ក្រុមហ៊ុន LG Electronics បានប្រកាសអំពីការប្តេជ្ញាចិត្តរបស់ស្ថាប័នរបស់ខ្លួនក្នុងការធ្វើការកែប្រែកាន់តែលឿនជាងមុននៅក្នុងរបត់អាជីវកម្មឧបករណ៍គ្រឿងប្រើប្រាស់អេឡិចត្រូនិច និងម៉ាកផលិតផលជាច្រើនរបស់ខ្លួន ដើម្បីបង្កើនឱកាសក្នុងទីផ្សារនៅឆ្នាំក្រោយនេះ។ នៅក្នុងគំនិតនៃការផ្តួចផ្តើមនេះ គឺមានដូចជាការលើកកម្ពស់ទៅលើភាពច្នៃប្រឌិតរបស់ខ្លួនតាមរយៈយុទ្ធសាស្រ្តនៃប្រព័ន្ធឌីជីថលរបស់ក្រុមហ៊ុន LG ការបង្កើតនូវមជ្ឈមណ្ឌលគ្រប់គ្រងគុណភាព ការបង្កើតនូវមជ្ឈមណ្ឌលច្នៃប្រឌិតថ្មីនៅក្នុងអាមេរិកខាងជើង ការពង្រឹងទៅលើការស្រាវជ្រាវ និងការអភិវឌ្ឍរបស់ក្រុមហ៊ុននេះទៅលើអាជីវកម្ម Robot Business Division ជាដើម។
ការផ្លាស់ប្តូរដែលគួរអោយកត់សម្គាល់មួយទៀតនោះ គឺដោយសារតែការចូលនិវត្តន៍របស់លោក Dan Song ដែលជាអគ្គនាយក និងនាយកប្រតិបត្តិរបស់អាជីវកម្ម Home Appliance & Air Solutions ដែលគ្រប់គ្រងនៅចុងឆ្នាំ 2016 ហើយក៏ធ្វើអោយក្រុមហ៊ុននេះ កាន់តែខ្លាំងក្លាជាងមុនបន្ថែមទៀត។ នៅក្នុងការដឹកនាំរយៈពេល 37 ឆ្នាំរបស់ក្រុមហ៊ុន LG Electronics អាជីវកម្ម H&A Company របស់ក្រុមហ៊ុន LG ក៏មានកំណត់ត្រាទៅលើការលក់ខ្លាំងបំផុតនៅក្នុងប្រវត្តិសាស្រ្តរបស់ក្រុមហ៊ុននេះទោះបីជាមានមេរោគរាតត្បាតក៏ដោយ។ លោក Lyu Jae-cheol វ័យ 32 ឆ្នាំក៏ជាប្រធានផ្នែកអាជីវកម្ម Living Appliance Business របស់ក្រុមហ៊ុននេះចាប់តាំងពីឆ្នាំ 2016 មកផងដែរ។
នៅក្នុងការផ្តោតទៅលើតម្លៃរបស់អតិថិជន ការគ្រប់គ្រងទៅលើគុណភាព ភាពច្នៃប្រឌិត ការស្រាវជ្រាវនិងការអភិវឌ្ឍ រ៉ូបូតនោះ ក្រុមហ៊ុន LG នឹងបង្កើតនូវឱកាសជាច្រើនទៀតនៅក្នុងការពង្រឹងទៅលើការប្រកួតប្រជែង ការជម្រុញទៅលើការគិត និងការត្រៀមខ្លួនសម្រាប់ពេលអនាគតថែមទៀត។ វាក៏នឹងមានការបែងចែកទៅលើអាជីវកម្មមួយចំនួនដែលស្ថិតនៅក្នុង H&A Living Appliance Business និង System Air Conditioner ផងដែរ។ វាក៏មានការបង្កើតនូវមន្ទីរពិសោធន៍ Disruptive Technology Innovation Labនិង Disruptive Product Innovation Lab សម្រាប់គម្រោងផែនការស្រាវជ្រាវ និងអភិវឌ្ឍនៅក្នុងពេលអនាគតផងដែរ។
ដើម្បីធ្វើការឆ្លើយតបបានកាន់តែល្អនៅក្នុងតម្រូវការរបស់អ្នកប្រើប្រាស់នោះ ក្រុមហ៊ុន LG នឹងបើកដំណើរការនូវ Customer eXperience (CX) Lab ដែលនឹងធ្វើការរាយការណ៍ដោយផ្ទាល់ទៅកាន់នាយកប្រតិបត្តិផងដែរ។ សម្រាប់ CX Lab នេះនឹងផ្តោតទៅលើការការសិក្សាទៅលើការឌីស្សាញដែលមានការជះឥទ្ធិពលដល់ទំនាក់ទំនងនៃការប្រើប្រាស់ផលិតផលជាច្រើនជាមួយនឹងអតិថិជនផងដែរ៕
