VoLTE, Bluetooth, GPS, USB Type-C និងជាច្រើនទៀតផងដែរ។ បន្ថែមពីនេះទៀតនោះ ស្មាតហ្វូនលេខម៉ូឌែល Oppo PDSM00 និង PDST00 ថ្មីៗនេះក៏បង្ហាញខ្លួននៅលើ Geekbench ផងដែរ។ ស្មាតហ្វូន Oppo PDSM00 នេះគឺមានបន្ទះឈីប Dimensity 1000+ SoC ជាមួយនឹងការទ្រទ្រង់នូវបច្ចេកវិទ្យា 5G ផងដែរ។ វាក៏មានរ៉េមទំហំ 8GB និងប្រព័ន្ធប្រតិបត្តិការ Android 11 ផងដែរ។ ស្មាតហ្វូន OPPO PDSM00 នេះមានពិន្ទុ 2392 នៅក្នុងការតេស្ត single-core និងពិន្ទុ 5836 នៅក្នុងការតេស្ត multi-core ផងដែរ។