Ford Bronco 2021 បានក្លាយជារថយន្តថ្មីមួយ ដែលកំពុងតែមានការចាប់អារម្មណ៍យ៉ាងខ្លាំង ហើយនេះក៏ជារថយន្តទំនើបថ្មីមួយដែលស្ថិតនៅក្នុងខ្សែស្រឡាយមួយទៀតរបស់ SUV ផងដែរ។ រថយន្ត Ford Bronco Sport ឆ្នាំ 2021 ត្រូវបានគេនិយាយថា ប្រហែលជាមិនមានសមត្ថភាពខ្លាំងក្លាក្នុងការប្រើប្រាស់នៅលើផ្លូវប្រភេទ Off-road ដូចទៅនឹងរថយន្ត Bronco SUV នោះទេ ប៉ុន្តែសម្រាប់រថយន្ត Bronco Sport នេះ គឺមាន Platform ដូចទៅនឹងរថយន្ត Escape Crossover អញ្ចឹង ដូចជាប្រព័ន្ធ all-wheel-drive system និង accessories ផ្សេងទៀតនៅផ្នែកខាងក្រៅរបស់វា។
នៅក្នុងការបញ្ជាក់មួយចេញពី Autoblog បានអោយដឹងថា រថយន្ត Bronco Sport នេះ គឺមានម៉ាស៊ីន 3 ស៊ីឡាំង 1.5-liter Turbocharged ជាមួយនឹងកម្លាំងម៉ាស៊ីន 81 សេះ និងមានកម្លាំងរមួលចំនួន 190 lb-ft ហើយវាប្រើប្រាស់នូវថាមពលប្រេងសាំងកម្រិត 25/28/26 mpg ផ្លូវក្រុង/ផ្លូវត្រង់/(ផ្លូវត្រង់+ផ្លូវក្រុង)។ រថយន្តនេះ ក៏មានប្រភេទ 2.0-liter turbo 4 ស៊ីឡាំង ដែលមានកម្លាំងម៉ាស៊ីន 245 សេះ និង 275 lb-ft ដែលមានការប្រើប្រាស់ប្រេងកម្រិត 21/26/23 mpg ផ្លូវក្រុង/ផ្លូវត្រង់/(ផ្លូវត្រង់+ផ្លូវក្រុង)។
បើសិនជាធ្វើការប្រៀបធៀបជាមួយនឹង Bronco Sport ទំហំ 1.5-Liter គឺដូចទៅនឹងរថយន្ត Jeep Renegade AWD (23/29 mpg) អញ្ចឹង អាចប្រកួតគ្នាបាន។ សម្រាប់រថយន្ត Bronco Sport 2.0-Liter គឺអាចប្រកួតប្រជែងជាមួយនឹង Cherokee 4WD 2.0 ដែលមានល្បឿន 21/29 mpg បាន។ ប៉ុន្តែ សម្រាប់រថយន្ត Subaru Forester ដែលមានភាពល្បីល្បាញទៅលើស្តង់ដារ AWD គឺបានយកឈ្នះទៅលើក្រុមហ៊ុន Ford និង Jeeps នោះ គឺមានល្បឿនកម្រិត 26/33 mpg។ ដូចនេះ ការលក់ទៅលើរថយន្ត Bronco Sport នឹងមានការប្រកួតប្រជែងជាមិនខាន។ រថយន្ត Bronco Sport 2021 ដាក់លក់ហើយនៅក្នុងតម្លៃប្រហែលជា $26,660៕
